阿仔抗拒去外國讀書

BK999

真心想請教家長們：
阿仔今年中三，Band 1C 直資英中，成績差，每年升班都有危機，性格開朗，活躍學校活動。今年由於成绩一般，中二升中三升曾想轉校，想揾間比較輕鬆升中三，但無學校回音，最後成功升回原校，所以暫時繼續升讀，但心知中三係最多科目的一年，佢升中四又有危機的可能！

我哋曾有倾過去外國讀書，時間未定，但昨晚阿仔同我提出明年想轉去VTC讀中四 , 到中六先上HD or Associate 上大學，我聽完成個心一沉。原來佢自己做咗好多research. 佢校頭100名先可選科，佢心知佢想讀的科目一定唔輪到佢選，分分鐘冇人選的，佢也要接受，好彩捱三年再考DSE.  否則repeat 多一兩年，到時又係HD or Associate 上大學。
抗拒去外國，令我好驚訝，因為佢好多同學己走晒，我以為佢好想走，誰不知唔想，仲叫我唔好迫佢，跟住爆喊！

ratafan

BK999 發表於 17-10-2 22:57
真心想請教家長們：
阿仔今年中三，Band 1C 直資英中，成績差，每年升班都有危機，性格開朗，活躍學校活動 ...

You should celebrate that he has his own goal and did the research himself. This is very rare for kids at his age.
You said he is active in school activities? Why not give him more encouragement in those activities ? What they need at this age is a lot of encouragement and motivation. Personally I will not help him switch to so called easier or relaxing schools if they don't ask for that. Teenagers at this age need your encouragement.

Vivis

BK999 發表於 17-10-2 22:57
真心想請教家長們：
阿仔今年中三，Band 1C 直資英中，成績差，每年升班都有危機，性格開朗，活躍學校活動 ...

其實佢好叻仔，自己有哂計劃，父母在旁支持佢，條條大路通羅馬

BK999

ratafan 發表於 17-10-2 23:02
本帖最後由 ratafan 於 17-10-2 23:09 編輯

You should celebrate that he has his own goal and did t ...

唉！但想轉去VTC又係一大問題！我真的不能接受佢要求！我安慰佢盡力應付今年的課程先，遲D再打算，佢喊得好激動，我也喊得好心痛，好似前景茫茫咁，佢話佢接受飛出HK, 佢就必須完成整個課程，絕對不能半途而费，但佢怕唔適應，讀唔落去，而我唔比佢番HK. 所以佢唔走.

ratafan

BK999 發表於 17-10-2 23:12
唉！但想轉去VTC又係一大問題！我真的不能接受佢要求！我安慰佢盡力應付今年的課程先，遲D再打算，佢喊得 ...

你先沉澱一下，年青人很怕被人否定，我真心覺得你囝仔有自己的打算實在了不起，不是人人都會咁成熟，好多細路到入了U 也未知自己的方向

DKmum

BK999 發表於 17-10-2 23:12
唉！但想轉去VTC又係一大問題！我真的不能接受佢要求！我安慰佢盡力應付今年的課程先，遲D再打算，佢喊得 ...

如佢不想去，真係冇得的迫架！到時佢唔係你身邊，佢又讀得唔開心，你到時仲驚啦！條條馬路通羅馬，好似其他家長講，佢咁細個已經識為自己計劃，係好叻仔黎架！如你真想他去外國讀書，可以俾佢試下參加遊學團，俾佢感受下！或者俾其他朋友去外國讀書嘅成功例子俾佢聽下，慢慢引導佢！

BK999

BK999 發表於 17-10-2 23:12
唉！但想轉去VTC又係一大問題！我真的不能接受佢要求！我安慰佢盡力應付今年的課程先，遲D再打算，佢喊得 ...

老師們有同我探討過，阿仔只係學業唔大理想，但其他各方面都好有領袖才能，主動攪好多班会和學生会大小事務，時間管理弱，所以令學業成績未達標，老師們有同我倾，成績只是人生一部分，只係HK 學制唔大適合佢，如有能力，叫我送他去外國發展， 我認真考慮下，開始同佢步處，可惜佢一句，唔去，唔好迫我，我好失落！

你地有冇相同問題，可以慢慢令細路改變恐懼，自問我地只是小康家庭，真係要慳來供佢出去讀，唔係望子成龍，其求順利畢業!

fooky-hk

佢其實肯佢外國試，但驚唔習慣或讀唔到時你唔比佢返嚟。你大可應承佢如果真的想回來讀就比佢返，VTC收生條件好低，到時真係要返嚟實入到。

1998Ruby1998

好叻仔，可以有咁明確嘅目標同計劃。

不過你可以同佢講，父母知道同 VTC 相比，外國學校可以畀到更好嘅教育同資源，父母想你試一試，見識一下。如果到時候唔適應，可以返黎讀 VTC 都唔遲。VTC 收生門檻低，完全唔需要擔心外國讀唔掂，兩頭唔到岸。如果 VTC 讀得唔開心，大壓力，父母都會願意畀你出國。咁樣你願唔願意試？

如果佢聽完，都堅決唔肯去外國，就由得佢。

freespeech

BK999 發表於 17-10-2 22:57
真心想請教家長們：
阿仔今年中三，Band 1C 直資英中，成績差，每年升班都有危機，性格開朗，活躍學校活動 ...

