小一沒有蜜月期 難以承受的書包之「重」（都市嫻情）

elbar

                                                                          
很久很久沒有執筆撰文，自從皇帝仔開始讀小一，嫻姐開始神經緊張，擔心他每日遲到、擔心他在學校無法認識新朋友、擔心他抄漏家課冊、擔心他上課打瞌睡、擔心他忘記交功課……終於明白，媽媽群組經常談及的上學焦慮症，其實患者是我自己。


前幾日送皇帝仔返學，我幫忙揹着書包，他則拿着小食袋，結果被多事嘅師奶冷言冷語：「呢啲埋慈母多敗類囉，連書包都幫個仔孭，港孩埋咁樣寵出來囉！」


「包大人，冤枉啊！」我内心瞬間崩潰！我自小鍛煉皇帝仔的自理能力，就讀全日制幼稚園的他更加訓練有素，只是小學的書包實在太重，我幫他孭書包，完全是從他的健康角度考慮。


皇帝仔的書包有多重？我用街市的公秤磅過，足足重11磅，而當日的科目是中文、數學、英文、常識及普通話，連同作業、補充練習，每日必帶的家課冊、學生手冊，書本數量足足有15本，而身高115厘米的他，體重卻只有39磅。

換言之，書包的重量，已經佔其體重的28%，超出脊醫不宜超過體重的15%的建議！

                                                                                                                                                                                                                                                     

書包之重，小小身軀尚可「頂硬上」勉強承受，但香港學生的課業之重，他們真的能夠要經受歷練嗎？


剛剛成為小一新生家長，嫻姐天真地以為會有「蜜月期」，可以慢慢適應，現實卻是殘酷的。皇帝仔同學仔獲派某小學（絕對熱門小學），學校在8月下旬已提前進行小一適應班，假如你以為適應班只是學習生活技能、認識師生，你真的太Out！


殘酷的現實是，學校在為期一個星期的適應班，極速將數學的1A上冊全部「灌輸」到學生腦袋，9月1日正式開學後，便直接教1B下冊，相對其他學校而言，數學科已經教快半年。


另外一位獲派熱門小學的同學仔，開學兩周已經要中、英文隔日默書，英文更加要默寫句子，每天6至8樣功課，每兩周測驗評估，已經不再是新鮮事，根本沒有適應的空間。

小一，原來沒有蜜月期的！

過來人安慰我，既然這裡是香港，既然選擇了傳統學校，調整心態欣然接受吧！

好吧，那麼，我至少能做到的是，每日繼續幫阿仔孭書包！




撰文 : 都市嫻情

mimi222shi

就算佢超過90磅，幾高都好，個書包背超過半小時，都會覺得重！
始終係小學生，脊骨生長好重要。

1998Ruby1998

我果陣都係，仲輕 d 同矮好多，個書包 15 磅，差唔多係我體重一半，所以父母都會盡力幫我攞書包，驚我腰骨唔好。

little_yolky

1. 個磅寫住8磅喎。
2. 張相入面個小朋友個書包設計唔好。
and
3. 個小朋友孭錯書包, 肩帶太長, 背部分擔唔到重量。

(賣下廣告先)
我阿女們用個Beckmann, 好貼背, 設計好, 好有效缷咗力响肩、背、腰, 用咗三年都未爛。

little_yolky

1998Ruby1998 發表於 17-10-13 14:52
我果陣都係，仲輕 d 同矮好多，個書包 15 磅，差唔多係我體重一半，所以父母都會盡力幫我攞書包，驚我腰骨 ...

唔怪得知你咁矮, 可能係書包太重, 壓矮咗.............

greentea000

little_yolky 發表於 17-10-13 15:22
1. 個磅寫住8磅喎。
2. 張相入面個小朋友個書包設計唔好。
and

咁8lb都佔39lb成20%
其實1日有幾多時間真正需要揹住個書包呢？

greentea000

little_yolky 發表於 17-10-13 15:22
唔怪得知你咁矮, 可能係書包太重, 壓矮咗.............

睡眠同運動不足影響大D

mimi222shi

N年前我跌親,照過先發現脊骨原來有輕微問題
醫生話好多小朋友書包太重搞到咁.

高度, 好多人問過我, 遺傳係主要, 其次係瞓得好, 食得好同消化得好.

hedhed

間咁谷嘅學校係佢自己揀嘅！走出嚟寫科林呻乜鬼啫。

little_yolky

greentea000 發表於 17-10-13 15:46
咁8lb都佔39lb成20%
其實1日有幾多時間真正需要揹住個書包呢？

如果我哋計：1. 返學行去校巴站   15mins
2. 落校車行上課室    2 mins
3. 放學行落操場        2 mins
4. 操場行上校車       0.5 min
5. 落校車行去小巴站同小巴       15mins
6. 落小巴行返屋企    2 mins

Total: 36.5 mins

b3410

寫的全部都係媽媽自己的感受。

幫小朋友拎書包，被其他人講幾句有什麼大不了？我認為自己做的對，其他人誤解，只要對小朋友好，最多“O”嘴，唔使崩潰。