維多利亞8所幼園交周大福管理

blueaqua

大家點睇? 似乎銅鑼灣分校同其他8個校舍的分別會更加明顯?


http://hd.stheadline.com/news/realtime/hk/1005329/

維多利亞8所幼園交周大福管理
有53年歷史的維多利亞教育機構，管理架構面臨重大轉變。原先出任機構總校長的孔美琪明年1月31日起，將以其他身分在機構工作，銅鑼灣校舍以外的8所幼稚園及幼兒園，將交由周大福企業有限公司獨立管理，由周大福轄下新成立的教育機構行政總裁出任臨時執行校長。孔美琪接受《星島日報》訪問時指，機構與周大福合作長達20年，認為現在是交回管理權的理想時機。

維多利亞教育機構校監丁毓珠，日前向轄下九所幼稚園及幼兒園家長發通告，在機構工作32年的總校長孔美琪，角色將有大改變，《星島日報》報道，原先管理9所機構轄下幼稚園及幼兒園的她，只保留任銅鑼灣校舍（銅鑼灣維多利亞國際幼稚園、銅鑼灣維多利亞幼兒園及維多利亞幼兒園）總校長，其他則為榮譽顧問。明年1月31日起生效。

銅鑼灣校舍將以獨立管理架構運作，其餘8所幼稚園及幼兒園，即下康、中康、上康、海峰園、海怡、寶翠、何文田及君匯港校舍，將有新的領導層。維多利亞教育機構主要股東的周大福企業有限公司，已委任新成立教育集團行政總裁Mrs.LynetteCheetham，明年2月起出任臨時執行校長，負責八所學校的策略及營運工作。周大福企業有限公司發言人回覆《星島日報》查詢時證實，明年1月底開始，該公司將獨立管理該8所幼稚園。

昨午仍身在北京的孔美琪接受《星島日報》電話訪問時指，現時有多個政府及非牟利機構公職在身，經常不在港，難以兼顧總校長一職，「現時有太多工作，年紀大，也要留意身體，所以要取捨一下。」她稱，周大福企業有限公司是機構重要合作夥伴，合作長達20年，認為現在是把管理權交回該公司的理想時機。

孔美琪表示，即使領導層轉變，8所幼稚園及幼兒園仍會沿用維多利亞的校名，課程資源及研究等仍會共享。學生升讀滬江維多利亞學校的機會，與銅鑼灣校舍學生一樣，「跟以往做法一樣，報讀的學生仍需經過面試。」她表示，銅鑼灣校舍及另外8所幼稚園及幼兒園，屬於兩個體系，招生程序將分開，由以往同一份申請表，分為兩邊各自招生。

她仍會擔任滬江維多利亞學校副校監工作，亦會繼續在內地9所維多利亞幼兒園出任總校長。她稱，想多花時間在自己創辦、現時有1800名學生的滬江維多利亞學校，及內地九所維多利亞幼兒園上。《星島日報》記者昨到維多利亞幼稚園及幼兒園（下康），發現不少家長都不太清楚新安排，亦有家長認為影響不大，不擔心會影響前線教學。

ylylylyl

原來和周大福合作長達二十年．．．即是學校營運早已交由第三方管理 ?若是．．難怪學費一直也不平民。。將來直接由周大福接手，未知學費會否大幅增加呢？

Babemo

blueaqua 發表於 17-9-6 16:14
大家點睇? 似乎銅鑼灣分校同其他8個校舍的分別會更加明顯?

其實尋日早上收到個email通知，睇完都冇乜感覺。讀緊嘅會繼續讀⋯⋯

marsflys

ylylylyl 發表於 17-9-6 16:50
原來和周大福合作長達二十年．．．即是學校營運早已交由第三方管理 ?若是．．難怪學費一直也不平民。。將來 ...

周大福鄭家純，杜惠愷等一直也是維多利亞董事和股東，但管理係交比孔美琪博士。現在將管理權交給周大福，應該代表分家，可能周大福跟住會開始大搞教育。

blueaqua

marsflys 發表於 17-9-6 17:06
周大福鄭家純，杜惠愷等一直也是維多利亞董事和股東，但管理係交比孔美琪博士。現在將管理權交給周大福， ...

