用戶登錄
用戶名稱:
密      碼:
搜索
教育王國 討論區 國際學校 請問各位家長 都說好的國際學校難入
查看: 7080|回覆: 31
go

請問各位家長 都說好的國際學校難入

Rank: 3Rank: 3


106
發表於 17-12-13 20:02 |顯示全部帖子
請問各位家長 都說好的國際學校難入
如ESF HKIS CIS CANIS 新加坡國際等等
看了幾天ek 發覺大家都說好國際難入
想請問是不是都有外國國籍
有外國國籍也這麼難入嗎?
仔仔美國國籍準備插班york讀k1
但係小學仍然想入番is
聽大家說的好國際這麼難入
現在感覺好絕望

Rank: 3Rank: 3


273
發表於 17-12-13 21:45 |顯示全部帖子
yutochung 發表於 17-12-13 20:02
請問各位家長 都說好的國際學校難入
如ESF HKIS CIS CANIS 新加坡國際等等
看了幾天ek 發覺大家都說好國際 ...
好的直資,政府也難入. 正常吧.

Rank: 6Rank: 6


9669
發表於 17-12-13 22:30 |顯示全部帖子
供求問題。
好學校,難入就一定,
近幾年,連以往比人話一般的都有 waiting list ,
甚至連新學校都可以完全冇收生不足的問題,
( 12 年前,我仔考 ESF 插班係入 form 就 in 完即收,邊有 waiting list )
今年有一間新校,冇正式校舍,冇牌,一樣有家長比錢。
想入國際學校,不要心頭太高,不是熱門也要考,亦要保留本地學校做後備。

Rank: 5Rank: 5


1305
發表於 17-12-13 23:33 |顯示全部帖子
本帖最後由 xiubak 於 17-12-13 23:50 編輯
yutochung 發表於 17-12-13 20:02
請問各位家長 都說好的國際學校難入
如ESF HKIS CIS CANIS 新加坡國際等等
看了幾天ek 發覺大家都說好國際 ...

其實這幾間學校是歷史比較耐,多人識,所以多人爭。 但我個人認為並不一定代表是最好或最適合你小朋友。我建議你先去不同的學校參觀,再決定那幾間適合你。至於有幾難入,示乎英文程度,有幾多人爭,爭那一級,冇人可以答到你。

Rank: 4


917
發表於 17-12-14 00:02 |顯示全部帖子
本帖最後由 EconFather 於 17-12-14 00:09 編輯

基本上外國護照的優勢在大部分國際學校都並不大,原因是香港擁有雙重國籍的人實在太多。

第二是大部分國際學校都會有兄弟姊妹制度,很多學位都先給這一批人。

年幼階段入會比較好,長大左,雖然國際學校學生會出外留學而令潛在學位回升,但本地學校訓練方式似終不同,很難適應。

我經常都同很多家長說,不要當長頭草,在幼稚園階段就要決定去國際學校還是本地路線,因小朋友性格作決定,而不是家長面子作考慮因素。

可惜的是大部分家長都喜歡中西雙併,係資源上分配錯誤,例如大部分面試班都無助你入國際學校,更莫說小兒珠心算班。如果你真心想考到好國際學校,似終英文係重點。
祝你好運。


Rank: 2


88
發表於 17-12-14 01:18 |顯示全部帖子

回覆樓主

外國護照fail interview的不少見。還是要英文水準過關。現在多人競爭,學校的招生標準也水漲船高。

Rank: 2


88
發表於 17-12-14 01:32 |顯示全部帖子
nintendo 發表於 17-12-13 22:30
供求問題。
好學校,難入就一定,
近幾年,連以往比人話一般的都有 waiting list ,

確有家長印象還停留在N年前,問我是否高小插班好易入。。。

Rank: 4


851
發表於 17-12-14 07:21 |顯示全部帖子
hitommycc 發表於 17-12-14 01:32
確有家長印象還停留在N年前,問我是否高小插班好易入。。。
就算高小是易些入,幼稚園/初小仍是國際學校最應該入的階段,有番個快樂童年,性格亦是自少形成。到中學,其實國際學校也要很努力溫習功課考試。

Rank: 4


917
發表於 17-12-14 07:25 |顯示全部帖子
本帖最後由 EconFather 於 17-12-14 07:26 編輯
hitommycc 發表於 17-12-14 01:18
外國護照fail interview的不少見。還是要英文水準過關。現在多人競爭,學校的招生標準也水漲船高。
...

