- 在線時間
- 1 小時
- 最後登錄
- 21-6-29
- 國民生產力
- 0
- 附加生產力
- 167
- 貢獻生產力
- 0
- 註冊時間
- 14-5-3
- 閱讀權限
- 10
- 帖子
- 40
- 主題
- 3
- 精華
- 0
- 積分
- 205
- UID
- 1518885
|
回覆樓主
我都係英藝用家,阿仔上年開始返PN,現讀緊K1。英藝係一間學術型幼稚園,課程教深一年,PN已經要認Aa-Zz, 1-20, 中文字有天、人、家、手、口等單字。一年兩次評估,試卷都頗難,例如英文比個字母你,當係R字,再比兩幅圖,一幅係兔仔一幅係老虎,小朋友要指出英文R字頭張圖(即兔仔)。功課方面,PN開頭大部分功課都在學校完成,下學期開始有家課,兩三日一次,連線填色之類。今年K1, 已經日日有家課,每日2樣左右,不過都唔算太多,如果小朋友平時跟到的話,15分鐘內一定做完。唯一我唔太buy係k1一開學就要寫字,小朋友手仔根本未ready!
語境方面我覺得幾好,我仔讀英普,英文可作簡單對答,普通話都聽得明,亦都學咗好多詞語(如學校、同學、書包、玩具、警察叔叔)。
老師都有流失率高既問題,不過舊年PN時無試過中途換老師,只係今個學年開始換咗大部份老師,我覺得問題唔大。唔好期望有好多家校合作,或者老師會時常打電話update你小朋友狀況,老師什至甚少係手冊寫評語,亦唔會有觀課安排。所以關於學校生活,透明度欠奉。講真,如果家長要了解多啲,真係要好主動搵老師問!不過,如果你肯主動接觸老師,老師其實都好樂意幫家長了解多啲,有需要時都會比下建議,感覺上佢地係有心的!
行政方面,係有啲甩漏,但都係小問題,亦唔會影響學生。而學校都算有交帶,口頭交低message, 一般都好快跟進到。至於commercial與否,只可以講佢地唔係非牟利學校,一定有商業成份,亦見到佢地好積極迎合市場需要。問題在於你覺得值唔值呢個價。
最後想講既係學校幾適合雙職父母。學校好少野會煩到家長,就算家長日、親子旅行多數安排於星期六。學校亦無家長義工呢樣野。親子功課方面,大時大節會有親子勞作比賽,但都係自由參與。
希望幫到大家啦!
|
|