坐定睇書會專注力不足嗎？

ckmouseckmouse

我囝今年k2, 4歲，老師今日叫我帶佢check專注力，但又話佢唔係過度活躍。
平時係屋企經常自己睇書，去圖書館坐1,2個鐘都得。我好有疑惑可以坐定睇書的小朋友，究竟會唔會有專注力不足問題呢？

ckmouseckmouse

Gary_family 發表於 17-11-1 02:42
聽聞會，只要佢鍾意看書！
見過有文章寫，專注力不足的小朋友，係對自己不喜歡的事情不專注，走神！
但其 ...

我都唔明，好有疑惑！
我睇文章又係話只要有興趣可以專注，但無興趣就分心。hello kitty唔使男人，我都無興趣(emoji)

ckmouseckmouse

Gary_family 發表於 17-11-1 19:00
有時候，我覺得世界（香港）對小朋友的要求也實在太嚴謹了！

你說得對！
因為老師話阿仔－有小小事就飛奔去睇，例如：同學跌左擦膠，阿仔會走去幫手揾、茶點拎住蘋果離座，但屋企吃飯從來唔會，好多次食放題佢坐同吃足2小時
同埋今年升左k2功課同茶點同時進行，阿仔好鍾意食野長期肚餓，好想吃完茶點先做功課，但要霸到位先可以，否則要做功課先！阿仔想等位，但老師又唔比，結果昨天阿仔唔拎功課做，甘就變左不合作了！其實我問佢，佢話想食完先做，並唔係唔肯做｡唉……老師同阿仔都有大家立場，亦無錯｡只有我頭痕究竟呢個小朋友係有病定無病呢？

Cynw128

Gary_family 發表於 17-11-1 19:00
有時候，我覺得世界（香港）對小朋友的要求也實在太嚴謹了！

Exactly! 我地返工都唔會百分百專心啦，點解要要求幾歲的小朋友，你想佢坐就要坐定、你要佢玩又即時要投入！㩒制咩？！

ckmouseckmouse

Cynw128 發表於 17-11-2 17:25
本帖最後由 Cynw128 於 17-11-2 17:25 編輯

Exactly! 我地返工都唔會百分百專心啦，點解要要求幾歲的小 ...

就係㩒制！因為佢話阿仔做靜態野唔得，話玩就即去………
其實我好想問老師靜態例如係咩？如果係畫畫，佢一定無興趣！佢興趣係puzzle,lego,車。我一向有帶佢去遊戲室，以前每度玩30秒，而家係同－個範圍内玩半個鐘，甚至－小時都可以。
我約左下星期－去健康院check,今日希望問老師多啲堂上情況，希望自己同姑娘了解下｡老師的答案都只係話上堂時有搞隔離位，但無話離座｡拎住蘋果周圍行，但學校餐單係3星期先吃－次蘋果(上次向我投訴都係蘋果)。我真係好想知係每日都周圍行定只係果－次囉！

ckmouseckmouse

Gary_family 發表於 17-11-5 07:11
最恐怖係，連專注玩puzzle, Lego 也不能否定佢唔係ADHD , 因為佢鍾意玩！
我覺得鍾意做補充練習，尤其閱讀 ...

哈哈我諗都係！
我老公本身都覺得阿仔唔係，憑佢日常表現睇！我自己都好有懷疑，不過呢幾日上網睇完－大輪。
其中—個家長分享話佢小朋友又係睇書、lego可坐定，但係ADHD衰一玩好high、衝動 唉……人總有缺點，有人脾氣好、有人脾氣壞，莫講小朋友！
不過我同老公明白晒，亦深信阿仔都有係唔奇，佢的確係樓下公園玩經常跑去扶起跌倒的小朋友！老師話佢分心走去幫人執野

ckmouseckmouse

Gary_family 發表於 17-11-5 23:10
天呀！分心幫人又唔啱？唔幫人又比人話冷漠，limited social interaction ! 救命(emoji)！
...

我都好無奈！
唔知應唔應該繼續教佢樂於助人好？！？！
今日去左健康院見姑娘，佢都話係兩睇。如果用老師角度，2對30人咪嫌麻煩囉！
安排月尾帶齊功課、學校評估見醫生，再詳細問話。
姑娘話未至於過度活躍，甘我都安心左一半既｡事關阿仔以前好活躍、無耐性又訓好少，我都有擔心過，但入學後越來越有進步。希望佢啲專注力都係甘，逐漸長大更加懂得守規，知道不同場合不同要求！

CaCa800

ckmouseckmouse 發表於 17-11-5 19:58
哈哈我諗都係！
我老公本身都覺得阿仔唔係，憑佢日常表現睇！我自己都好有懷疑，不過呢幾日上網睇 ...

