大埔N班：明雅國際下午vs英藝全日，會點揀？

oliluk

我地2個都返工，有姐姐湊(唔知出年續唔續約⋯⋯)
英藝近屋企D，全日N班，頂唔順全日再試下轉返半日(emoji)

明雅都想轉am, 起碼我地可以自己湊返學，但未必直升K，繼續讀國際，冇學卷，同英藝丶安基司差唔多，但排名又冇呢兩間咁高

有冇用家可分享？
或者其他媽媽俾下意見？(emoji)(emoji)(emoji)(emoji)

Liuvyn

PM 班唔一定轉到AM班，如果你冇諗住讀明雅K班，上K班轉校到時小朋友又要從新適應，咁就唔好選明雅。安基司N班未出結果，有OFFER就選安基司，冇就選英藝，而且都近屋企。

oliluk

回覆 Liuvyn 的帖子

打去問明雅話唔一定直升K, 國際班N升去中英文幼稚園個邊又唔知易唔易?明雅中英文幼稚園既評語個個都話好, 可唔可以講多D咩好?
咁明雅國際係咪冇咁好?

jimjimjim

揀明雅
因為英藝係人都收

佢既全日都好都係要搵人湊啦
父母要番工既都係要請工人

aby336

For下一年想讀學券幼稚園的話，當然揀明雅，就算唔包升K, 都大機會啲。
For 學好中英文，就唔駛諗明雅國際啦，淨英文都ok gei。

英藝課程深又教得快，不過中英文都學得好，小朋友如果學野快，呢個選擇會不錯。

不過n班就冇咩所謂既，諗諗K既鋪路就有答案啦。

mic824

jimjimjim 發表於 17-10-28 07:53
揀明雅
因為英藝係人都收

完全同意!!英X你交得起錢就有得讀，單純係課程深，盲目叫小朋友做深既卷，而且內部運作極度混亂，衛生極其差，經常更換老師，另外外藉老師既國藉你地講得出既都有..所以口音方面，好參差

aby336

mic824 發表於 17-10-29 01:33
完全同意!!英X你交得起錢就有得讀，單純係課程深，盲目叫小朋友做深既卷，而且內部運作極度混亂，衛生極其 ...

我作為用家，我唔同意你話盲目呢個point。
啲歌仔認字知道成件事concept等，唔係盲目就得。
或者佢真係唔係用啲乜乜教學法，幼稚園老師本身都係一門專業，佢地都有學過點樣教書，我覺得不論邊間學校都要有尊重，呢個係幼師既專業，就算佢轉老師，佢都唔係是但出面搵個(emoji)妹返黎教。

行政亂我認同，不過家長跟足啲，其實冇太大影響。

我小朋友讀左大埔分校兩年，環境大，遊戲空間設施又好，課室空間又足夠，只係試過有少少感冒，衛生環境都好正常啦，唔通請啲姨姨返黎唔駛做唔駛清潔? 唔會架嘛。

aby336

jimjimjim 發表於 17-10-28 07:53
揀明雅
因為英藝係人都收

仲有呢 我真係想講 係人都收個問題係邊度
一間學校有佢既capacity, 幾多間課程，每間容納到幾多人，上午下午級加埋等等，人地地方大固然可以多收生。只係未必可以offer 想要既am/pm/wd。
而且，當中固然有其他選擇，再揀第二間學校啦，唔會交留位費啦。

做家長同小朋友去面試已經好辛苦，做阿媽既仲驚過個小朋友，同個行都未識行既小朋友去面試，其實啲學校點揀人呀？咪揀晒最可愛最乖最精靈個啲囉，或者大B已經識應對囉。

咁其他文靜啲怕醜啲怕生保啲，或者細B唔駛讀書啦。出面N班位又唔係多，成個社會由N班已經咁competitive，咁其實收到offer letter，點都唔係壞事呀嘛？

私校某程度上係一門生意，我唔知有冇人認同，不過肯定唔係開善堂，凡事都有好多方面，唔見得係人都收就等於唔好。

mic824

aby336 發表於 17-10-29 17:54
我作為用家，我唔同意你話盲目呢個point。
啲歌仔認字知道成件事concept等，唔係盲目就得。
或者佢真係唔 ...

我明白你意思既...不如咁講啦..兩間學校我都有教過，講出黎係想比其他人知道清楚d姐
呢間學校比較喜歡請新人,大部份老師係冇乜經驗..做得最耐個個亦只有三年,下年亦都唔會再續約
老師不斷換新..小朋友未必適應到

我明白你指有姐姐/嬸嬸做清潔..衛生應該唔會太差..但你可能只睇到表面...

另外，你提到環境大，遊戲空間設施，課室空間足夠呢點我認同既..但其他既.......每個人睇法可能唔同

aby336

mic824 發表於 17-10-29 23:50
我明白你意思既...不如咁講啦..兩間學校我都有教過，講出黎係想比其他人知道清楚d姐
呢間學校比較 ...

