Deleted

Soundervolt

hkpapa852 發表於 17-11-17 12:42
唔係間間學校出錢出力就一定"買到人"

就好似現實既商業足球圈, 世界上有幾多個球星, 會甘願係當打之年去強 ...

球會同學校唔同吧，學生仲要有升學既後路，所轉嘅學校名聲對出路都十分重要，始終世界係現實嘅。

Soundervolt

mcl203 發表於 17-11-17 12:40
E，又似乎係噃，你並非只討論DBS收兵欠道德喎，莫非我誤會左。DGS 和以上講既YWC 和 RC都有，可以継續，LS ...

米講喇沙啦，又會有人話因為酸葡萄，學校個光環唔夠光挖人，先至去針對其他學校~

Soundervolt

mcl203 發表於 17-11-17 12:56
仲可以講埋九華，呢位學生勁呀，又港隊又超班，九華又係DBS附近，分擔吓D壓力～
...

上年九華搵咗兩個超班D1田徑運動員加盟，連九華校友都覺得出奇佢地點解唔去加多利山男神校，而去非田徑傳統強校嘅九華呢~

Soundervolt

Eat_Sleep_Play 發表於 17-11-17 13:50
http://s.nextmedia.com/apple/a.php?i=20171017&sec_id=25391&s=0&a=20185225

【D1泳賽】每朝四點起身練 ...

因為佢本身成績問題及喇沙到高中時對運動項目支援比較少，學校到高中時學生都要收繮去應付公開試，如果主要追求運動上嘅成就，友校會比較合適。

Soundervolt

mcl203 發表於 17-11-17 14:15
又話LSC直升絕少B2生既...外援又不可能收B3生
學生有無壓力被勸退...港隊支援仲未夠 ? ~~~
...

點會咁神冇B2學生升中呀？就算港隊或街外體育會提供訓練，但返到學校嘅課程唔會就你，同學之間都為咗公開試目標進發，大家目標唔同不如搵一間適合到自己嘅學校好過。

Soundervolt

breadcheung 發表於 17-11-17 14:22
回覆 Soundervolt 的帖子

九華係津校唔使錢

如果收得呢類預製金牌學生，直私學校通常都會送埋「船」接佢到學校，所以學費應該唔係問題。

Soundervolt

ANChan59 發表於 17-11-18 09:15
我有時都幾反感，學校正正都做緊，只是個別家長係都要美化，解説一番！
...

唔使反感，我冇反對從小學收一尐無論學術或體芸有潛質能力嘅學生，甚至初中學生，因為呢尐學生會喺得到學校往後多年嘅培育，學校確確實實對學生產生作用，畢竟讀幾年之後會可以有好或差嘅變化，收小學或初中生未必將來一定sure win。唔似一尐學校好喜歡中五六，甚至收重讀生嘅預製金牌學生加盟互換即時利益成果，而且更加喜歡美化解釋收呢類學生嘅理由。

Soundervolt

學界有個現象，C grade (中一二），B grade (中三四）好多學校之間都鬥得難分難解，互有勝負，唯獨一到A grade (中五六）某一尐學校就會屈機地大幅拋離對手優勝，莫非佢地特別起歡喺中五六喺運動方面才發力？學界籃球正在如火如荼，陳sir幫手問下貴校有幾多新加盟嘅”高中”學生？

Soundervolt

ANChan59 發表於 17-11-18 10:03
*****

我反而覺得幾位網友提出學生轉校的心態，是一個較合理的角度！中五中六轉校，我會看 Michael Owen ...

Michael Owen只是成個球季踢十場八場波，仲多數係後備出場，咁樣攞個冠軍只係自我感覺良好，如果係咁，同去文明體育用品公司造個獎杯俾自己冇乜分別，利物浦仲有個Steven Gerrard，he is a true legend，得到包括對手球迷尊重。我只係揭示學界嘅真實情況俾大家討論，如果學校冇做過呢尐行為又點會覺得有被人踩嘅感覺呢？我亦見過您對其他學校嘅評論，莫非又係踩其他學校？阿仔雙打拍檔都係讀貴校，我亦認識大量貴校嘅人，包括管理層，DBS當然係一間好好嘅學校，但唔通被其他人連討論下嘅空間都冇？

Soundervolt

mcl203 發表於 17-11-18 10:45
好難理解你雖係圈中人，似乎同大部分運動生想法有偏差，亦唔暸解佢地～～～
...

我多年前都玩過學界，十分明白當中心態，人生充滿失意，承受失意或遺憾亦係人生寶貴一課。需要用呢個方法去完夢係個人嘅選擇，但亦可能會反映到將來做人處事嘅心態。

Soundervolt

ANChan59 發表於 17-11-18 10:57
我真係冇覺得學校被踩的感覺，因為言論自由嗎 又不是我的學校。

我只是講討厭事事以道德高地作基 ...

