星期六去了港同書院開放日, 這次是我除了自己和老公母校中學(都係非常傳統超過百年歷史的中學)的開放日外, 第一次去參觀其他學校及新派直資學校的開放日, 做個小小的分享:
- 校舍環境一流,雖然唔係話超大好有氣勢0個種但都幾寬敞, 而且附近環境清幽, 課室望出去都係翠綠山玻, 置身其中好有心曠神怡的感覺, 由巴士站/港鐵站行去都算近(大約7-8分鐘)。不過附近真係"百無", 唔知同學仔LUNCH TIME 唔想食CANTEEN野可以有乜選擇呢?
- 老師大致上比我的感覺都係幾年輕同有教學熱誠的, 我有參與開放日中的模擬課堂, 唔係沉悶講書的一種, 老師會好積極鼓勵同學參與其中及討論, 而且仲會配合好多實物教材或SOFTWARE去幫助學生明白抽象的概念,而且對於家長的提問都好有耐性解答, 印象比起好多在官校HEA教的老師真係好好多.....
- 同學仔大部份都好有禮貌同會主動講解, 眼見的STUDENT DISPLAY WORK 都幾認真制作同有心思, 連普通課室的壁報板都幾有創意, 睇得出老師應該比唔少空間學生去自由發揮, 亦感覺到同學仔應該享受校園生活, 而學校每年都有全級同學一齊參與的海外遊學團,每年會去唔同國家, 亦有EXCHANGE PROGRAM可以安排同學去海外中學讀一年, 本地活動亦有唔少VOLUNTEER/CAREEREXPLORATION 等活動,OLE方面似乎幾多元化
-
開放日當日亦有唔少家長義工, 佢地都好FRIENDLY, 主動前來介紹學校同校園生活,睇得出家長與家長之間都幾CLOSE。
整體感覺好好, 尤其係師資同課外活動方便我覺得幾IMPRESSIVE,不過我冇去過其他直資中學的開放日所以無從比較, 純粹個人感受之分享。 |