幾年級可放手 溫習 測驗考試？

October.

IloveJJ 發表於 17-11-21 11:04
可以講下點樣個成果係點俾你覺得「讀書始終都係靠自己嗎？」

只針對孩子學業成績, 讀完12年中小學(有同事仔女會考舊制), 最終入到本地五大否.

當年,冇咁興直資/私校, 大多數同事仔女讀官津,有啲就名官津啦, 但萬變不離其宗, 我信教材師資唔差得遠,

我地互相交流學校情況, 個個都幫仔女溫測考,考試放大假陪讀, 當然可能投入程度有些小差別啦,

第一關升中到了, 大多數仔女都屬B1, 只有個別B2, 但同事都幫仔女搵到直資英中升學,呢個階段總結, 阿媽付出幾多收穫幾多, 對小學生來講基本成立, 當中分別微小, 只是BANDING既頭中或尾.

升中后, 大家就開始互呻了, 都係話仔女讀書"懶", 呢科唔得,果科又唔合格, 阿媽話當耳邊風, 仔女好似甩繩馬騮咁, 冇心向學, 有d勤力既, 又能力不足, 成績強差人意等等.

第二關口DSE結果出來了, 入到五大了了無幾, 有個小學時被評資優生都......滑鐵盧

所以, 小學時父母幫下仔女打好學習基礎,培養好學習態度係需要既,但成唔成就到學業, 我睇法就 天份+勤力,缺一不可.  

點解話靠讀書靠自己? 就以我女為例, 對Science科一開始就話冇興趣, 初中一直hea讀,上堂睇小説唔聽書,咁成績又點會好呢? 到左F5突然自己轉性, 好勤力補習操數,結果DSE取5, 當初,我地苦口婆心點講都冇用,係要佢自己開竅肯努力,不過, 我地由小學開始就俾信息佢一定要讀到大學, 潛移墨化俾壓力佢都有小小影嚮.

mimi1102

我細女學習與適應能力較慢, 初初開學時, 真係唔識攞手冊出黎對住做功課, 依家已經有進步, 知道欠交會有咩野後果.

大女讀六年小學, 我冇請過半日假陪溫考試, 但到細女, 真係唔請唔得, 因為佢仲未識溫習, 成日以為自己識晒, 但其實係唔識.....

我短期目標希望可以二年級放手, 如果失敗, 就跟多一年, 三年級先放手. 放手後, 預左成績會大跌, 但如果唔放手, 就要跟一世, 我真係唔想呀

Jane1983

回覆 October. 的帖子

你的講法我有同感。我女今年小四，望吓讀K時的一班同學仔和朋友差不多年紀的仔女，就算考小一時考得唔好，或者已經唔錯但想更好，d細路在父母安排下叩門、插班轉校，一個個理想達到。當中父母的努力係關鍵。
但再過幾年，呢班小朋友發展如何，已經唔係父母可以決定。識一個大幾年的師姐，佢一直教個女教得好好，感情亦好，佢女讀名校，自少行出來就好有禮貌，好有大家閨秀feel。點知最近係街撞番，佢話個女中三四開始放學就躲係房，完全唔同佢地講嘢，成績ok但關係好差吓，聽到都心酸。

CALVEN

IloveJJ 發表於 17-11-21 11:53
十分好的分享!我喜歡睇呢啲case，多過啲育兒書育兒講座。

天分+勤力，我一直都這麼認為，所以我從來唔會 ...

資優不等於績優！(我見部分資優家長成日會咁講)

MrBeast

October. 發表於 17-11-21 11:43
只針對孩子學業成績, 讀完12年中小學(有同事仔女會考舊制), 最終入到本地五大否.

當年,冇咁興直資/私校,  ...

我覺得係勤力+天分+少少運氣，note i put 勤 力第一

retriever

Jane1983 發表於 17-11-21 11:59
回覆 October. 的帖子

你的講法我有同感。我女今年小四，望吓讀K時的一班同學仔和朋友差不多年紀的仔女， ...