你意思係你教過明雅同埋英藝? 你意思係邊兩間?
咦, 我小朋友舊年個班主任都真係教過呢兩間喎.... 點都好啦, 你踩到英藝咁樣, 或者你好唔鍾意你前公司既工作, 可能老細上司好難相處, 比勁多野你做, 我唔知你有冇小朋友, 如果冇未必好能夠係家長角度出發啦

其實做一個幼師一d都唔容易, 作為家長既我, 我會尊重老師, 信任佢既專業, 學校續唔續老師約, 或者老師自己唔撈, 都一定有原因啦, 老細都會睇自己下屬工作表現, 多唔多比家長投訴掛, 呢d我地家長真係管唔著.

作為一個打工仔, 對老細有不滿, 唔鍾意間公司, 我絕對可以理解呀! 不過, 你都會將你既工作經驗寫落你既cv度嘛? 咁係邊間學校既工作經驗都會成為你將來僱主既參考嘛? 呢一d野都係你自己得到既工作經驗啦, 係咪? 就算英藝請新老師, 岩岩讀完幼兒教育又好, 都係幫到呢d幼師可以應用佢地學到既專業啦, 都係成為佢地工作經驗既一部份, 不過咁講, 如果你覺得呢間公司唔好, 老細對你差, 呢d都會成為你既歷鍊, 將來你係其他公司, 出面個社會可能仲差, 呢d都幫到你將來處事更成熟, 咁可能你仲後生, 處事未夠成熟, 其實胸襟可以廣闊d, 對前僱主都係, 所謂凡事留一線, 日後好相見.

你覺得我乜都撐英藝都好, 我比得我小朋友讀, 我就信任學校, 信任老師 (可能以前你都係其中一個), 小朋友既得著我見得到, 其實學校唔續老師約 (英藝又好, 明雅又好, 其他學校都好), 或者自己唔撈啦, 都一定有原因, 嘗試諗下自己有咩不足, 努力改善, 先對自己既career path有得著

poopoo13

oliluk 發表於 17-10-27 00:26
我地2個都返工，有姐姐湊(唔知出年續唔續約⋯⋯)
英藝近屋企D，全日N班，頂唔順全日再試下轉返半日(emoji)
...

我係英藝用家，雖然唔係大埔分校，但都希望可以分享少少經驗。

首先學術方面，無可否認英藝係教得深，而功課同評估我都覺得無必要教到咁深，而且佢地嘅出題方式亦有啲填鴨feel。我係順其自然type嘅家長，平時無乜點幫小朋友溫書，但小朋友都在堂上學到晒學校教的東西。學校是否盲目操卷我唔知，但我覺得小朋友係真真正正學到野，有時換個角度問，就知道佢係咪真係掌握到，而唔係死記內容。對於我來講，教得深唔係壞事，除非小朋友真係跟唔上而影響學習興趣。

衛生方面，以我觀察學校環境尚算乾淨企理，小朋友亦甚少生病。

老師方面，流失率的確幾高，今個學年換咗大部分老師。不過，小朋友升班本身都會換班主任，而上年嘅老師大多年頭做到年尾。但有樣野要留意，學校嘅外籍老師有啲並非真。NET，即佢地母語唔一定係英文，不過聽口音同睇名，真。NET還是應該佔多數。

另外，老師大多比較年青，佢地應對小朋友嘅技巧未必可以同資深幼師比擬，但以我接觸過佢地，我認為佢地是有心的。除班主任同副班主任外，連隔離班嘅老師都可以講出小朋友在校表現。而英藝除咗學術以外，對小朋友亦有要求，例如某些茶點小朋友唔鐵意食，老師都會好鼓勵佢地嘗試食，唔食一舊都要食半舊咁。此外，我知佢地都有訓練小朋友自理，例如叫小朋友自己著鞋，因為好幾次我個仔掉轉咗左右腳

行政方面有改善空間，但未去到混亂嘅程度。有唔清楚嘅地方，打去學校問一般都可以即時解答。

至於英藝係咪係人都收，我就識人比英藝reject咗。

開不了口

aby336 發表於 17-10-29 18:20
仲有呢 我真係想講 係人都收個問題係邊度
一間學校有佢既capacity, 幾多間課程，每間容納到幾多人，上午 ...

係啦，只揀覺得叻嘅先黎教，有何馨香，是旦揀個黎教都教得好，先係一間好學校，不過以香港嘅家長，入啲要揀人先入到嘅學校，咪覺得自己仔女叻過人，某程度上都為滿足自己虛榮心，咁當然唔排除真係有好學校係多人揀唔夠位收生，所以唔可以係人都收啦

Liuvyn

回覆 mic824 的帖子

其實明雅課程都深，著重學術，只不過好少用家比COMMENT，但曾經有個POST話小朋友在校發生左D事，家長話要找律師跟進。