點解咁多女仔都會想揀 女校？

1998Ruby1998

回覆 sexymami 的帖子

同我咁似嘅！不過我畀人欺騙得多，所以學會唔信同學。玩手段學左 12 年都係學藝未精。

如果唔計 DSE 成績、老師、小學一齊升上去嘅同學等等。我會選擇男女校。就算只係小毛病（遊雲、坐唔定，搞下笑），係女校好容易被歸類為最曳，男女校總有一兩個男仔墊底。有男仔係班入面，班恨拍拖嘅女仔會放心思落去追仔，只要你冇興趣拍拖，果 d 女仔就冇咁得閒係度搞你。同埋最重要係對男仔溝通技巧同態度，對得多自然就知道點同男仔講野同埋唔會一上大學見到仔就留曬口水自動獻身。

1998Ruby1998

回覆 Eat_Sleep_Play 的帖子

林生人如其名，作到天花龍鳳。情願做姑婆都唔要同佢拍拖。

artroboy

1998Ruby1998 發表於 17-12-13 18:03
回覆 sexymami 的帖子

同我咁似嘅！不過我畀人欺騙得多，所以學會唔信同學。玩手段學左 12 年都係學藝未精 ...

都有好多好既男女校，唔講超神校，例如張祝珊⋯，學習氣氛一流，d仔又欺文，DSE 成績又勁。還有林護、聖馬可⋯⋯，咪一樣讀到書
應該按科目㨂學校，而非為怕拍拖而揀校。最主要讀果位想點

sexymami

artroboy 發表於 17-12-13 18:11
都有好多好既男女校，唔講超神校，例如張祝珊⋯，學習氣氛一流，d仔又欺文，DSE 成績又勁。還有林護、聖馬 ...

有朋友林護同張祝珊畢業，都係唔喜歡間學校的
太過專注讀書了，可能因為佢哋都唔係最top嗰一堆同學，所以我喺到諗，係咪應該去啲一線尾2線頭的，如果佢在當中係中上遊的，可能佢發展各方面都會更多機會？

我希望佢中學有多方面發展，咩都可以玩下，人際溝通表達各方面都可以增強。反而學業就睇下佢有冇書緣，哩啲冇得迫，強求唔黎

啲人成日覺得早啲識就等於叻，一早就要迫小朋友花幾倍時間去學哩樣學嗰樣，其實我一啲都唔認同。

反而保持佢學習興趣，令佢喜歡返學，會自主學習，先係長遠之計。

越講越遠添....

總之就係想又玩得叻，又讀得好囉... 好貪心
哈哈

但發覺好似女校會多啲選擇

不過越講就越發覺囡都係應該讀男女校，我估我心底都有答案了

sexymami

1998Ruby1998 發表於 17-12-13 18:03
回覆 sexymami 的帖子

同我咁似嘅！不過我畀人欺騙得多，所以學會唔信同學。玩手段學左 12 年都係學藝未精 ...

係呀！就係咁樣！

依家啲女同學，成績好嗰一班都唔多喜歡我囡，唔鐘意同佢玩。

我囡唔明白原因，剩係覺得佢哋講佢是非，唔知點解佢哋唔肯同佢玩。

但我心裏明白，因為佢有少少被標籤做曳人，小小多手大動作，成日漏帶書本欠功課。

我叫佢搵其他同佢差唔多的（即間唔中都被老師話嗰啲）
但佢就話唔知點解感覺又唔想同另外嗰啲人玩。

佢心裏都覺得自己係叻人，但啲叻囡又覺得佢係曳人... 但同男仔玩就冇哩啲顧慮... 通常都會同佢玩，我估以佢性格應該都係男女校會適應啲？

1998Ruby1998

回覆 sexymami 的帖子

就算成日畀人話過堆，都未必係性格興趣夾，搞到叻果班嫌你蠢，蠢果班嫌棄你曳，曳果班大纜扯唔埋。我返基崇禮拜堂果陣，同男仔玩籃球係最開心。一線中至二線頭嘅男女校會適合 d。

Yanamami

sexymami 發表於 17-12-13 22:27
係呀！就係咁樣！

依家啲女同學，成績好嗰一班都唔多喜歡我囡，唔鐘意同佢玩。

“但佢就話唔知點解感覺又唔想同另外嗰啲人玩”好嘞，人嫌你，你嫌人咪公平囉~我女小学果時亦俾人嫌，但又嫌男仔低B, 咪就同一两个－齊。佢無乜所謂，啱傾咪傾多两句，唔啱傾咪hi-bye, 無法子要所有人喜欢你嘛，no big deal. 你地有你地埋堆囉，你地有你地講是非喔，我时运高眼唔到听唔到~可能佢男仔性格，又高大，真係唔会上心呢d野。

mytambb

sexymami 發表於 17-12-12 07:49
想問下各位，點解會想囡囡入女校，而唔揀男女校呢？

我本來一心係想搵男女校的，因為覺得人際關係處理各方 ...

