小一生興趣班會否太多？乜都話唔鍾意學！

tha

星期四晚-跆拳道（家樓下）佢求我學既，學左大半年就快綠帶，而家話無興趣。
星期五放學- 游水 佢話最鐘意既運動係游水但唔鐘意上游水堂 （游到自由式，開始學蛙式）

星期六早上-學琴 如果一定要學一樣音樂，他話會係鋼琴。但又話唔鐘意學啦，老師話有天份既 （已經無迫他練琴）

星期六早上及中午-中文及英文。一定要上，但又唔鐘意

星期六下午-圍棋。佢鐘意，但資質差

momama

跆拳道-停
游水-君子協定，學完蛙式之後停
鋼琴-停
中英文-如果成績唔太差，停
圍棋-繼續
話佢知下一次佢再想學新嘢，未必批準

1998Ruby1998

小一，得果幾歲，緊係想咩都見識，有錢有時間的話我咩都想試。不過你已經唔算多，有 d 日日都有，一共十幾班。

跆拳道可以停。
游水可以繼續，畢竟可以強身健體，學完蛙式之後佢都唔想再學，就停，但係可以週末帶佢去泳池游返兩圈。
鋼琴有天份的話，我覺得可以繼續，不過如果再隔多 2 個星期佢都係好討厭唔想學，就停。
中英文成績唔好／追唔上／學校課程好谷？如果唔係的話，可以停。
圍棋繼續上，難得佢有興趣。

山海兒女

回覆 tha 的帖子

跆拳道-停
游水-你有時間陪佢玩，陪佢游，令佢學識到可以係海灘唔用任何輔助工具，也可以游出浮台，就可以停。因係求生本能。

鋼琴-會氹佢繼續學，而且要佢練琴。有天份也要加努力才會成功，成功才有滿足感，有滿足感才會有興趣繼續。

中英文-儘量自己跟，小一補習，作用唔大。反而可以上吓D Net敎英文遊戲小組，於遊戲中學習，提升對英文嘅興趣。

圍棋-繼續

retriever

tha 發表於 17-10-28 16:48
星期四晚-跆拳道（家樓下）佢求我學既，學左大半年就快綠帶，而家話無興趣。
星期五放學- 游水 佢話最鐘意 ...

其實無必要學咁多野，細路亦唔懂珍惜機會。

游水可學，始終係求生技能。圍棋可學，仔既數理能力重要，多培養習慣動腦筋係好事。

當然學一樣野，唔等於要上班，父母教亦可。

其他興趣可免則免。

MrBeast

因為太辛苦或沉悶或是唔夠其他同學學得咁快？

前者你要lum下其實學來做乜和目標是乜，後者若是小組，可轉1:1

MrBeast

ps 小一來說，太辛苦的話我㑹cut，但當然因人而異，身邊都有例子能日理萬（ec)A

HaYi

樓主說的除左中英外, 我大仔升小一時都有學, 當時跆拳道已紅黑, 圍棋都有些段數, swim 已3式, 鋼琴一級,  仲有其它活動,

但上左小一, cut 剩swim 同鋼琴, 因另外學校都有好多活動, 如在外再參加太多唔相關的, 真係冇咩時間. 佢已經冇補習個些.  

Swim piano 到依家高小仍繼續, 因為swim 強身健體, 一年無休無用大人陪,  雖是泳隊班但都唔想花太多時間.    鋼琴就慢慢, 唔急考級, 如要急考級佢都唔得, 成日唔practice.  不過因呈分, 我尤佢, 遲D先補快.

小曳人

圍棋我細仔K2時都話想學，求咗半年我先俾佢學，但1年後無進展就cut咗 (其實佢勁唔想我cut)，之後... 隔咗大半年，開始學象棋

見大家話鍾意就唔cut... yes or no啦
好勝嘅~我會俾佢輸
缺乏自信又無進步嘅~ 快cut!!!  (呢個情況响我家極嚴重，本身唔俾細仔學就係怕同哥哥比較)

btw 樓上小一跆拳紅黑帶，勁！

HaYi

小曳人 發表於 17-10-29 11:24
圍棋我細仔K2時都話想學，求咗半年我先俾佢學，但1年後無進展就cut咗 (其實佢勁唔想我cut)，之後... 隔咗大 ...

學跆拳認真想有咩成就的人我唔識, 通常識的是初小前玩下當體育. 咩級都冇用,  

圍棋我識人高中仲是有繼續咩咩段, 佢數理好強, 本來我都想我個繼續學, 尤其學專心, 耐性佈局同識輸得起, 但佢真冇天分, 學下去唔會有好轉仲浪費更多時間. 所以早停.   前幾年叫個細的去學, 佢仲唔想,    唉, 2個數理都唔慌好. 夠考試算了.   


