學校功課多，小朋友做得慢，長時間唔夠瞓！

Aaalvin

我個小朋友琴晚大爆發，話每日都咁多功課做到咩時間都無，話自己個腦有問題隻手有問題做功課做極都咁慢，瞓覺時間又唔夠，溫書時間都無成績點樣好呀？返學又成日比老師鬧！佢話忍左呢間學校咁多年啦可唔可以轉校啊？但係今年都巳經要考呈分試喇根本冇可能轉校(emoji)我同佢講功課做唔晒唔緊要我同老師講囉，由今日開始先溫習半個鐘再做功課最遲10:30就瞓覺！

asweetmom

老師怎麼說呢？

Jane1983

佢爆出來，你正視問題幫到佢，祝你成功拆彈。

Jane1983

識個朋友，佢係ftm，據佢講佢女間學校好多好耗時間但意義不大的功課。佢話好多其實係佢做 ，做完佢女過目

1998Ruby1998

回覆 Jane1983 的帖子

我之前都係咁，學校好多「浪費光陰」嘅功課，所以有部份功課係阿媽代勞。
以前有一個好惡毒，搞到滿城風雨。本來英文 Newscut 一次 8 份就夠，每一份寫詞語、Phrases 嘅解釋同例句各 5 個就夠。結果原來 8 份的話，只能夠攞 12/20。問老師點解，老師話 8 份係基本，多勞多得，而且新聞篇幅越長越容易攞「effort 分」。結果個個同學為求攞 18、19 分，做 20 分 Newscut，每份都有 10 個詞語、Phrases 以上，每份報紙篇幅都大過一張 A4。老師只係 tick 頭 3 版，後面就算寫錯字都唔改，cover page 寫個 seen 同埋分數就派回來。真係好浪費時間！結果我阿媽都要出動，兩人各做 10 份。後來學校發現根本冇人從 Newscut 裡面學到生詞，個個都係抄字典，搬字過紙，後期刪減到只需要做 3 份就得。想當年呢份功課搞 10 日都唔掂。

brother4

孩子吾做功課只抄同學，想番來吾知佢蠢定聰明

Jane1983

回覆 1998Ruby1998 的帖子

嘩，咁既功課都真係夠經典

siden

1998Ruby1998 發表於 17-10-12 21:22
回覆 Jane1983 的帖子

我之前都係咁，學校好多「浪費光陰」嘅功課，所以有部份功課係阿媽代勞。

冇人性

mba34567

我原本都想邊做功課邊啟發吓佢，但係有時唔夠時間，頂唔順就直接俾答案抄下算。其實臨瞓佢個腦都唔轉，唔好逼啦。

brother4

今日有三宗11,17,16！好彩16＋跳水救得番，多Ｄ留心小朋友和多傾訴及了解心结

Jessy

點解唔做晒功課先?? 仲要溫習先做???

佢咁大反應你真係要正視問題喎!!! 今日大埔有個10歲學生自殺喎!!!

fishchow

Aaalvin 發表於 17-10-12 19:43
我個小朋友琴晚大爆發，話每日都咁多功課做到咩時間都無，話自己個腦有問題隻手有問題做功課做極都咁慢，瞓 ...

https://www.hk01.com/親子/124766/-另類教育-兩個媽媽開華德福小學-走出傳統-無功課的愉快慢學

Aaalvin

asweetmom 發表於 17-10-12 20:01
老師怎麼說呢？

都其他家長投訴過中英數常唔好每科3份，少咗兩日跟住又多番平均4份每科，有D仲要係作文，做唔夠字數當你欠交!老師話都冇辦法啲功課當溫習嘅，會盡量減啲！

Aaalvin

IloveJJ 發表於 17-10-12 22:04
佢咁樣，你仲要佢溫習先做功課?我星期六日先溫習，平日做完功課就俾佢玩。
...

假期功課仲多過平日呀！

Aaalvin

Jessy 發表於 17-10-12 23:27
點解唔做晒功課先?? 仲要溫習先做???

佢咁大反應你真係要正視問題喎!!! 今日大埔有個10歲學生自殺喎!!! ...

溫書我都係同佢溫默書咋，因為佢一個禮拜默中文一個禮拜默英文係計呈分所以一定要溫

Aaalvin

mba34567 發表於 17-10-12 23:19
我原本都想邊做功課邊啟發吓佢，但係有時唔夠時間，頂唔順就直接俾答案抄下算。其實臨瞓佢個腦都唔轉，唔好 ...

我都有搵晒啲答案叫佢照抄！

greentea000

你仔話忍在學校幾年，即係唔係今年先係咁。咩吸引你令你一直忍受唔轉校呢？