有無人accept 英藝PN offer

rurikayuki

頭先交左留位費，二月有信通知交雜費同校服費。
媽媽係會 accept 定reject offer呢？

pcmice

回覆 rurikayuki 的帖子

我有將軍澳英藝的offer，但未決定比唔比留位費。你決定比小朋友入讀嗎？
點解揀英藝？

rurikayuki

pcmice 發表於 17-11-9 10:32
回覆 rurikayuki 的帖子

我有將軍澳英藝的offer，但未決定比唔比留位費。你決定比小朋友入讀嗎？

網上見到九龍塘校comment有好有差，差既多數......有人讚語境好，又有人話有比較下都唔會take offer。當日面試所見,d net老師真係幾hea，無乜熱情同heart。

暫時In左兩間，其他學校都未in。細b唔知有無其他offer揀，點都要留左個位先。

loobeebee

rurikayuki 發表於 17-11-9 11:23
本帖最後由 rurikayuki 於 17-11-9 11:26 編輯

網上見到九龍塘校comment有好有差，差既多數......有人 ...

同路人，又係細B，又係暫時只有 kln tong zenith offer (暫時只in 咗zenith 同屋企樓下一間）
我又覺得面試當日D老師幾 nice wor
同埋我喺佢度上咗一堂 playgroup , 跟著個禮拜就 interview , 等in時個playgroup net 竟然認得我地，主動過來打招呼，都幾surprised
我見網上差評多，但又好似無乜好concrete 嘅例子講有幾差，大多只拋低一句佢係人都收，有得揀唔會讀
但我自己感覺又唔係直係咁差啫

rurikayuki

loobeebee 發表於 17-11-9 11:37
同路人，又係細B，又係暫時只有 kln tong zenith offer (暫時只in 咗zenith 同屋企樓下一間）
我又覺得面 ...

我都會報名playgroup，親身感受下。

面試時本地老師ok 架。等見本地老師前，有個net 拎住個公仔好似作用係同小朋友玩，但感覺佢唔夠主動，好似企向度拎住隻公仔講英文咁，唔似係同小朋友玩

gretagugu

我打算週六面完其他兩家之後再決定交不交留位費。
其實英藝給我印象也是蠻好的，學校位置也好，只是好奇怪，為什麼人人都有offer？

loobeebee

回覆 rurikayuki 的帖子

可能一個個老師啦，我見排我女之前果個小朋友狂喊，果個攞住公仔嘅外籍男老師都有嘗試tum佢
反而我之前去greenfield interview, 個外籍女教師見我女無咩反應，都放棄了，最後2個項目都唔bother 鼓勵下佢做， just said u dun have to do it if u dun wanna do it， 就收埋d 野lu
其實佢又無講錯嘅，都系唔想勉強個小朋友，不過如果可以鼓勵多少少，唔好咁趕收工我感覺會好dd la (我個女排最後 individual in)

loobeebee

回覆 gretagugu 的帖子

我覺得佢咁早派offer其實系策略黎，就好似飛機超賣咁，佢預d家長如果未有其他offer都會交留位費先，尤其我依d 細b ， 所以果$970可以話系實食無黐牙

rurikayuki

loobeebee 發表於 17-11-9 13:48
回覆 gretagugu 的帖子

我覺得佢咁早派offer其實系策略黎，就好似飛機超賣咁，佢預d家長如果未有其他offer ...

我都覺得係策略，專收細b。

Nana12

回覆 gretagugu 的帖子

其實我知有人無offer, 所以都唔係個個收

underline

恕我直言，其實「係人都收」點解會係唔accept offer嘅criteria？有人無offer，咁有offer嘅家長會覺得間學校好啲？觀乎當日6百幾人in，有無可能收哂？
Sorry我見「係人都收」老是常出現，覺得有啲無謂

aby336

人人都收咪好囉，爭餐死收到reject我相信冇人覺得開心掛？
大b係人，細b都係人，而家社會現象就好似攪到細b想讀書都難過人，由N班已經咁competitive，為咩呢，我唔見得「人人都收」個問題係邊度，就算係策略，私校要營運要出糧燈油火蠟全部都係錢，都係好合情合理啦。
家長角度，「人人都收」唔應該係揀唔揀間學校既原因，況且收到offer點計都唔係壞事，佢大多數分校都真係大同埋課室多capacity自然高啲。
以前local家長就驚咁樣會好多雙非小朋友讀者，而家都冇雙非啦，咁最多咪多啲細b一齊讀，咁冇咩好擔心啦。

