有冇思博畢業生家長分享

Vanadium

MicBRO 發表於 17-11-1 10:50
你對仔女好叻呀，2個都考到名幼。好多名幼好着重小朋友品德的，你两個小朋友冇受到校長講大話嘅影 ...

其實你係咪就係果位小朋友自己整親，然後想人地賠錢既家長?

不斷出post同另一個極可能同一人既分身一唱一和，引用既資料錯漏百出....

不過無謂同你係網絡爭論，若然你覺得身教重要，恕直言......相信你亦要學習身教，就算道理係晒你果邊(雖然明顯唔係)，都應學習寬恕，做父母應教導小朋友做人有量度，唔係對人窮追猛打。

若有時間會去回應你(及你分身)係幼兒園個post。

Vanadium

MicBro同MuiMuiPiggy積分近一樣，似係同期加入新會員，一唱一和針對同一間學校，其內容清楚只想抺黑。雖不清楚內容是否屬實，但分析過資料非常誤導及錯漏，不知道education kingdom是否已變成讓人攻擊及抺黑之網站，個人睇完，更怕係荃灣區學校互相競爭學生下，派人做既商業手段，踩一間同時抬高另一間，當然希望教育界唔會黑暗成咁。

https://www.edu-kingdom.com/foru ... 5996&extra=page%3D1

Vanadium

我係度只係個普通會員，做左會員只係一年到，但觀察到唔少幼稚園都有派人係到留言，通常扮家長暗地裡推銷學校。據我觀察，思博都應該有。

但MicBro及MuiMuipiggy呢種情況，明出post去踩人，一年黎就真係少見。講講下講咩都話聽返黎，正常聽返黎都會用疑問句去講，等用家或知情者回應，好似雙M咁聽返黎就實牙實齒當真晒咁惡意出post，作為旁觀察者充份感受到仇恨，及一陣商業競爭味道。

有關有家長投訴跌傷單野，我係朋友send資料比我先知，見果位"聽返黎人士"早幾個月係全港各討論區出post，包括高登、discuss hk，到今日似乎仍堅持到底。

有關事件思博校長已發信通知全校家長，講述詳情，我當然亦知一二。配合"聽返黎"者自己發放既網上資料，感覺個家長問題多D。

我自己都有小朋友，於我睇小朋友跌親係經常有，根本無咩必要去提，如果間學校刻意或明顯疏忽整親/教壞小朋友就話啫(去年迦南拋書包仲明顯)，我現小朋友係全港出晒名既九龍塘幼稚園讀，經常手瘀腳瘀返黎，都無老師通知過我，我問小朋友，佢話佢玩時自己撞親，我覺得小小事學校唔知、唔通知係好正常，又唔係斷手斷腳。

教育界圈子好細，所有學校都怕收到有麻煩家長既小朋友，真唔知果位"聽返黎"人士，會唔會驚影響自己子女升學或學習。

archie1728

#### 發表於 17-10-3 09:53
想知荃灣思博語境如何？有冇k1至k3都讀思博既小朋友家長可以分享下，小朋友英文ok嘛？可唔可以用英文同人流 ...

我小朋友係由思博創校2013年10月入讀PN班（因為係細仔，10月先夠兩歲），讀到今年2017年6月K3畢業。當年細仔，周圍都waiting/冇學校收，難得蔡校長肯畀機會我仔讀下晝班。
可能因為冇乜人肯讀下晝班，過往4年我仔班都係得7-8個人，雙班主任（1本地 + 1 NET）再加個游擊普通話老師，師生比例極低。記得當年PN班我仔一舊飯咁唔肯講英文，學校安排左NET單對單intensive care佢。如果你純問英文科，我會答你思博絕對交足功課（其實我自己反而覺得思博太遍重英文）。當然，吸收能力因人而異，你亦唔好諗住每日返3個鐘頭學小朋友會飛，但listening一定ok，其餘進步亦明顯既，尤其發音，思博絕唔會教到小朋友一口港式英語（呢點好重要，學壞左以後好難改）！

學費係貴，學校人事同行政的確有好多改善空間，但我自己冇後悔畀阿仔入讀思博，尤其經歷過考小一直/私

like_yan

archie1728 發表於 17-11-2 12:19
我小朋友係由思博創校2013年10月入讀PN班（因為係細仔，10月先夠兩歲），讀到今年2017年6月K3畢業。當年細 ...

我想請問下呢。。。因為我囡囡讀緊n。。。我見佢一班大約有18人。。。個位net係咪固定架??同埋普通話老師會幾時出現???

Vanadium

like_yan 發表於 17-11-2 17:51
我想請問下呢。。。因為我囡囡讀緊n。。。我見佢一班大約有18人。。。個位net係咪固定架??同埋普通話老師 ...

