早教

little_yolky

jadenhayden 發表於 17-9-4 00:04
本身係冇諗過早教！不過見到其他人咁上進！就唔多唔少會諗，要不要逐波逐流呢⋯⋯
...

拿, 你要學我咁, 神經要大條D。最緊要唔係早唔早學, 係你小朋友有無掌握好該學期既課程, 只要佢考到第一, 實在無需要早學D乜。明白無?

jadenhayden

little_yolky 發表於 17-9-4 11:43
拿, 你要學我咁, 神經要大條D。最緊要唔係早唔早學, 係你小朋友有無掌握好該學期既課程, 只要佢考到第一,  ...

你講得啱！我太容易被觸動了！搞到自己好神經質！

simonwan

阿仔中英數無早教。

不過佢一年級時，我要求佢學識綁鞋帶，著綁帶鞋返學。我以爲好正常。有一日，我去佢學校，發覺原來全班同學得佢一個人系著綁帶鞋。原來我早教左佢綁鞋帶。

又，七歲起要佢每天洗碗，學做不同家務。到四年級已經識洗碗、洗衫、吸塵、煮飯等等；普通家常菜如蒸魚炒菜無問題，味道當然仲有好大改進空間。在我細個時候，十歲人仔識煮飯系好普通的事。前幾個月睇電視，原來大部分細路，到了六年級都唔識開罐頭。原來我又早教了！

點解而家甘多父母，會唔底得細路小學仲未識微積分，但12歲唔識開罐頭就唔覺得系問題？

little_yolky

simonwan 發表於 17-9-5 00:29
阿仔中英數無早教。

不過佢一年級時，我要求佢學識綁鞋帶，著綁帶鞋返學。我以爲好正常。有一日，我去佢 ...

係囉, 家事呢家嘢, 唔學真係唔識架, 你唔好話小學生, 幾十歲人都未必識。話說阿細好鐘意煮嘢食, 佢志願係做廚師。咁, 就緊係俾佢實踐啦, 星期日姐姐放假丫嘛。有一次, 我想偷懶, 叫佢幫我洗米煮飯。咁佢緊係好開心啦。一個鐘頭之後, C6去廚房睇下煲飯點樣...............佢好尷尬咁行出嚟, 細細聲同我講：妹妹可能洗完米之後唔記得落水.............點算? 係咪要丟晒去。


我相信做好多事情都係要從失敗中學習。C6細細聲當然係唔想傷咗妹妹既自信心。但係我更無奈C6咁大個人都唔識執生, 居然話丟咗D米去。我好肯定99以前無早教, 所以C6連飯都唔識煮。


後來, 教返阿細洗米要加水(我以為佢識, 因為佢睇過好多次, 但原來依家D小朋友同以前唔一樣, 唔可以齋睇就學識嘢, 一定要講既。頓然發覺自己真係好聰明添) 第二個禮拜日再接再勵, 佢已經煮到一煲靚飯了。

greentea000

上星期見同事講佢女地區名津小一已經有同學仔識乘除，當堂嚇到其他幾位mama同事八百里加急教返自己小一仔女。課程大家都知，做法各有不同。

yuenkw

小朋友如初小有基礎（懂四則運算）、有心學，自己看 ETV 都能學懂入門程度的代數。

Ahbee02

IloveJJ 發表於 17-9-5 09:18
但係，你仔响學校成績係點呢?
我一直喜歡適當時候學適當既野，但我仔的確數學較弱。而學校或朋友間，成績 ...

我反而覺得數學早教與否呢個問題應該因人而異，還要視乎情況而定，不能一概而論。
我女一樣數學較弱。呈分試當前，我猶豫左好耐，最終都係決定暑假期間讓佢自己開始提前預習。對于我女黎講，佢的情況屬於笨鳥先飛。

bobbob

little_yolky 發表於 17-9-5 09:05
係囉, 家事呢家嘢, 唔學真係唔識架, 你唔好話小學生, 幾十歲人都未必識。話說阿細好鐘意煮嘢食, 佢志願係做 ...

唔係好明，唔用水點洗米？

1998Ruby1998

回覆 simonwan 的帖子

我去補習都發現好多學生學術高，但係自理能力低。唔識收拾玩具、唔識抹檯、掃地...佢地叫幫去善後。我緊係睬佢都傻，結果我要教埋佢地自理。
之後我發現原來我係朋輩之間已經好強，好獨立。有 d 同學因為工人湊／父母只係需要佢地讀書，真係除左家政堂之外就冇煮過飯同洗碗... 一班唔識家務嘅孩子長大，真係唔洗期望佢地第二代會有自理能力。

little_yolky

bobbob 發表於 17-9-5 13:58
唔係好明，唔用水點洗米？

洗完, 無加水煮。

greentea000

暑假學定新學期只係早左1個月咁大把，極其量算預習。

skkeung

jadenhayden 發表於 17-9-2 19:31
阿仔今年升小二
昨天開學，阿仔番黎問我乜嘢叫除數
佢同我講，隔離位已經學識左除數

有啲人上、下午去讀幼稚園，又跟嗎？

simonwan

IloveJJ 發表於 17-9-5 09:18
但係，你仔响學校成績係點呢?
我一直喜歡適當時候學適當既野，但我仔的確數學較弱。而學校或朋友間，成績 ...

阿仔在精英班排中上，無欏學業獎，讀地區津校，每年約 50% band 1。

做家務，要幾多時間？初初做唔識，都系半個鐘頭度，做熟佐， 15分鐘搞掂！每日15 分鐘都欏唔出？

simonwan

回覆 IloveJJ 的帖子

”“而學校或朋友間，成績好嗰啲，真係有早教的。”“

谷出來的唔長遠。


話說，好多好多好多年前，屋企搬屋，小弟要轉校插班小四。考入學試時，數學卷好多都唔識，因爲未學過，最后編班入佐最差個班。入學后，大家學同一樣野，考同一份卷，小弟數學年年全級第一。全部科總成績就。。。直到畢業，都未考過第二。


讀書系馬拉松，最后系睇個人天份同努力，時候未到，太早谷系會有反效果。


當然，如果個細路有天資，又有興趣，咪教佢多D 囖！數學好多呢種情況。


中英文小學階段都系打基本功，無話早唔早教。

simonwan

1998Ruby1998 發表於 17-9-5 14:00
回覆 simonwan 的帖子

我去補習都發現好多學生學術高，但係自理能力低。唔識收拾玩具、唔識抹檯、掃地... ...

其實，唔單止訓練自理能力，做家務，可以培養自信同成就感。

而最最最重要系要個細路對自己、對家庭有責任感。

有了責任感，中學會自自然然努力讀書，唔會自暴自棄。

好多細路，小學被父母谷，成績好好。到了青春期，老豆老母管唔到，又唔知點解要讀書，越讀越差。