請問有冇人到呢一刻仲係一個offer都冇？

栗子媽

我到呢刻只得一個waiting

睇到人哋問xx vs xx邊間好啲，真心好羨慕，自己只能眼淚在心裡流，前路茫茫

栗子媽

Cmjelly 發表於 17-11-16 18:18
仔仔卷幼，靠外補，好辛苦呢個星期等到一個offer, 其他全部rejected, 呢間有offer的, 在BK比人負評語，我 ...

恭喜你呀，校風好就已經可以放心入讀，我一直都覺得校風好緊要，我可以容忍小朋友讀書成績唔好，但唔能夠接受小朋友品德唔好，所以入到一間校風好嘅學校，從細打好基礎學好品格遠比成績好重要，希望你小朋友開心入讀。

栗子媽

jason1978 發表於 17-11-16 19:18
如果校風好的二線津校同校風好的普通直私兩間比較呢？係咪都係寧願直私都唔會自行二線？
...

如果係咁，我會睇學校係咩區分，距離屋企嘅車程，當然仲有梗係升中情況。

栗子媽

Terencema7 發表於 17-11-16 23:00
其實我同太太都有咁o既諗法，有時係要用資源去解決，入到好谷o既學校，又係要比錢外補，係現今制度下，5歲 ...

認同你諗法

栗子媽

真係沒完沒了，唔知到幾時先有offer 有朋友話點解一定要讀直私，津校一樣大把好嘢，肯讀邊度都讀到，我知道，但本身校網已經唔靚 ，大抽獎真係無咩保障。
我認同樓上有家長講有資源有選擇，學校篩選過學生，質素始終同津校唔同，讀直私都係希望小朋友喺個好啲嘅學習環境中成長。

其實考直私嚟嚟去去都係嗰批人腳，而直私揀嘅亦嚟嚟去去都係嗰幾類學生，有offer嘅只會手揸更多offer，所以希望遲啲會陸續有人放咁啲offer 出嚟啦。

栗子媽

Terencema7 發表於 17-11-17 00:21
栗子媽
呢個直私制度加埋中學o既英中制度，令教育上出現一個獨特市場情況，就係只是極少數直私學校，Deman ...

係呀，真係呀，我都好想快啲重回正路，未收信，真係玩都無心機，唔使日日望信箱，日日等信，呢個遊戲真係令家長好攰，小朋友們都承受唔少壓力。

栗子媽

wahwahmom 發表於 17-11-17 09:45
我由細到大，都係被教學到既野就係自己既，你唔好諗住投資啲野在仔身上，就一定有回報啦，今年是歷屆最多 ...

認同，學咗嘅嘢永遠都係自己嘅，所以縱使去到呢刻我小朋友一個offer 都未有，身邊開始有人講話，你由N班就開始讀，交4年學費投資咁多都無offer ，問我是否覺得唔值。

我心中所想係，我小朋友係獨生子女，怕醜慢熱，兩邊家庭呢輩佢係第一個，未有老表一齊成長，所以我俾佢讀N班，呢間幼稚園都唔錯，起碼我小朋友返得開心，亦成長咗好多，學咗好多唔同嘅嘢，所以我哋k1都無轉到繼續讀。

而事實上我覺得自己小朋友所識嘅嘢係一個正常5歲應有嘅嘢就足夠，考唔上直私唔一定係佢差，只係有啲小朋友真係好犀利，而且養育小朋友在我嚟講唔係一項投資，而係我嘅責任，做父母嘅按自己能力同理念去教育小朋友，俾小朋友一個安穩嘅生活環境，用心去培育小朋友品格就盡咗責任，至於小朋友將來係點，就真係唔到父母控制。

栗子媽

Terencema7 發表於 17-11-17 10:42
對於英文教育，當然可以好多意見，絕對尊重gwenstephen 兄觀點！

我就認為英語環境可以提升英語運用機會 ...

英文始終都係好重要，而我哋香港一般家庭真係未必可以用英文做母語，但語言的確係要經常運用先會熟練，語境好緊要，我都認同如果二線直私以中文做教學，相信對某啲家長嘅吸引度一定會有影響。