其實最擔心係怕教育質素會有影響, 本來打算報讀明年N班的......(不是銅鑼灣分校)

ylylylyl

marsflys 發表於 17-9-6 17:06
周大福鄭家純，杜惠愷等一直也是維多利亞董事和股東，但管理係交比孔美琪博士。現在將管理權交給周大福， ...

其實依文章所敍述，周大福是維多利亞主要股東，意味著不是唯一股東。現在改由周大福新成立的教育機構管理，而不再由孔美琪管理，我理解的是周氏已做到開源的目的。畢竟，教育就是一盤生意呢。但我相信周氏不會降低教學質素，因為校譽品牌也十分重要呢。

marsflys

ylylylyl 發表於 17-9-6 18:33
其實依文章所敍述，周大福是維多利亞主要股東，意味著不是唯一股東。現在改由周大福新成立的教育機構管理 ...

同意。如果新校長保持現有教育方針或加強，老師和職工沒有出現分歧的情況下，我相信不用擔心。股東也不想打垮這盤生意。

星星的後裔

marsflys 發表於 17-9-6 17:06
周大福鄭家純，杜惠愷等一直也是維多利亞董事和股東，但管理係交比孔美琪博士。現在將管理權交給周大福， ...

鄭家有什麼是搞得好的？

blueaqua

sweetbride119 發表於 17-9-7 07:50
新世界中心搞到依家都未搞好？鄭家搞教育，財力雄厚當然無問題，但係教育這樣意識形態領域，要有高水準的教 ...

同意! 而且唔覺新世界有搞開教育的 (之前一直係維記股東但唔代表佢地有參與學校的管理及營運), 真係唔知新的管理團隊會係咩人同咩質素.........只有財力但冇理念冇經驗都咪話唔令人擔心

星星的後裔

sweetbride119 發表於 17-9-7 07:50
新世界中心搞到依家都未搞好？鄭家搞教育，財力雄厚當然無問題，但係教育這樣意識形態領域，要有高水準的教 ...

你有買新世界股票就知佢地好唔好。

教育同錢不一定是等號，你睇"5個小孩我校長"就知。

孟母3000

幼稚園好搵過賣金

星星的後裔

孟母3000 發表於 17-9-7 19:37
幼稚園好搵過賣金

唔會啦，一年1000個學生每人收5萬都只得5000萬，仲要不是純利，對周大褔來講都唔夠交一間舖租。
不如諗校社是租定買，佢會唔會賣出，或轉做其他用途。

bboo1

用賣金生意角度去搞教育,等著瞧

natpoon112

bboo1 發表於 17-9-8 12:41
用賣金生意角度去搞教育,等著瞧

Ctf holdings and ctf jewelry are two different entities. Now is ctf holdings taking over, it's the mother company of nwd group.

ylylylyl

sweetbride119 發表於 17-9-8 13:37
本身都諗住報何文田的，連核心領導班子都換了.......

咁又係，核心領導班子係精神支柱，如果個最高核心人物沒有教學抱負，要求，都難以帶領學校進步。即使周大福唔希望降低質素，係咪用啱人都係另一回事。更可況，果個新委位的校長是外國人，教師職工是否可以內部溝通好，目標一致，都係疑問。仲有．．果個新委位．．只是臨時的．．．有沒有心做好啲．．．都係疑問。

halvard

如果想報佢地學校
都真係要認真閱讀佢地新既網站
收B個度都有少少唔同左
CWB Campus以前收到去7月出世BB
依家收到 8月出世BB！！

blueaqua

halvard 發表於 17-9-8 15:50
如果想報佢地學校
都真係要認真閱讀佢地新既網站
收B個度都有少少唔同左

係喎個網頁今日唔同晒!! 我昨日先睇完都唔係咁樣....連PLAYGROUP都加咗價...............