一線LS（直私）定系二線IS？

twoh

真係唔好意思請教大家尼個問題，同老婆討論LS （直私） vs IS（小朋友宜家K2），竟然發現佢突然認爲二線IS可能不如一線LS。。。我亦冇法勸服佢。。。知道入場都唔易，不過仍然希望先聽聽大家意見，十分感謝！
p.s. 佢（包括佢朋友）認爲二線IS包括CAIS, ICS, etc.

補充些背景：
1. 我本人冇故意分一二線IS。。。不過一線IS尼度暗指漢基，HKIS，德瑞，SIS，FIS等。除左SIS，感覺其他“一線”的IS學費（同其他費用）都貴唔少，所以依我地宜家的經濟狀況，我報左幾間“性價比”較高的IS（例如ESF，CAIS，ICS，SIS，etc）。。。
2. ESF已經抽籤失敗冇面試機會
3. SIS要插班PY2學位咁少，不敢抱咩希望。。。
4. 我自己就係尼度爬文，發現ICS，CAIS口碑唔錯。。。
5. ICS：我老婆朋友個仔讀緊，話唔錯，只不過我老婆覺得唔系“一線”。。。
6. CAIS：我地剛參加過info session，發現admission officer都好有心。不過我老婆參加info session時已頂唔住新校舍的味道（因人而異），同埋二期發展又未定，望落去完全睇唔出有兩公頃的氣勢。。。同埋佢朋友話有小朋友係CAIS讀小學，遇到唔好老師，正在要求轉校。。。於是，佢認爲萬一只有CAIS等二線IS offer，或者不如去一線LS。。。
7. 我老婆甚至話，假如只有CAIS一個offer，咁可能都會先接受，不過係明年會繼續報考一線本地直私小學，如果收到直私名校offer，就放棄CAIS學位（連同預交的學費和45w債券），我震驚。。。。
8. 我老婆認爲二線IS的成績有可能冇一線直私名校咁好，所以未來如果經濟情況有明顯改善，想申請插班一線IS的時候可能反而冇一線直私有優勢。。。

PCMW

坦白講，如果有考慮經濟壓力，不要報IS. 讀IS預左去外國讀大學。

我自己大仔讀CAIS,細仔考緊local school.
原因：小朋友特點，除此外不作其他考慮。
利申：經濟絕對有能力兩個讀IS及從初小放洋。
分享：考local school堅辛苦，要不斷填鴨（認真），IS仔可自由發展自己，有人生目標，有plan，英文絕對好，初小睇的英文書比我一生人睇的英文書量還多，相對中文真係比local student弱。LS學生家庭，會沒有family day, 個個星期溫習溫習抄寫，沒完沒了。但中文底子好，英文相對弱得多多多。

PCMW

twoh 發表於 17-11-18 11:39
真係唔好意思請教大家尼個問題，同老婆討論LS （直私） vs IS（小朋友宜家K2），竟然發現佢突然認爲二線IS ...

仲有，一缐LS你估咁易入？

PCMW

twoh 發表於 17-11-18 11:39
真係唔好意思請教大家尼個問題，同老婆討論LS （直私） vs IS（小朋友宜家K2），竟然發現佢突然認爲二線IS ...

咁唔好彩CAIS遇到不好的老師？我大仔正正讀CAIS,遇到的老師，有些教學平平，但多數都好喎！

RunningPig

我接觸不少一線直私及一線國際的一線學生，覺得他們各有千秋。

Terencema7

樓主同一條問題，係小學區呢面討論不熱烈，合理，因為呢面家長們都正正努力緊直私面試和面對直私學校結果，根本冇人會太大興趣討論直私或國際，一線和二線，相信呢面家長都好簡單，希望小朋友，入到理想直私，小朋友可以坐直升機透過JUPAS 直上八間大學或海外大學。

我再一次係小學討論區再睇多次個問題，我認為直私同國際係冇得比較。

第一，直私非常難入，無論係你所講o既一線，二線，三線，以及另類教育的鄉師或近似國際學校的基信，激活等等

第二，係咪行國際之路，因為唔想考DSE? 因為有海外戶籍，日後會出國放洋? 因為教育理念想小朋友讀國際課程?
讀國際學校的家長根本已鎖定國際學校，再係國際學校中以課程和日後升學中考慮讀邊間。

第三，當然好多人都有錢負擔到國際學校學費或債券，但仍有好多只能選擇直私官津，如果樓主有得揀，應該同太太相討下最想行邊條路。當然，我明白，如果有心儀國際學校當然係好，但試諗諗，如果一間直私都冇，一間你認為比較普通d o既國際學校你都會要架喇。