如果人生唔需要將道德放在最高位，咁就所有事情都唔值得討論。

你有時間，唔好將我想成別校家長及有所企圖，將所有帖文看一次，可能有新的角度。

Soundervolt

ANChan59 發表於 17-11-18 12:13
我自問道德標準唔低，不過不會經常掛在口邊，亦不想雙重標準！

我當然有由頭到腳睇一次，才有感而發！去 ...

哦！道德標準原來有選擇性...不擇手段達到目的才是皇道，明白哂！ 「叉倫厨」既只係同您嘅價值觀相相近而且，沒有對與錯之分。

Soundervolt

ANChan59 發表於 17-11-18 12:29
在此帖文你又再示範一次扭曲别人意思！

做人除了要有道德標準，還要有EQ及氣度，加少少幽默感就最好。

討討下論又人身攻擊，不過您終於明白做人除了要有道德標準，還要有EQ及氣度，加少少幽默感就最好。

Soundervolt

RunningPig 發表於 17-11-18 12:55
你的著眼點係高中學界比賽的公平與否，但對學生運動員本身，這是否又重要? 對他們來說更重要的是，有冇適 ...

我知您係友校家長，您以上請嘅說話理性得多。其實去到高中及頂尖既運動學生大多數已經跟所屬體育總會訓練，而且到中學生涯後段，學校可以做嘅野已經十分有限。不過我之前所講，呢類學生轉到貴校確實可以擴闊視野及peer group，呢尐係不爭嘅事實。我嘅言論只係想分享一下學界嘅實際情況，究竟咁嘅做法正唔正確，每人心中價值標準不一樣，所以唔會有真正嘅答案。

Soundervolt

lawsonmoon 發表於 17-11-20 16:15
男拔辦學既理念一直冇變過。從另一角度睇，你可能有唔同既感覺：
男拔已變了直資，小一和中一有100%自主收 ...

我知閣下係友校舊生，亦有拜讀過閣下其他發言，當中都十分理性中肯。我提及過之前回帖只係希望分享一下學界運動實際運作情況，我亦喺其他帖經常講DBS並非只追求學術上嘅成就，貴校視體芸與學術為平等地才能，呢點我沒異議亦十分恩賞（可以喺我其他帖引證），我所討論嘅係從別校加盟嘅高中運動生並非經過學校多年心血既成果，會令外界有一種錯覺。之前有家長扣我帽子，認為我不忿敝校失卻甚麼學界總冠軍而踩貴校，呢點未免思想狹隘，其實喺我心目中冇邊間學校好過邊間學校，只有經常有咁嘅心態先至會有咁嘅想法，而且我更加會重視阿仔本身多過讀緊嗰間學校同其他學校比較。

正如您所講，如果以DBS嘅brand name可以盡收學術程度高嘅學生，跟據呢個想法，以LSC或其他傳統名校嘅名氣亦可盡收運動精英學生一較高下，但點解呢尐學校又唔會到高中時從其他學校招攬一尐百份能奪取金牌嘅學生？樓上亦有解釋冠軍殊榮對學生有幾重要，既然好似你所講貴校學生有機會自己去爭取各方表現去追求目標，不過我亦認識貴校唔少同學經過多年艱辛訓練，但到高中時突然間有位新同學佔去代表學校嘅機會，咁又係唔係公平，定抑或學校認為係有能者居之？我重新講一次，我並非反對貴校喺學術體藝多元教育方針，只係對從其他學校招攬高中預製金牌學生入讀貴校一年半載甚至重讀為學校（喺各項目A grade) 增光，呢種即食奪獎做法不敢茍同而已。

Soundervolt

lawsonmoon 發表於 17-11-20 17:55
明白既，各人既睇法會有D唔同。我本身對學校拿什麼團體總冠軍冇乜感覺，亦唔覺得好威(其實應否設尼D獎呢！ ...

我朋友個女公開試成績十分差，但因音樂天份及造詣十分高而被演藝取錄，演藝收生主要喺睇申請人所報讀科目嘅實際能力，經過表演測試、面試、呈上對科目認識嘅Assay、樂團或音樂家推薦及獎項成績等以上條件均可申請。基本上與讀邊一間中學及學術成績冇乜關係。而且往後成就好睇個人本身做化，例如奧斯卡最佳美術指導得獎人葉錦添基層出身，當年會考得幾分，做過低層工作，之後走去片場由美術小工捱出一片天，所以只要自己唔放棄，未必一定係末路。不過好似徐校董嘅例子，確實又可印證就算讀一年半載名校可以改寫命運。懂得欣賞貴校嘅人都唔會只著眼學術成績（而且近年除IB外，其他亦冇公報），所以唔需要擔心收一部份體芸學生而影響外界眼光。

另一方面，我認為一尐有規模嘅大校應該承擔多尐社會負責任，選擇成為直資有一種背道而馳嘅感覺....特別係小學直資令到今時今日小朋友因為要考小學而要接受超前教育及承受不必要嘅壓力。