小朋友咩性格反應是適合讀國際學校咩合傳統學校？分享下

kitkitchu08

同小朋友報n班，想觀察下佢個性再揀讀書方向，想聴下大家有冇經驗分享。

liliankaykay

kitkitchu08 發表於 17-11-1 10:48
同小朋友報n班，想觀察下佢個性再揀讀書方向，想聴下大家有冇經驗分享。

我覺得小朋友聽教聽話讀傳統就會容易適應些，比較有主見的就適合讀國際學校。

我大女係後者，都讀過國際和傳統學校，國際學校較適合她。

kitkitchu08

但咁細，報n班及k1前有咩觀察到佢有主見？定要大d先決定到報邊樣？

貝珠

大部分的孩子可塑性高，local vs international 係視乎家長對教育的期望。

Nbs

我都同你有同一個問題。
結果喺自由版比人話我應該諗好讀local 定國際先好生囉。。。。

莫失莫忘

我諗住睇我小朋友K1,K2可唔可以坐定定做功課同性格再決定

b3410

經驗之談
咁細個，好難睇出性格如何。
大女依家已經升中，不過一班幼稚園好友都繼續有聯繫，整班朋友又加入咗唔少細佬妹，都可以話一路睇到大。

回想到幼稚園，小朋友的性格改變頗大。幼時好叻講嘢，四圍走嗰啲，可能依家文文靜靜。之前唔出聲嗰啲，反而依家活潑外向。當然也有由細到大性格改變唔大的小朋友。

我估再過幾年，小朋友繼續會改變。

所以，我覺得揀幼稚園階段，依據小朋友性格未必準確，因為大部分2-3歲小朋友，都係活潑好動，坐唔定。

反而睇父母性格，family culture, 將來準備留學還是打算local，經濟情況，地點，周圍朋輩選擇等等來選校實際啲。

1162694sd

b3410 發表於 17-11-7 12:14
經驗之談
咁細個，好難睇出性格如何。
大女依家已經升中，不過一班幼稚園好友都繼續有聯繫，整班朋 ...

絕對認同，我唸住見步行步，而家讀龍幼，升小吾受谷就跳船讀is

queenie718

莫失莫忘 發表於 17-11-4 16:04
我諗住睇我小朋友K1,K2可唔可以坐定定做功課同性格再決定

如果未必可以坐定定做功課咁應該選擇 傳統定國際好？

ensy

唔同傳統學校，國際學校之間差異好大，選校更多考慮因素，例如：課程丶中文程度丶學費校風等，你了解一下先決定。如果家長都接受唔到，就唔駛諗...

至於小朋友性格，我覺得絕大部分小朋友唔會唔適合國際，重點係搵間啱嘅。

corkwok

school culture will shape your child. Its more important what kind of school life you want your child to have

HaYi

我都覺得家長"自己心目中的理想學校"實際上會引領小朋友去讀不同的學校.  

有家長比較喜歡傳統教學, 早早已安排小朋友補學術讀龍校, 有的就本身是傳統大, 但極唔想去番傳統, 所以會安排小朋友向直私國際行.  而小朋友仍細, 較大機會被引導.

mel_yao

回覆 queenie718 的帖子

唔係一定LOCAL OR IS 兩樣既, 有尐活動教學幼稚園都得格

964000

kitkitchu08 發表於 17-11-1 10:48
同小朋友報n班，想觀察下佢個性再揀讀書方向，想聴下大家有冇經驗分享。

家長期望比小朋友類型更重要，大大下,看見我小朋友其實local和IS也可以，但我自己不喜歡DSE的課程和local的mindset, 所以只考慮IS。

luvlygubi

想問讀國際學校 家長係咪語言必須要好好先收？
我自問讀書唔成讀到中五  但眼見香港教育堅嚇親
都plan囝囝大個去uk讀 但同現階段幼稚園好唔好就轉入國際一條龍校好？心儀ICS 幼稚園入易過小學入 但我啲英文唔好 冇乜自信心
只係老公留過外國讀書語言會好啲
大家有咩建議？

964000

luvlygubi 發表於 18-2-19 23:15
想問讀國際學校 家長係咪語言必須要好好先收？
我自問讀書唔成讀到中五  但眼見香港教育堅嚇親
都plan囝囝 ...

視乎你想入甚麼IS, 最受歡迎well established 又多人掙的會要求小朋友流利英語，你要從nursery開始入定全英的學校（不要又中又英文), 再考K1。也有其他IS 對英語要求冇咁高，會易入D，但要早報名。現在還有很多新校學費又貴收生都唔知夠唔夠，真係睇你目標是甚麼。

lambeanmama

b3410 發表於 17-11-7 12:14
經驗之談
咁細個，好難睇出性格如何。
大女依家已經升中，不過一班幼稚園好友都繼續有聯繫，整班朋 ...

非常同意。小朋友在幼稚園階段可塑性甚高；我從來不相信世界是「零和遊戲」或「非黑即白」。無話活潑小朋友一定要讀國際學校；也不認為讀本地傳統學校一定死谷死讀。說到底，也應好好想想家長自己對子女教育的期望，培養目標。自己也在努力學習中，努力了解不同學校的特點和優劣。