年紀細時,英文能力差距在國際學校和本地學校是比較少。但去到中學,平均最少會差兩年左右,即是一個中三國際學校學生大約等於本地學校中五學生左右水平。(純觀察)

而生活化口話,在沒有語境的本地學生更是很難累積詞彙。香港本地學校學生大部分都只是停留係搵食用的商業英語,去到國際學校生活,聽到一個有味笑話都未必識笑。

Rank: 4


917
發表於 17-12-14 07:40 |顯示全部帖子
本帖最後由 EconFather 於 17-12-14 07:45 編輯
Fish777 發表於 17-12-14 07:21
就算高小是易些入,幼稚園/初小仍是國際學校最應該入的階段,有番個快樂童年,性格亦是自少形成。到中學, ...

大部分家長先選擇本地,中學轉至國際學校,根據我觀察,大部分都是因為金錢問題,我叫這種行為叫「拖」。呢種行為同男人明明可以結婚,但佢地選擇拖多幾年,觀察下,可惜佢地就錯過左最青春美麗的一刻。

而有大量家長都會用中文作為不讀國際學校小學的考慮,話國際學校學生中文好差。平均而言,香港國際學校中文水平比本地學是比較差,但這個現象本人覺得和國際學校無關,最大影響因素是,國際學校家長在家中大多不願用中文作為家庭語言,形成中文語境時間太少,很難學好中文。(這現象也出現在部分本地神校)

而根據本人研究,在外國歐洲,大部分學生都能掌握2至3種語言,原因是爸爸和媽媽都是來自不同國家,都會使用他們第一語言和小朋友溝通。而中國國內是用普通話教學,部分比較遠的地區在家中還是會使用土話,兩者是可以並存的。而幾十年前香港都是教會學校開始,傳教士用英文授課,但也不影響當時學生中文能力。

而更重要的是,香港學生睇中文書實在太少,有幾多學生可以完成四大名著,同金庸作品。假如不看古文,即使香港學生也只是停留係蘋果日報的閱讀水平。

Rank: 6Rank: 6


9669
發表於 17-12-14 09:47 |顯示全部帖子
hitommycc 發表於 17-12-14 01:32
確有家長印象還停留在N年前,問我是否高小插班好易入。。。

高小比初小多位是事實。
但唔會易。
初小個個執個橙,但讀了幾年,的確可能覺得學校不適合而轉校,
有些轉間好少少,有些可能想轉間易少少,又有因為和老師和同學合不來。
另外一次轉校潮是 year 7 ,
再下一次 year 9 year 10 year 12 就多一批出國。
如果 LS 生夠水平,可以襯幾個轉校潮考 IS 。
其實,好多 IS 寧願收其他 IS 插班,因為始終英文水平爛船三斤釘。
LS 成功插班的多數是一線名校 LS 。

Rank: 6Rank: 6


9669
發表於 17-12-14 09:51 |顯示全部帖子
Fish777 發表於 17-12-14 07:21
就算高小是易些入,幼稚園/初小仍是國際學校最應該入的階段,有番個快樂童年,性格亦是自少形成。到中學, ...

我在其他 topic 分享了很多次, IS 小學是精膸,但可以經濟主導,很多家長覺得大少少先入 IS 一樣。 kindergarten - Year 3,是啟發小朋友思考的時期。
上到中學,IS 分科分班,其實已經非最重要的關鍵。

Rank: 3Rank: 3


106
發表於 17-12-14 09:56 |顯示全部帖子

回覆樓主

謝謝大家
那我還是盡早轉回國際學校吧

Rank: 3Rank: 3


256
發表於 17-12-14 10:58 |顯示全部帖子

回覆樓主

非常同意上面所有家長既comment.