我自己prefer男女校。一來子子孫孫無論男女都受益。二來較正常的兩性關係，成長期特別重要，影響將來深遠。三來人際網路關係，將來找老公較易。

asweetmom

sexymami 發表於 17-12-13 17:09
當然係囡揀學校，最終都係佢讀，所以都係佢自己喜歡的。
但選校過程漫漫長路，我作為家長都會參與俾意見， ...

哦！我三個女兒都沒有選擇女校，我自己也不傾向選擇女校。純粹是為了更好的適應社會，本來就是有男有女，如何相處需要長時間接觸。

artroboy

sexymami 發表於 17-12-13 22:15
有朋友林護同張祝珊畢業，都係唔喜歡間學校的
太過專注讀書了，可能因為佢哋都唔係最top嗰一堆同學，所以 ...

我只係想同男女校平反，男女校=早拍拖=成績一落千丈係不成立的。我自己係男女校出身，望返回頭好回味的回憶，一班朋友有男有女，係有人/自己都試過情竇初開，玩下暗戀、獻下殷勤，但最終大家都變哂死黨，一班中年人各挽自己另一半加入呢個group ,得一pair 真係拍得成，結婚生仔。 果種中學時建立既友誼好似變哂家人feel.

artroboy

sexymami 發表於 17-12-13 22:15
有朋友林護同張祝珊畢業，都係唔喜歡間學校的
太過專注讀書了，可能因為佢哋都唔係最top嗰一堆同學，所以 ...

我身邊既朋友都係咁講，除咗讀書，學校好忽視其他方面培養；不過依家佢地都開始改變教學策略，張記都開始跟大隊睇重interview 呢part .

Yanamami

artroboy 發表於 17-12-14 08:31
我只係想同男女校平反，男女校=早拍拖=成績一落千丈係不成立的。我自己係男女校出身，望返回頭好回味的回憶 ...

呢句真珠都無禁真！而家呢把年紀同班旧同学成日－齐飯聚想當年，嘻嘻哈哈不知幾开心｡阿女都話班“叔叔”好搞笑，當年我番学上堂一定多笑料~我地有两三pair青梅竹馬由中学拍拖到家下仔女已入U. 有d“叔叔”就大呻當年無人吼，好鬼自卑……笑死我个女~

littlecar

artroboy 發表於 17-12-14 08:31
我只係想同男女校平反，男女校=早拍拖=成績一落千丈係不成立的。我自己係男女校出身，望返回頭好回味的回憶 ...

雖然我都傾向幫個仔搵男校，不過認同拍拖與否並唔係重點，就算早拍亦唔一定係壞事，其實每間學校都有自己特色，無絕對岩同錯。

Sophie0804

我較喜歡男女校，但我囡囡沒有所謂，但好的男女校唔多。喜歡的入不到，唯有讀女校。

BBKDWLAM

回覆 mcl203 的帖子

以前7年中學，3年大學；宜家6年中學，4年大學。

以前放學返屋企溫習；
宜家興去補習(變相返男女校)

以前寫紙仔已大膽；
宜家細路衝埋去抄牌。

時代已唔同，影響再無以前咁大。

mytambb

littlecar 發表於 17-12-14 09:08
雖然我都傾向幫個仔搵男校，不過認同拍拖與否並唔係重點，就算早拍亦唔一定係壞事，其實每間學校都有自己 ...

其實現今網路社會，不必太擔心早拍拖唔讀書。反而要多認識正確兩性關係及減少太多幻想及誤解。防也防不了，何不坦承正面面對。聖保羅男女的學生也是由小到大一起相處，可能也有不少人有拍拖經驗，但成績也不是一樣出色嗎？重點是德育教育和正確觀念。

littlecar

mytambb 發表於 17-12-14 09:38
其實現今網路社會，不必太擔心早拍拖唔讀書。反而要多認識正確兩性關係及減少太多幻想及誤解。防也防不了 ...

正常拍拖我接受，反而父母對抗網路社會仲難，網上資訊太多，色情暴力又最吸引年青人

所以選學校我選校園生活團結，而男校呢方面氣氛好，除左dse成績我更重視生命成長!!!

b3410

mytambb 發表於 17-12-14 09:38
其實現今網路社會，不必太擔心早拍拖唔讀書。反而要多認識正確兩性關係及減少太多幻想及誤解。防也防不了 ...

同校同學拍拖，點都好過搵個好似十優港姐前任果啲

mytambb

b3410 發表於 17-12-14 09:58
同校同學拍拖，點都好過搵個好似十優港姐前任果啲

對啊。其實都影響很大，包括她的愛情和事業。唉，女人最怕嫁錯郎！

Sophie0804

b3410 發表於 17-12-14 09:58
同校同學拍拖，點都好過搵個好似十優港姐前任果啲

本帖最後由 Sophie0804 於 17-12-14 12:28 編輯

所以您囡囡選男女校。
同中學同學拍拖都幾開心