拿著擦字膠的呀媽的手

retriever

已經見過多次這情境。

第一次是在某校飯堂等上課外活動。有初小生在做功課。突然見細路身後一隻肥手伸出來，在功課本上猛擦。

細路低頭又寫。突然，肥手又伸出來了，手好像有點抖動，擦擦擦擦擦擦，看動作的頻率，可感到肥手主人心中的激情。。。 細路低頭再寫，不過半分鐘，肥手又來了。。。

細路回頭，不屑的 “怒啤” 了這麼一下。 我心牢牢記下了這畫面。


第二次的遇見，細路背後的手不再肥，但同樣是男孩，同樣的不屑。


第三次是一位女孩。母親在旁邊，不時幫細路擦掉整版的功課。女孩很安靜，等著肥手。。。 噢，不。。。 是母親來回幾次擦掉作業。畫面很和平，女孩像很欣賞甚至享受肥手。。。 噢，不。。。 是母親體貼的照顧。我心牢牢記下了這畫面。


大家有無做拿著擦字膠的手？

感受如何？

反應又如何？

babywoman

我記憶中很少因為字唔靚而擦仔的字。幼稚園高班及初小時要求佢寫對筆順，雖然至現在有些字仍是寫錯，不過可以接受的。仔幼稚園及小學都唔多抄寫，所以，我都好少擦佢啲字，寫錯咗自然有老師改。

mba34567

retriever 發表於 17-11-12 09:20
已經見過多次這情境。

第一次是在某校飯堂等上課外活動。有初小生在做功課。突然見細路身後一隻肥手伸出來 ...

呢個有乜奇怪？小朋友寫唔好，糾正一下。比佢自己擦，又慢又易擦爛紙，幫下手啫。

Yanamami

我好懶……d女做完功課執好書包先俾我簽手册……从來唔同佢对功課，唔到考試问佢書都唔知佢学紧乜……

Yanamami

mba34567 發表於 17-11-12 10:34
呢個有乜奇怪？小朋友寫唔好，糾正一下。比佢自己擦，又慢又易擦爛紙，幫下手啫。
...

唔好將自己变成書僮……

retriever

Yanamami 發表於 17-11-12 10:41
我好懶……d女做完功課執好書包先俾我簽手册……从來唔同佢对功課，唔到考試问佢書都唔知佢学紧乜…… ...

我同你一樣，而家只對手冊。佢話做哂在手冊打哂勾就簽名。

不過眼見好似男女孩對拿著擦字膠的手反應很不一樣。

Jane1983

一邊擦，無一邊鬧，肥手唔算難頂了!

日常帶小朋友上體藝，等佢的時候會見到好多教仔百態。最近印象最深刻係慈父要亞仔將常識書每頁背晒去，另一個係比精神極萎靡的5、6歳女兒半攤在椅子上打機。

ABC-DAD

焦慮就係咁累積。大人細路都會。

babywoman

我媽以前冇時間擦我的字，但現在的字都見得下人

gracelam

retriever 發表於 17-11-12 09:20
已經見過多次這情境。

第一次是在某校飯堂等上課外活動。有初小生在做功課。突然見細路身後一隻肥手伸出來 ...

我D小朋友寫字核凸/出界/筆順錯, 從來唔駛佢擦。除非做錯或寫錯字!

MrBeast

開另一張紙寫多次咪得，洗乜擦，除非係隻手想減肥

wongtw

初小，要看老師要求，同校有老師要求高，錯筆順，寫出界（少少），字大細邊，全部要改正，慶幸還未遇上這位老師，隔鄰班經常因為咁要改正。

Olympian

最大的問題係，擦左叫佢寫過，對改善字體冇咩大幫助，唔覺咁做會有進步。筆順錯我會要佢改，但講真冇時間全程𥄫實。幼稚園嗰個間中執一執。小學果個更加冇時間執佢。

1998Ruby1998

慶幸自己寫字靚，所以阿媽冇擦過要我重新寫 。不過同時我都學唔識筆劃，到依家都仲錯。

wongtw

部份家長可能要求高，又或者驚老師打交叉，動不動就擦，我就錯筆順先至要重寫，其它交給老師執改正，初小手字唔靚好正常，有時間溫習吓好過。

retriever

MrBeast 發表於 17-11-12 17:32
開另一張紙寫多次咪得，洗乜擦，除非係隻手想減肥

我估係工作紙。

MrBeast

retriever 發表於 17-11-12 19:10
我估係工作紙。

doesnt matter，用意是指出邊到寫得唔好，練習多一次，肉酸正本就照交，老師唔收貨就要改多次

brother4

不明？點解要擦？有錯老師提吧！

brother4

其實想表達什麽？不如直接講