你地如何幫小朋友選擇幼稚園?

kennethzero

比佢有一個開心童年,以玩樂為主,定係有小小谷的成份

朋友有講,先甜後苦定係先苦後甜,如果玩得太勁,擔心小學跟唔上,但如果幼稚園已經開始谷,又怕佢唔鐘意返學.

利申,我唔想谷小朋友,有冇朋友有經驗可以分享下,謝謝

kitty0204

其實我會以下來細分
學卷/私校;
名幼/龍校,
我自己就以龍校為優先考慮
當然最終睇下有咩offer 先有得考慮.

其實讀學卷/私校, 名幼/龍校也好, 學術或多或少也會出去外補.
龍校就預左學術比較淺, 不過有小學back up 感覺相對向公海少一些壓力.
龍校多有愛心, 重品德, 幼稚園重點培養品德也很重要.

wcyjessica

我自己就著重語境，因為我覺得語文能力好，小學咩科都易Pick up D啦。起碼理解到條題目問咩先.

龍校當然好啦，但如果入唔到，就唯有比錢讀D語境好d既幼稚園。

chriskaan

其實選擇學校真係好難 , 不過 , 你要記住 , 語言一定係浸出黎  , 而唔係迫返黎 , 我想小朋友有快樂的童年 , 但係亦有好的語境 , 所以我選擇左一間有少少出名 , 有 NET 做班主任 , 學術又會有少谷的私幼...!!  

第一 , 要睇家庭負擔能力 , 如果錢唔係問題 , 咁當然會選擇私幼 , 如果家庭負擔有壓力就選擇學卷

第二 , 要睇小朋友出生月份 , 大B細B真係好有影響 , 不過 , 不論私幼定學卷都一定有學校肯收細B , 家長要d時間做d功課...!!

:donuthappy:

KumamonJ

chriskaan 發表於 17-11-16 18:39
其實選擇學校真係好難 , 不過 , 你要記住 , 語言一定係浸出黎  , 而唔係迫返黎 , 我想小朋友有快樂的童年 , ...

請問你小朋友現在讀那區的幼稚園？

孟母3000

1. 語境，會搵雙班主任一中一英既老師
2. 老師資歷，有D私幼為慳成本，請既NET無幼教文憑
3. 學校教育理念、課程、timetable
4. 地點

水皮仔

選擇私校，學術語境好啲但又開心，暫唔外補
返學3小時學得好啲，多啲時間玩，升小都有啲信心，某程度用錢買時間

lollylolly

語境行先，語境係自細浸出黎，幼稚園唔浸，到小學先學就變咗係谷出黎，我覺得學校夠net有資源，小朋友自自然然就識聽識講

Ireneyu22

水皮仔 發表於 17-11-16 20:05
選擇私校，學術語境好啲但又開心，暫唔外補
返學3小時學得好啲，多啲時間玩，升小都有啲信心，某程度用錢買 ...

私校唔係多數都谷嘅咩？

水皮仔

會比津校深啲，但功課小，k2 先寫字，每日一份功課5秒做完，好輕鬆

maomaofafa

lollylolly 發表於 17-11-16 20:56
語境行先，語境係自細浸出黎，幼稚園唔浸，到小學先學就變咗係谷出黎，我覺得學校夠net有資源，小朋友自自 ...

Agree 尤其英文 唔使出去補習慳返好多金錢同時間

孟母3000

sweetbride119 發表於 17-11-16 23:15
私校咪一樣谷，只是PN和K1唔太谷，之後K2,K3一樣谷到爆！

睇下咩類型私校，多數家長target 升IS既私幼其實唔谷，跟返小朋友developmental milestone去教。

chriskaan

回覆 KumamonJ 的帖子

我讀太子明慧，唔算top one 個批名幼，但起碼有 net 做班主任，而且我覺得唔一定要選擇最好的學校，而係要選擇最適合小朋友的學校，小朋友鍾意返學，自己會有學習的動力

水皮仔

回覆 sweetbride119 的帖子

非學術既真興趣班係有，想佢佢見識多啲如無興趣一定唔會晒錢晒時間，佢經常去公園同朋友去玩，總好過又要返學又要學英文，最終都係睇小朋友適唔適合，我連N班都冇比佢返，自己教加日日玩，玩住學所謂谷校，佢可以令小朋友喜歡學習學得開心，沒有最好既幼稚園，跟返小朋友能力，教學方法去選

babypig2017

kennethzero 發表於 17-11-16 16:42
比佢有一個開心童年,以玩樂為主,定係有小小谷的成份

朋友有講,先甜後苦定係先苦後甜,如果玩得太勁,擔心小 ...

我不擔心跟唔上，我只擔心入寶校，或壓力勁大既學校