tifwanyee

其實我囡囡都有greenfield同英藝兩間am offer。

兩間既面試俾我既感覺係：
Greenfield 我係普通話老師面試，佢叫我囡玩玩具，但我個囡拎住唔肯放手，個老師好似冇乜耐性，叫我幫手叫阿囡做，咁最後我個囡都做哂老師既要求，但我感覺唔到老師既愛心。
英藝interview時，老師冇逼阿囡玩玩具，反而係同佢傾下計、玩下咁，結果係我個囡主動要表現俾老師睇，主動咁指住要玩果啲玩具，最後也全部做到老師既要求。
單睇面試，我會比較喜歡英藝。後來去了greenfield openday ，老師又好詳細好有耐性咁介紹佢地自己出品既課程，見到啲教材我都好滿意。我聽到校方有職員話佢地大概27人一班，每班有net、普、本地助教。會分月份組班，如一、二月出生一班，三、四月出生又另一班，所以家長不用擔心小孩是細b，我仲聽到佢地話仲收緊學生，如果夠人數再開一班也會加開。所以點解咁多學生都收。但我覺得冇所謂丫，反正有教無類，大家都有書讀。單睇教材和當日openday既情況，我就交左留位費了。
英藝冇openday，了解唔到間學校，雖然阿囡好鍾意間學校，但聽說英藝是用oxford套書，我屋企有oxford tree，唔知係咪同一套，如果係，果套野我可以屋企同佢睇，唔駛俾八萬蚊等老師教。另外英藝有好多負面新聞，我又唔太想阿囡讀讀下書會有記者守門口，嚇親佢，所以有offer都要諗下。

Nana12

回覆 tifwanyee 的帖子

想問有咩負面新聞？ 我女有o f f e r，考慮中，佢9月時有open day 另外我朋友打去約話想參觀，佢都有主任帶你tour ard

tifwanyee

Nana12 發表於 17-11-10 18:02
回覆 tifwanyee 的帖子

想問有咩負面新聞？ 我女有o f f e r，考慮中，佢9月時有open day 另外我朋友打去 ...

我都係呢度forum睇過有幾單野，本來都好想俾阿囡入，但現在猶豫，報既時候知佢英普，有net做班主任，而greenfield都一樣，所以就greenfield交左留位費了。
果啲負面評論，我未經證實，但有人咁講囉，你seach番佢學校名，有好多新聞，我未証實唔想亂講啊。

Nana12

OK,thx!

Hyacinth89

因為近屋企個間有offer，所以放棄英藝。

aby336

tifwanyee 發表於 17-11-10 18:48
我都係呢度forum睇過有幾單野，本來都好想俾阿囡入，但現在猶豫，報既時候知佢英普，有net做班主任，而gre ...

啲新聞其實係已經幾年前，當時阿囡仲未入學，睇到的確好擔心，而且好深刻，的確好猶疑，諗好多野，不過，都係明顯地有人特登有目的去做，咁我有睇返校方點樣去處理，學校報左警同埋承諾每間課室都安裝cctv，而學校之後係的確做得到。我個人覺得學校係有回應呢件事同埋有去積極處理，呢個處理方法我個人黎講係可以接受既。

我小朋友n班唔係讀英藝，當時另一間學校有同班小朋友有事，完全只係能夠有老師一面之詞，小朋友又唔可以完全表達到，咁家長可以點。其實有事發生冇人想，作為家長，校方既處理同埋交代係好重要。

開不了口

underline 發表於 17-11-9 22:54
恕我直言，其實「係人都收」點解會係唔accept offer嘅criteria？有人無offer，咁有offer嘅家長會覺得間學校 ...

啲講係人都收嘅人咪又係人云亦云，又唔係親身數過

mb_lo

交左英藝留位費了。英藝你約時間去，是可參觀學校，會有人同你一起，同答你問題。睇完後感覺都唔錯