如何選擇是好？

YokoS

本身係34網及有區內私小offer, 但考慮到仲有個細仔跟尾，2個讀私小未必負擔得起，而且又唔係必收細佬，諗住報津校，自行應該報咩學校好？

我最多得20分報區內一線尾母校，該校無宗教分，所以成功機率相對高，但該校非常傳統，怕小兒未能應付。

而我自己比較心儀41網一間二線宗教小學，聽講相對輕鬆些，但我得15分，機會率非常低，自行應該報邊間好？

另外小兒比較怕羞，唔多出聲及不主動投入參與小組討論之類，佢咁既性格係咪唔適合活動教學？ 感覺佢係傳統教育下應該會覺得舒服d, 但佢記性又唔算好，不主動積極完成功課溫習，入到傳統學校可能跟唔上進度，我應該幫佢搵間活動教學定傳統學校較適合佢？

SCboy

34網福馬？農圃？
自行攞左個位先，再諗叩其他。
41宗教二線(基華？華德？新華德？)其實都不會輕鬆。

Mchacha

咁既情況當然揀20分母校先啦

Dragonmama2012

你想揀嗰間，大抽獎未必抽中，派得差，又要煩

擰左母校個學位先，之後再叩其他學校，心情都輕鬆好多

Hycl

當然係報自己母校啦！41網二線宗教學校20分都要抽, 15分ㄧ定無機。無理由放棄ㄧ間穩入的ㄧ線學校, 而去搏ㄧ間機會微的二線學校。

april12

YokoS 發表於 17-9-22 23:47
本身係34網及有區內私小offer, 但考慮到仲有個細仔跟尾，2個讀私小未必負擔得起，而且又唔係必收細佬，諗住 ...

報左母校自行先，之後再去扣門（可到時再睇情況），但老實講依家好多學校20分都唔係必入，有可能要抽

carolkayan

Dragonmama2012 發表於 17-9-23 00:53
你想揀嗰間，大抽獎未必抽中，派得差，又要煩

擰左母校個學位先，之後再叩其他學校，心情都輕鬆好多

X2 應同

Felix223

你應該用20分揀自己母校，41網二線的宗教小學唔代表會讀得輕鬆D。

YokoS

SCboy 發表於 17-9-23 00:18
34網福馬？農圃？
自行攞左個位先，再諗叩其他。
41宗教二線(基華？華德？新華德？)其實都不會輕鬆。

因為聽人地講好多功課同考測，我兩公婆都要番工，到時怕跟唔到太多功課同溫習。

YokoS

Mchacha 發表於 17-9-23 00:27
咁既情況當然揀20分母校先啦

龍年，好多人都咁教我攞左個唔差的位先，但真係擔心讀唔上。

YokoS

Dragonmama2012 發表於 17-9-23 00:53
你想揀嗰間，大抽獎未必抽中，派得差，又要煩

擰左母校個學位先，之後再叩其他學校，心情都輕鬆好多

我仔性格扣門應該無人會收，但講真15分報邊間都應該係送死，大抽獎又可能派寶校。
但我間私校backup, 應否放棄較易入的一線去冒險。

YokoS

Hycl 發表於 17-9-23 08:30
當然係報自己母校啦！41網二線宗教學校20分都要抽, 15分ㄧ定無機。無理由放棄ㄧ間穩入的ㄧ線學校, 而去搏ㄧ ...

只為間學校可能較適合我仔

YokoS

april12 發表於 17-9-23 14:28
報左母校自行先，之後再去扣門（可到時再睇情況），但老實講依家好多學校20分都唔係必入，有可能要抽
...

我知20分可能都係抽，如果有幸抽到母校我都唔知讀唔讀得掂

YokoS

Felix223 發表於 17-9-23 15:47
你應該用20分揀自己母校，41網二線的宗教小學唔代表會讀得輕鬆D。

問過相熟的朋友，話小一二都比較輕鬆，上到小三先開始谷，諗住俾多2年時間個仔適應，而且間學校係比較活動教學型。

Dragonmama2012

YokoS 發表於 17-9-23 18:03
我仔性格扣門應該無人會收，但講真15分報邊間都應該係送死，大抽獎又可能派寶校。
但我間私校backup, 應否 ...

我都有想過，如果大嗰個派得岩佢既學校，但唔岩細嗰個又點呢？

答案係小朋友係獨立個體，我會俾大仔入岩佢既小學(未必係學術好既學校。)，細嗰個再自己努力（靠佢自己運氣）

我有朋友大嗰個入左人地眼中寶校，但岩佢小朋友，讀得好開心。細嗰個入另一間。

你呢個情況，我會接受私小offer 先，如心儀學校不是母校，就大抽獎靠運氣睇吓入唔入到心儀學校，唔得就讀私小。