唔好意思，有點離題，但真是不吐不快！我 覺得香港的教育制度 好有問題，為何考頭100名至可選科，這 變成好似獎勵咁。 其實成績好的同學， 好多時讀什麼都會好，反而成绩未如理想，更加需要嚴選合適而有興趣的科目，否則只會越謮越差越不起勁！
香港社會為教育用了很多資源，但有些地方又好鬼原始 荒謬！

lui

BK999 發表於 17-10-2 22:57
真心想請教家長們：
阿仔今年中三，Band 1C 直資英中，成績差，每年升班都有危機，性格開朗，活躍學校活動 ...

首先，小朋友表明不想去外國，你絕不可以迫。你了解其因，自己再鋪排如何䆁去他顧慮。再research VTC 有什麼科目佢喜歡，如果在外國如何讀。比較給他，大家相糧。
你仔有主見，好叻。佢將來一定有成就，媽媽你真的不用擔心。

BK999

freespeech 發表於 17-10-2 23:57
唔好意思，有點離題，但真是不吐不快！我 覺得香港的教育制度 好有問題，為何考頭100名至可選科，這 變成好 ...

就係這樣的學制，我先打算轉校，但有困難。想出国，但阿仔又抗拒！

BK999

lui 發表於 17-10-3 03:24
首先，小朋友表明不想去外國，你絕不可以迫。你了解其因，自己再鋪排如何䆁去他顧慮。再research VTC 有什 ...

阿仔話一班好朋友、同學已慢慢離開學校到外國升學，佢己好唔開心，近年再次建立第二班好同學，互相鼓勵做功課和温習，希望順利升班，友誼永固，所以好唔想去外國，加上唔想離開屋企，其實阿仔比我感覺好容易識朋友，又不太黐家，突然這兩句回應後就爆喊，我也好無奈和心痛！
如果中三成績不足又要repeat, 又或者要他收讀中史、西史，如他口中点捱到DSE? 唔通真係要去VTC 讀中四？現階段我真的接受唔倒呢！

fooky-hk

唔係嚇你，我表妹就中五就由主流學校轉去VTC, 那(emoji)都是一群龍蛇混雜的學生。開學後三個月全班唔見咗一半人。要好堅持的。

lui

BK999 發表於 17-10-3 07:22
阿仔話一班好朋友、同學已慢慢離開學校到外國升學，佢己好唔開心，近年再次建立第二班好同學，互相鼓勵做 ...

始終中三只有14歳，真糸好細個。俾多兩年時間。如果中四仍唔樂觀就中五去最後兩年。澳洲、加拿大冇咁難。大d個人成熟d.

db7mu23

假設2018年9月英國讀中四

10中有10日假期，可以回港小住8日

12月初有30多日假期，回港住足1個月。

基本上在英國讀45日，便可回港Reunion !

你和阿仔講，衹以在英國過了第1個45日，便大家商議日後何去何從。

brother4

db7mu23 發表於 17-10-3 09:44
假設2018年9月英國讀中四

10中有10日假期，可以回港小住8日

咁都想到，好犀利

ericby

支持佢去VTC

梁媽媽

小孩子要單人匹馬出門, 梗係有D 驚, 總之你要認同佢的感受先, 再慢慢派定心丸。
(當然你的定心丸是你真係做得到的。)

那時我想我女出國, 我都比定晒定心丸佢, 講左叫佢出去試, 試左唔鐘意, 隨時可以回來, 我一定比機票佢返。
回來後, 到時再搵番D HK 直資學校讀, 貴就貴, 媽媽一定比錢,
(其實我心諗, 番黎我肯比錢你讀直資, 好學校都無位比你啦, 一定要讀D 差的, 但講就梗係咁講左先架啦。)


媽媽得你一粒女, 我最錫你, 我一定支持你, 唔駛擔心。
因為我女當時都係又想試, 但又驚驚地咁, 總之我講到全無後顧之憂, 等佢一於去馬。
出左去之後, 地方大, 學科又易, Test, Exam只要你有溫, 你一定考得到, 生活又簡單....好快就愛上個邊啦, 幾大都唔要返黎讀添呀。

我女話: 我覺得我而家好似去左寄宿咁之嘛, 幾個月就番黎一次, 好似無走過咁。

basbyy

我亞仔今年過英國讀 Year 9，佢過去之前又係好唔想過去，佢覺得自己喺原校升級無問題，但我想佢見識下個世界，又想佢可以獨立D，再加上大女去英國讀得好開心，我都係應承佢，如果佢唔適應果邊，第二年可以返香港讀書，佢D舊校服一件都無比人。亞仔過左英國後好開心，所以可以鼓勵佢試下。