果位NET係唔固定，一個NET負責兩班。

但個人覺得只要學費合理，呢個運作無問題，因為好多所謂全時間有NET係度，都唔會全時間由個NET去教，與其香港老師教緊時，佢行黎行去得個睇字，不如善用資源，比佢做返佢更有功能既部份。

我細女都係由思博N班考入九龍塘某幼稚園，果間學費貴得多，但NET都唔係長駐，都係周圍走，我都一樣覺得無問題。

archie1728

like_yan 發表於 17-11-2 17:51
我想請問下呢。。。因為我囡囡讀緊n。。。我見佢一班大約有18人。。。個位net係咪固定架??同埋普通話老師 ...

我當年仲行緊雙班主任，NET係固定既！不過去到K3(上年)好似轉左，但我發覺我仔同全校NET都已經好熟好friend，會互相傾密偈互相整蠱對方果種，所以都冇乜問題。

不過由PN至K3，每個月既評估同上/下學期成績表既comment，都係由NET寫，仲要係認真寫成大段幾百字，唔係話hea寫幾句，呢樣我覺得係最ok

至於普通話，坦白講我真係唔知佢幾時教，但我仔返黎屋企又會識講，當然發音唔算標準(其實我自己普通話都好普通)，有時明顯佢係唔識但亂up死撐，不過總算叫做"識聽"同"肯試"。但對比起英文，坦白講，唔好對小朋友既普通話能力抱太大期望

archie1728

archie1728 發表於 17-11-2 21:55
本帖最後由 archie1728 於 17-11-2 22:10 編輯

我當年仲行緊雙班主任，NET係固定既！不過去到K3(上年) ...

呢個就係上年同期NET畀我仔既comment，真係個個月都填滿個格，交足功課

17-11-2 22:38 上傳

下載附件 (274.3 KB)

kippykippy

Vanadium 發表於 17-11-1 20:04
MicBro同MuiMuiPiggy積分近一樣，似係同期加入新會員，一唱一和針對同一間學校，其內容清楚只想抺黑。雖不 ...

係羅, 呢D POST 真係好煩, 周之無日又拿出來講下。佢唔煩我都睇到厭。

Vanadium

EgoEgo 發表於 17-11-3 20:12
1，請問這份報告是不是真的由NET寫的? 有些grammar錯了。名校對於grammar 是有要求的。

2，老師說你的兒 ...

換個account又黎? 真係服左你。

就因為你不斷推銷Joyful，雖然我對呢間學校無咩認識，但既然有疑似商業手段，我對呢間學校反而無咩好感。:)

like_yan

EgoEgo 發表於 17-11-3 20:12
1，請問這份報告是不是真的由NET寫的? 有些grammar錯了。名校對於grammar 是有要求的。

2，老師說你的兒 ...

1。。思博應該唔算係名校

2。。屋企係以廣東話做母語既話。。。鍾意中文多啲都唔出奇。。。咁都可能聯想到net唔固定呢樣野

3。。咁比你小朋友讀joyful咪得。。。講到咁好

archie1728

EgoEgo 發表於 17-11-3 20:12
1，請問這份報告是不是真的由NET寫的? 有些grammar錯了。名校對於grammar 是有要求的。

2，老師說你的兒 ...

1. 我相信係，因為思博好堅持英文一定由NET教，所以只有NET至清楚小朋友英文進度

2. 其實係我自己既教學方針問題，我本身唔希望阿仔以英文做1st language。平時學校佢同同學傾偈已經多數用英文(因為有半班同學屋企都係講英文)，學校本身又遍重英文，如果出到外面仲英文，我擔心阿仔大個中文唔掂，所以屋企堅持用中文(除左同姐姐溝通)，而事實證明我仔中文ok，結果考中文直/私時亦比同學較有優勢

3. 有可能！雖然我仔唔算叻，但我都好滿意佢呢4年既成長。坦白講，我係d好膚淺既家長，小朋友返學開開心心，學術同品德可以應付出面直/私面試，咁已經收貨

archie1728

like_yan 發表於 17-11-3 23:04
1。。思博應該唔算係名校

2。。屋企係以廣東話做母語既話。。。鍾意中文多啲都唔出奇。。。咁都可 ...

其實grammar都係一個好值得深思既議題，究竟小學/幼稚園生應唔應該學grammar呢? 我地自細學中文，從來都冇人正式教grammar，但冇人會質疑我地中文水平(at least oral)，咁點解學英文就要學grammar呢? 仲要係小學，甚至乎幼稚園階段！

我個人其實唔係好buy傳統教grammar學英文既方法，好打擊小朋友對英文既自信，不過香港教育制度係咁，連劍橋英語都考，冇辦法唔迫住學


申利: 阿仔剛完成movers，計劃升小二前考埋flyers