想當年我囡囡K1開咗學兩個星期就比老師投訴佢坐唔定，好似張櫈有針咁，坐兩分鐘就走開，成日行來行去，周圍八掛。有同學有事發生就即刻走去幫人，老師話佢自己未搞定就走去幫人，好八掛！其實我都時常叫佢幫助一些比她小的同學仔，我都有懷疑自己教錯咗！最後我都係同囡囡轉咗去一間適合佢的學校。

ckmouseckmouse

CaCa800 發表於 17-11-9 08:08
想當年我囡囡K1開咗學兩個星期就比老師投訴佢坐唔定，好似張櫈有針咁，坐兩分鐘就走開，成日行來行去，周 ...

甘轉左校，老師仲有話佢有問題呀？
你囡囡讀小學未？讀咩類型？
因為我本來打算幫阿囝報老公母校，屬於傳統型，但我都會睇埋佢今年k2表現先決定，希望佢能夠開心愉快學習。

CaCa800

ckmouseckmouse 發表於 17-11-9 09:46
甘轉左校，老師仲有話佢有問題呀？
你囡囡讀小學未？讀咩類型？
因為我本來打算幫阿囝報老公母校，屬於傳 ...

囡囡轉咗去國際學校，老師評語剛剛相反。老師話囡囡好關心同學，樂於助人，觀察力強同好獨立等。國際學校老師的評語多數正面同包容，冇咁負面！我同先生都覺得傳統學校不太適合囡囡。今年升上小學，囡囡都好鍾意間學校。

ckmouseckmouse

CaCa800 發表於 17-11-9 10:12
囡囡轉咗去國際學校，老師評語剛剛相反。老師話囡囡好關心同學，樂於助人，觀察力強同好獨立等。國際學校 ...

我尋日都同老公商量緊國際學校的問題，阿仔係學校有上英文興趣班，外藉老師評語亦好好，仲話佢係－個熱心的人！而佢同學既評語係“好開心見到你係課堂上開始越講越多野”，真係本地老師同外藉老師的分別！
我有時都擔心阿仔越讀越無好奇心(emoji)但佢識好多課外知識，全憑佢既好奇心！

CaCa800

ckmouseckmouse 發表於 17-11-9 10:34
我尋日都同老公商量緊國際學校的問題，阿仔係學校有上英文興趣班，外藉老師評語亦好好，仲話佢係－個熱心 ...

因為囡囡N班已經讀國際班，所以K1升上傳統名幼時真的很難適應。剛好之前on waiting的國際學校有offer給囡囡，我們便立即轉校。希望你小朋友都可以找到一間合適的幼稚園。

ckmouseckmouse

CaCa800 發表於 17-11-9 12:44
因為囡囡N班已經讀國際班，所以K1升上傳統名幼時真的很難適應。剛好之前on waiting的國際學校有offer給囡 ...

Thanks

scgift

本地老師就係咁吧，同外籍老師好大分別…

我個女又係k2, 從bb時期返playgroup開始，到學前班，興趣班，所有導師(全部為外籍老師或ABC)都對我女讚賞有加，個個都讚佢又乖又專注又坐得定。在家玩任何玩具+睇書+做遊戲書+練琴都係好專注既。

估唔到k2開學冇耐就被班主任話佢"好唔專心"。咪就係老師講埋啲我女覺得好無聊既野(我女講返我知，嗰啲內容我女歲幾時已識)時，阿女見到附近xx閣啲教具好亂，就離開坐位去幫手收拾。又試過老師叫移櫈坐好，阿女本已坐好，但見到地上有垃圾就去執(阿女講返嗰時其他同學未坐好晒，坐好晒後係起身排隊去洗手間。)明明係轉堂既等候時間，唔係老師教緊書/做緊課堂功課既時間，竟然連幫手執下垃圾都被評為"好唔專心"。有時上堂有同學仔撩阿女傾計，但老師唔會理係邊個撩邊個，咪話我女唔專心囉。

我自己有教幼稚園興趣班既，對開小朋友既我，真係好難接受到班主任話阿女唔專心。因為對比起我啲學生，我女真係超乖+專注力好強。我真係好想幫阿女轉校，但阿女超級喜歡返呢間學校，所以我只能接受現實，並盡力教阿女要痴住張櫈去應付老師…

東東公主

ckmouseckmouse 發表於 17-10-31 19:09
我囝今年k2, 4歲，老師今日叫我帶佢check專注力，但又話佢唔係過度活躍。
平時係屋企經常自己睇書，去圖書 ...

問清楚老師情況，他會不會是指你小朋友有遊雲的情況？他在家有沒有？

十分認同現在的學校對小朋友實在太殘酷，又話自閉，又話過度活躍！

我小朋友都是做喜歡的事時可以十分專注（包括做綀習同閱讀理解），但食茶點就不停吹水，都比人懷疑！攪到我自己都好矛盾！

無論點，每個人都有缺點，我真是十分唔喜歡這些labelling 的教育！