點解有咁既轉變？

MrBeast

Jane1983 發表於 17-11-21 11:59
回覆 October. 的帖子

你的講法我有同感。我女今年小四，望吓讀K時的一班同學仔和朋友差不多年紀的仔女， ...

不是做事後孔明，青春期係一個關，真正有愛心的學校會一早prepare 家長for it.

retriever

IloveJJ 發表於 17-11-21 11:53
十分好的分享!我喜歡睇呢啲case，多過啲育兒書育兒講座。

天分+勤力，我一直都這麼認為，所以我從來唔會 ...

入左呢部門近六年，大約係細路既中學階段。

耳早陣跟幾位同事講，幾年間都有交流，簡單統計，幾位心疼女兒的，口邊老話無所謂的，隨佢哋興趣的，不約而同都係入唔都U。

我認老餅。

以而家既學位比率。 其實讀唔到資助學位算係相當差。

Jane1983

回覆 retriever 的帖子

係街撞度，見佢咁愁，無問詳情。
希望係青春期一時關係緊張，過咗會好d。

MrBeast

retriever 發表於 17-11-21 13:00
入左呢部門近六年，大約係細路既中學階段。

耳早陣跟幾位同事講，幾年間都有交流，簡單統計，幾位心疼女 ...

e, 那些ek 網友老話興趣最重要的留意一下
ps 當然我唔係話唔重要

MrBeast

mimi1102 發表於 17-11-21 11:47
我細女學習與適應能力較慢, 初初開學時, 真係唔識攞手冊出黎對住做功課, 依家已經有進步, 知道欠交會有咩野 ...

萬丈高樓從地起，你陪佢一起做，好快就掌握到，b4 u know it, 佢已經唔比你幫

Jane1983

回覆 MrBeast 的帖子

佢女果間係乖的傳統女校，校風係好的。佢雖然返工但工餘時間係比晒屋企，一直都係糖黏豆。
一家唔知一家事，唔知會唔會係佢在教誨時候講咗d重的說話，傷害咗親子感情。又或者根本佢無做錯，細路哥行到果個位就和父母唔啱key。

mimi1102

MrBeast 發表於 17-11-21 13:10
萬丈高樓從地起，你陪佢一起做，好快就掌握到，b4 u know it, 佢已經唔比你幫 ...

希望我可以等到依一日

October.

IloveJJ 發表於 17-11-21 12:20
呢樣我知，但見October既意思，佢個case應該也是績優才這麼說呀！

佢中學都係讀B1, 佢媽話冇心向學.

October.

Jane1983 發表於 17-11-21 11:59
回覆 October. 的帖子

你的講法我有同感。我女今年小四，望吓讀K時的一班同學仔和朋友差不多年紀的仔女， ...

我女初中都試過反叛期, 同佢講野唔中意聽就"澎"埋道門, 又成日起晒鋼, 同同學傾電話到半夜三更都唔訓覺.

所以,中學係一大變數, 孩子到左青春期對親子及學業都有影嚮.

MrBeast

Jane1983 發表於 17-11-21 13:31
回覆 MrBeast 的帖子

佢女果間係乖的傳統女校，校風係好的。佢雖然返工但工餘時間係比晒屋企，一直都係糖 ...

人地屋企嘅事唔會知得透，真的不可太武斷，但in general，在小學階段父母可盡量關心子女、維持親子關係、學懂溝通技巧，唔係到到爆發時就好難摟轉。有時見到網友話完全放手等小朋友自己解決，做到跟著父母讚下當然好，但亦有可能子女覺得neglected。
暫時來說我身邊大學年齡的只有3個，一個小時了了但讀唔成大學，另一個唔聲唔聲港大畢業，最後的在神校不得志出左國，lets assume 3個資質差不多，我覺得家山有冇福都是其中因素

Jane1983

回覆 October. 的帖子

我女9歳，嚴陣以待