老實講，係呢個小學區入面，好多人都全軍覆沒，冇直私offer, 同時佢地有d 可能連選擇國際學校o既機會都冇。你已經好幸福，可以選擇太太所講o既二線國際學校。

最後，如果太太鍾情一線LS, 小朋友現在K2, 不如比心機備戰一線LS 面試吧！

Soundervolt

睇嚟樓主太太楝學校重（心目中）名氣，大於適唔適合小朋友甚至本身一家嘅需要及將來學業上嘅路向。如樓主太太推論一缐IS又會比一線LS好，好在邊？唔好在邊？先同太太搞清楚想行一條乜嘢嘅路再選擇LS或IS。BTW，ICS係一間好有質素嘅IS，不過佢只係歷史比較短所以名氣未及GSIS等學校啫，SIS比較近似本地學校風格，測考及功課都唔少㗎！

kokoroame9

twoh 發表於 17-11-18 11:39
真係唔好意思請教大家尼個問題，同老婆討論LS （直私） vs IS（小朋友宜家K2），竟然發現佢突然認爲二線IS ...

其實IS和LS係可以好唔同教育理念架wor！首先係咪應該睇小朋友適合邊類先呢？同埋今時今日無論直私和IS都唔係容易入。名氣無疑係一個plus，但唔代表個個係有名氣學校讀書都一定適合和發展理想。我識得朋友個女係由cckg去左ICS，但又考到DGJS，再去返讀dg。但呢種例子都係好少，前提都係經濟完全沒有壓力，父母可以隨意試，小朋友性格又easy going，兩種模式都適應到。你地應該睇下小朋友適合邊種教學模式，如果佢兩種都得，你咪兩種都考，到時有offer在手時，再衡量經濟地點距離各方面因素後，再決定啦。宜家純粹將IS和LS比較，係完全沒有必要和唔恰當。你應該引導你太太由小朋友的需求去睇，綜合返你地自身各方面環境，在有offer和選擇的情況下再去討論，行邊一條路會比較實際。

Jane1983

如果樓主屋企錢銀比較緊張，太太係小朋友的primary caretaker，咁你在提出所有pros and cons後，太太仍然非常堅持本地學校的話，你應該聽太太的意見。至少比佢試吓帶小朋友考小一，感受吓究竟係點樣一個情况。

否則佢唔同意，你逼佢接受，每個月萬萬聲支出。Touch wood有乜山高水低，佢實鬧爆你，家庭唔和睦，小朋友都好難做人。

Shellyxlk

kokoroame9 發表於 17-11-20 16:22
其實IS和LS係可以好唔同教育理念架wor！首先係咪應該睇小朋友適合邊類先呢？同埋今時今日無論直私和IS都唔 ...

Good point

yianleen

其實如果經濟能力危危乎, 但仍然勇氣可嘉一往無前負擔每年十幾廿萬學費, 俾足十幾年, 實在幫自己挖咗個好大的窿俾自己踩。

唔好講話IS小學, 若舉幼稚園Victoria舉例, 已經少D錢都負擔唔到。朋友分享, 每年學費加20%, 半日學費8,000+, 全日班17,000, 一俾就四年。如果父母家底唔夠堅, 或份工唔穩定, 唔通小朋友中途轉校咩?

而小學、中學, 一讀就十幾年, 事先真係要好好計劃, 呢個係一份不能斷供的保險、一層不能斷供的樓。

至於LS vs IS, 係兩種不同的跑道, 你小朋友是長跑定短跑型先?

LS: 多功課、學術深、時間長、見效快。一放學, 打開本書就知佢學咗咩, 有得跟, 而小朋友亦都規矩D, 通常會斯文D。但長時間同功課測驗抗戰, 自然會無咁活潑, 多好多壓力。每日放工時間去會所, 都見到St Francis, Canossa等學校的學生埋頭做一大疊功課, 就憑佢個樣, 你就知道狂做功課的無奈。

IS: 重思考、啟發、比較自由, carefree, 放學時間去公園, 永遠只會見到幼稚園學生同IS學生去玩, 完全見唔到LS學生的蹤影。IS學生爬高爬低、同人溝通、英文程度都高出一截, 但你試下問佢18+9=? 佢可能答你唔到。佢亦都可能比一般學校學生「百厭」, 你接受到嗎?

以上問題, 我成日都問自己。但自問能力有限, 只希望留前鬥後, 留番多D學費去外國讀大學。每年至少50萬學費+生活費, 兩個小朋友, 有排儲錢。目前只希望搵一間功課、測驗合理的學校俾佢, 但連考15間LS, 幾個waiting, 一個offer都未有。而我地已經幫小朋友由k1開始儲portfolio、上一年面試班、聽過十個專家講座, 仍然全軍覆沒。

點解你太太覺得可以有本事拎住一線LS做IS的back up?

利申: 兩公婆「一線」大學+碩士畢業。但咁又點?!

Terencema7

樓主係國際學校討論區問過同樣問題架喇，果面比好多有用意見佢，我已一早提過如果係小學討論區呢面，大家應該會叫佢諗清楚LS 定IS, 唔會有咩結果。