你仔數理天才人, 學棋好合. 點解唔學埋圍棋?  我只知象棋應該比圍棋仲難些 (見入門年紀都要大過圍棋),   識象棋都好叻!

小曳人

HaYi 發表於 17-10-29 12:43
學跆拳認真想有咩成就的人我唔識, 通常識的是初小前玩下當體育. 咩級都冇用,  

圍棋我識人高中仲是有繼續 ...

有天份嘅係哥哥，但老2唔係同類人，為免直接比較，所以唔想老2學圍棋
圍棋易學難精，大仔話：圍棋AI係3棋中最遲成功嘅


其實我家老2跆拳學到藍紅帶，我都唔知為乜，佢開心就得

GreenMaDad

就個人經驗， 小一是最得閒又可以開始學不同的事（因有一些興趣太細學又不太好）, 之後讀書會越來越花時間，如果本住沒用的不學, 沒天份的不學， 慢慢小朋友就沒有了能陪他長大, 陪他變老的興趣，變成一萬個讀書人其中一個....成績好當然好（就算不懂享受生命都應該搵到錢過優質生活）， 但成績不好點算呢....錢又搵得吾多， 有時間但又知做乜好。

貝珠

GreenMaDad 發表於 17-10-29 19:53
就個人經驗， 小一是最得閒又可以開始學不同的事（因有一些興趣太細學又不太好）, 之後讀書會越來越花時間 ...

Agree.

MrBeast

GreenMaDad 發表於 17-10-29 19:53
就個人經驗， 小一是最得閒又可以開始學不同的事（因有一些興趣太細學又不太好）, 之後讀書會越來越花時間 ...

原則上我是同意 develop 一兩樣興趣是好事，但e加好多時都係父母一廂情願要子女學，冇理過佢地是否中意又或者是否材料，我身邊不少例子班就多，樣樣都係叫玩過但其實係冇樣學懂，最終gathering 就一起變身鬼口水高手。另一些父母跟得足的，小朋友就操到雙目無神、口黑面黑，咁又何苦呢。
時間上亦不同意，有些手腳慢自理弱其實小一是一個好大轉變要適應，邊有時間去玩eca，得閒去搵周公好過，若果小朋友是醒的，k3半日時間好用好多，otherwise，小二三開始學下，高小focus 一兩樣我覺得較make sense.

有名叫興趣，冇興趣又點會成為興趣，呢d真是要高人先做到。其實e加讀唔成書去做扎鉄人工都好高架，反而一些文職除時比ai 取代，父母真的無需太上心

nicehome

回覆 tha 的帖子

永遠是啟發興趣為上, 小朋友原本有興趣, 之後變成無勁, 很可能是老師問題, 要認真了解。
小兒以前在將軍澳一棋院學圍棋, 兩年間進度緩慢, 差不多要放棄時, 友人介紹去另一區外棋院, 遇上好老師及一班愛好圍棋的同學, 棋力和興趣隨即同步大副增長。

HaYi

GreenMaDad 發表於 17-10-29 19:53
就個人經驗， 小一是最得閒又可以開始學不同的事（因有一些興趣太細學又不太好）, 之後讀書會越來越花時間 ...

其實而家開始試玩不同興趣的年紀好多是早過小一,  因小一開始都好忙學校的活動/ 學習轉為全日等.  到小一時是開始慢慢集中時間在可以長遠些的興趣上.   

Jane1983

佢剛上小一，適應如何? 學術跟唔跟到? 够唔够訓? 有無合理時間留白hea玩?

其實除了游泳，所有興趣班，唔鍾意無興趣唔練都可以cut。如果成績ok，補習亦唔係必要，睇多d中英文書，或者在家做練習，亦可能更有用。

Jane1983

我本身好支持學習體藝，全人發展，但個前提真係要小朋友有興趣，樂在其中。唔係死蛇爛鳝，費時父母嘈hea住學。亦唔係要鬧要逼，先練一陣樂器。

體藝，如果係要出頭，個hurdle好高，天份興趣熱誠銀彈缺一不可。如果係發展終身嗜好，咁比個空間當時人自己揀，摸索個樂趣。

momama

Jane1983 發表於 17-10-30 12:07
我本身好支持學習體藝，全人發展，但個前提真係要小朋友有興趣，樂在其中。唔係死蛇爛鳝，費時父母嘈hea住 ...

想用體藝去升中學，真係非常之難，所以以興趣出發吧

山海兒女

Jane1983 發表於 17-10-30 12:07
我本身好支持學習體藝，全人發展，但個前提真係要小朋友有興趣，樂在其中。唔係死蛇爛鳝，費時父母嘈hea住 ...

講得啱運動hea住學，都叫做當去做下運動。
學樂器hea住學，唔練習，不如唔好學。
學樂器要成功，天份重要，但恆心和毅力缺一不可。