WKF用家

hokay

家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入到是但一間都還得神落。阿女in完輝輝已經非君不嫁咁款，好彩地襄王亦有夢，最後入到真係好開心。

由於阿女幼稚園讀開happy school，雖然佢英文講聽能力良好，但串字同中文麻麻，加上我地從無催谷，起初都會擔心佢跟唔跟到（呢個時候你可能會問點解輝輝會收d咁既學生，而我可以話你知，阿女社交能力好好，主動大膽，敢行出黎講嘢，加上禮貌周周同英語oral能力，遇著啱channel既面試都ok 既)。慶幸返左幾個月中英數都進步左好多，佢無需要做抄寫功課，以數學為例，d題目可以條條不同，佢係想你明而唔係要你死操果隻，所以跟得上，理解到就好地地，唔明又無得操就會覺得難跟，之前去curriculum evening話數學每2-3星期有module test，考得唔好會有補底堂，加上split class制度，其實都係以學生為本既。

有時見咁多人插輝輝，都唔係好明點解，聽人講不如問吓真用家，我諗好多輝輝家長都樂意比資料。阿女同學d家長都唔多怪獸，感受到大家有相近理念，呢樣幾好，之但係唔谷唔代表無要求，so far我覺得大家都幾滿意。

kaka-bb

多謝你分享，用家講係最真實。想問下功課量幾多，同project係咪要家長參與好多？

仲有係學術水平方面係點，最關心係中學的成績係點？

milkybb

有機會識下高小的家長傾下，前幾年我都非常滿意學校的，只是今年特別奇怪，特別混亂!G1通常是蜜月期，照顧及安排也是最好的就以學生showcase為例，以往一年兩次，上年開始一年一次，沒有向家長解釋，只是靜靜的取消⋯

hokay

kaka-bb 發表於 17-11-15 12:05
多謝你分享，用家講係最真實。想問下功課量幾多，同project係咪要家長參與好多？

仲有係學術水平方面係點 ...

功課不多，一日兩三樣，通常一個小時內完成，無乜抄寫，功課性質著重理解。平均個半月一次show and tell，中英都要，家長都要幫下手印下相搵下圖，同埋rehearsal。

至於中學，我諗我知既同你差唔多，今年係第一年親生仔上場考dse，適逢我有個同事係今年dse考生既家長，遲d收到多d風再分享。

個人認為如果小朋友係出類拔萃，升中轉校唔轉校係個人選擇，畢竟轉出去讀名校係吸引既，呢種想法應該apply to all students and parents，強如協恩都可能有人特登轉去DGS（and vice versa(emoji))，畢竟人人心目中既最好同最適合都不同。我覺得成績既野有好多野影響：學校、資質、師資、性格、毅力、努力....太多太多，邊樣野先係最大影響最重要？

hokay

milkybb 發表於 17-11-15 14:48
有機會識下高小的家長傾下，前幾年我都非常滿意學校的，只是今年特別奇怪，特別混亂!G1通常是蜜月期，照顧 ...

有機會都會認識一下，我都想多了解學校(emoji)

dim731

hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...

G1新用家揮手～
我都好努力咁喺小一選校嗰邊發放用家感受同一年級實況，真係感覺良好丫～
朋友分別讀緊二年級同五年級，都無乜投訢
做義工家長識到啲高年級家長，都有聽到唔同聲音，但一講起學校大方向同活動就大家都好滿意
早幾日教小朋友做聖誕佈置，同一年級及三年級學生相處咗個幾鐘，大家都好合作，效率好高，唔識會即刻問，做得快嘅會幫其他同學手，做完仲有半堂時間剩低，有啲就同家長義工傾偈，有啲自己摺紙，另一啲用環保紙設計聖誕裝飾，係比我預期自律嘅學生～

connie_cheng

hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...

G1新用家揮手～X2﹗身邊好多朋友讀其他學校，每日都做6-10樣功課+溫習，晚晚攪到10點，玩既時間都冇，呢種讀書風氣完全本末倒置讀書既真正意義﹗雖然WKF未必係一線學校，亦都唔似主流咁谷，但學術水平唔淺，活動式教學，阿仔讀得好開心，同老師同學相處融洽，課程+功課都唔太谷，好感恩入讀到WKF﹗

bbitaly

大家好，囝囝明年G1，聽到家長話近一年有老師用廣東話教學，想問下係咪真係有咁情況？

bbitaly

也想知道下費用, 除左學費和校車和中午飯,仲有冇其他費要比架尼? 因為我地都係普通家庭, 擔心有好多額外使費

connie_cheng

bbitaly 發表於 17-11-17 12:20
大家好，囝囝明年G1，聽到家長話近一年有老師用廣東話教學，想問下係咪真係有咁情況？ ...

咁多科入面，得1科 - Liberal Arts用廣東話，但真心發問，用廣東話有問題嗎﹖兩文三語咪仲好

connie_cheng

bbitaly 發表於 17-11-17 12:40
也想知道下費用, 除左學費和校車和中午飯,仲有冇其他費要比架尼? 因為我地都係普通家庭, 擔心有好多額外使 ...

個人意見：學校既雜費真係唔多，但如果要報課外活動或公開比賽，呢D係選擇性+ 要另外收費﹗

hokay

bbitaly 發表於 17-11-17 12:20
大家好，囝囝明年G1，聽到家長話近一年有老師用廣東話教學，想問下係咪真係有咁情況？ ...

只有一科liberal arts用廣東話，其他科用英文，中文用普通話。 佢地有鼓勵小朋友講英文，例如班上有個表，小朋友係班上講英文會升一級，呢d tricks已經會令小朋友知上堂要講英文。

hokay

多謝小一家長加入，好讓大家多了解輝輝

bbitaly

回覆 connie_cheng 的帖子

多謝你回答 我個人想囝讀英文小學，所以問下近年係咪有改變

hokay

bbitaly 發表於 17-11-17 19:09
回覆 connie_cheng 的帖子

多謝你回答 我個人想囝讀英文小學，所以問下近年係咪有改變 ...

咁上堂一定係英文既，至於你話recess用中定英就無得定啦，我想只有國際學校先會recess都用英吧。佢地每人有本passport,講英文，做好事都會有印仔，都好encouraging

bbitaly

回覆 hokay 的帖子

明白，謝謝你！小息用中文好正常，除非同外籍同學仔倾計啫

milkybb

若果你們認為小息是講廣東話沒有甚麼大不了，那就看你怎麼想了！我肯定的告訴你們，以前一直嚴格執行校園內只可説英普，全校如是，家長義工及職員例外，但今年已面目全非。

taidou

hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...

本帖最後由 taidou 於 17-11-18 01:17 編輯

太好，見到呢個post，我很想知道更多關於WKF，小女比較喜歡英文，個性活潑，所以想選一間比較活動教學的英文小學。

都有唔少其他留言比較針對WKF的DSE成績，我的確有點疑慮，但還未算是最大的考慮。老實講，假若小女明年入讀G1，12年後的事誰都說不準。就目前黎睇，我比較想提升佢的表達及語言能力，希望佢能放膽表達自己，勇於接受挑戰並且保持對學習的熱誠。

睇到各用家的留言，WKF應該能夠配合我的期望。

bbitaly

回覆 taidou 的帖子

Same thinking

milkybb

其實我要提出這些意見，是希望家長們能同心協力，一起向校方反映意見，捍衛a school 一向有的傳統，上年就曾因為校長在開學的早會上用廣東話主導，家長們都反映意見，才使之後的早會用回英語。我不太清楚你們選擇a school的主因，但我比較喜歡學校英普的語境，希望可keep到。