楊可悠 — 考小一之十道選擇題 《好有共鳴》

LittleButter

楊可悠 — 考小一之十道選擇題 《好有共鳴》

考小一，要面對好多選擇題。不過不是小朋友，而是家長的選擇題。

一：「老公，報幾多間直資私小？」「三幾間。」「我同事話報多幾間，因為唔同學校會撞面試時間。」「報得多畀人鬧怪獸家長。」「針唔拮到肉唔知痛，你估你個仔資質好咩，報十間考到一間都要還神！」

二：「老婆畀你講中，9月30日聖保羅男小撞陳守仁，只可以揀一間面試。」「揀近屋企嗰間。」「考完聖保羅Call Uber過西隧直落陳守仁得唔得呢？」「仲有10月7日男拔小撞聖方濟各，你點揀？」

三：「個個禮拜六日都要面試，如果入到第二輪，仲要搞到10月11月12月！」「惟有當係親子活動，兩仔爺都諗緊幾時玩完……我哋。」

四：「係咪眼花，報考聖保羅男女唔使報名費？間間都要$50/$100/$150喎！」「老婆你睇下人哋學費先，做個精明消費者，唔好畀眼前優惠蒙蔽。」

五：「有幾間第二輪面試要小朋友帶書出席，老師會問內容，帶咩書好？」「英文故事書，High啲！」「帶《十萬個為甚麼》啦，超級High！」

六：「著咩衫去面試？舊年有人去聖保羅男女，見到有國語人著公主紗裙面試，好似去迪士尼。」「你唔好叫阿仔著踢死兔呀，搞到成個魔術師咁。」

七：「點解男拔小年年要排隊攞籌聽簡介會，搞到家長排通宵，其他學校網上派籌或者抽籤，好公平。」「百年老校嘛，你可以唔去聽。」「老公你聽朝6點去排隊攞籌，我8點過來Join你呀！」

八：「朋友話聖芳濟各要考筆試，宣小入到waiting第二輪又係考筆試，死啦你個仔係文盲，一定陪跑。」「你個仔仲係龍B，又盲又龍添！」

九：「有無聽過優才要玩足一年，見完家長畀conditional offer，跟手每個月去學校上足8堂課、交2份功課，先至畀學位你。」「分工合作：你上堂、我寫文，之但係點解明明阿仔讀書，佢又唔使付出呢？」

十：「到底幾時先至玩完升小遊戲？好想旅行，但由今年7月考直私到明年大抽獎都唔敢離開香港，驚有學校call waiting。」「有得waiting先至有資格等call，忍下啦老婆！」

以上對答，如有雷同，絕非巧合。

http://www.mameshare.com/?route=article&id=244

LittleButter

經歷過考小一的父母，可能會會心微笑！

現在正經歷考小一的父母，可能會身同感受！

ngokwan

LittleButter 發表於 17-9-21 10:07
經歷過考小一的父母，可能會會心微笑！

現在正經歷考小一的父母，可能會身同感受！ ...

Agree

上年經歴完，看完文章後，笑了出來

ojarumaru

begoodtome

LittleButter 發表於 17-9-21 09:29
楊可悠 — 考小一之十道選擇題 《好有共鳴》

考小一，要面對好多選擇題。不過不是小朋友，而是家長的選擇 ...

大笑左……

Oscar1038

LittleButter 發表於 17-9-21 10:07
經歷過考小一的父母，可能會會心微笑！

現在正經歷考小一的父母，可能會身同感受！ ...

多謝分享！十個趣！
亦好同意呢幾句！

coach_LO

很深的感受

BERNICEJUNE