國際學校非常難入。我個仔以前響名幼,佢係剛剛生日,即係local 制度下既超細B, 仲記得以前同班隔離位係早一年9月B,即足足大15個月。如果冇走,佢考LS時一定係失敗收場,因為當年考左20幾間幼稚園都被人reject.

以我地響國際學校一年既經驗,學習氣氛好,冇壓力同功課係完全冇影響小朋友學習動力,反之更好,仲記得以前朝朝要鬧先返學,現在非常主動。

早入早享受,小朋友早d適應,起碼講笑都識笑。至於中文level, 其實家長有責任建立語境,我個仔中文程度同local 生差不多,仲有大把時間日日玩roller, 游水,跑步,呢種身心發展係LS冇可能提供到。


Rank: 2


88
發表於 17-12-14 13:28 |顯示全部帖子
nintendo 發表於 17-12-14 09:47
高小比初小多位是事實。
但唔會易。
初小個個執個橙,但讀了幾年,的確可能覺得學校不適合而轉校,

身邊近期幾個(高小至中學)轉esf成功的都是IS轉IS,smart kids,有的Academic強,有的是原校top student,有校內獎。很多人講大多IS不會看這些,這幾個例子難道只是巧合

Rank: 5Rank: 5


1288
發表於 17-12-14 20:35 |顯示全部帖子
EconFather 發表於 17-12-14 07:40
大部分家長先選擇本地,中學轉至國際學校,根據我觀察,大部分都是因為金錢問題,我叫這種行為叫「拖」。 ...

本帖最後由 RunningPig 於 17-12-14 21:12 編輯

我又唔見得係金錢問題,我識幾個家庭的小孩,小學讀名 LS 學好中文,中學轉學術强的 IS,再去美國名大學。

Rank: 4


851
發表於 17-12-14 21:33 |顯示全部帖子
RunningPig 發表於 17-12-14 20:35
本帖最後由 RunningPig 於 17-12-14 21:12 編輯

我又唔見得係金錢問題,我識幾個家庭的小孩,小學讀名  ...
無論甚麼原因,恐防都miss了 IS幼稚園/小學的快樂童年了。像現在我孩子很多時間在玩,每天看看圖書做下運動安排下playdates,同齡target名校的郤不停在補中英數上面試班,參加活動都要「有cert」的才有興趣,大家的童年就很不一樣了,還未計小學不停的功課測考。

Rank: 6Rank: 6


8004
發表於 17-12-14 23:38 |顯示全部帖子
yutochung 發表於 17-12-13 20:02
請問各位家長 都說好的國際學校難入
如ESF HKIS CIS CANIS 新加坡國際等等
看了幾天ek 發覺大家都說好國際 ...

樓主你話驚入唔到IS, 但現在已在Am IS卻想轉去York?到時想稔直/私vs「一缐國際」?

Rank: 3Rank: 3


106
發表於 17-12-14 23:42 |顯示全部帖子
964000 發表於 17-12-14 23:38
樓主你話驚入唔到IS, 但現在已在Am IS卻想轉去York?到時想稔直/私vs「一缐國際」?
...

主要不滿意美國人國際 想轉走 但係其他國際學校已經不收生了 York又收左我仔 咪霖住讀住先咯 又唔想個仔轉黎轉去 唉 都好矛盾啊我

Rank: 3Rank: 3


344
發表於 17-12-15 00:14 |顯示全部帖子
yutochung 發表於 17-12-14 23:42
主要不滿意美國人國際 想轉走 但係其他國際學校已經不收生了 York又收左我仔 咪霖住讀住先咯 又唔想個仔轉 ...

如果想讀IS,咁york應該唔會係一個option喎!第日要由york入返IS,應該唔容易喎!建議有其他IS位先好轉喎!
你需要登錄後才可以回帖 登錄 | 註冊