今日去了CAC,好傷心 (長）

ET19

雖然上年9月在青蔥評估了ASD，排緊E位。
呢大半年返密集，做training, 仔仔返密集果度7月放暑假就無返了，返下小組、一對一咁。密集果度都有鼓勵9月試主流，話仔仔對peers模仿能力高，咁我都見仔仔因為無大的行為問題，有時密集班反而無draw到老師的attention 。
一路都無咩進展，反而呢2、3個月肯跟人講下野，無返密集全力戒日片成功，呢半個月仲開始主動講下2個字的詞語。
其實月初收到電話約CAC評估，好緊張，仲驚過自己見工、放榜，心底知道仔仔其實追得慢，都諗會唔會差到要排S位。更何況下星期K1開學，樣樣野加埋我真係覺得好大好大壓力。
今日兒科醫生一睇完仔仔上年報告，同6月尾密集班比的報告，就建議既然負擔到出面讀多一年密集先返學，心入面已經oh my god。。。而且仔仔表現唔太合作，坐唔定去左玩玩具。雖然識砌圖案板，解難都ok，但就話呢啲2歲好頭已經要識，認知borderline 。斷言返K一定唔會追到。
覺得好似一道道雷劈落黎咁，她建議排E+S位，又講左好多野，都係話仔仔係細仔不如遲一年入學。
因住一開始佢地都知我做咩工，大家都專業，面子問題一直要控制住情緒。

ET19

ET19 發表於 17-8-24 18:28
雖然上年9月在青蔥評估了ASD，排緊E位。
呢大半年返密集，做training, 仔仔返密集果度7月放暑假就無返了， ...

我講左仔仔在密集遇到的情況，佢地的建議，又多得呢度會員的分享，知道可以申請讀多一年k，同醫生講我情願試左入k先，最多一星期兩三日返多半日密集。同意排E+S,因為如呢一年仔仔有好大進步，學校又支援到，我會prefer K2 repeat,否則入S讀到5歲，跟得到的轉返主流讀多一年k prepare上小學。
好在醫生都明白私人密集的困難係好難按到程度分班，都同意我的planning ，仲話如果決定左，就在k點都賴死落去。
最後簽了DA(我提都無提過她都主動簽），打了印可申請讀多一年k，轉介了醫管局。

我好多謝醫生，但心底始終覺得好傷心。。。只可以呢度呻。
多謝睇晒jm。

cookieman

媽媽加油

Tarttatt

樓主，我好明白你感受，不如你聽吓我嘅經歷吖！
我仔未夠2歲就喺協康會評左ASD，排E+S，冇讀N班亦冇上過密集，後來夠3歲就直接主流K1+到校服務，讀左半個學期，老師見家長，老師話我仔算坐得定，但好多時係自己坐喺度發呆，亦唔同其他同學玩…然後再過多半個學期，老師話都有進步，但升K2就比較困難，因為學術上會跟唔到⋯
你cac醫生講得非常啱架（雖然難受），如果你有能力又係細B，梗係遲一年先讀K1，密集比主流K1更適合你小朋友，你都唔想你仔仔喺幼稚園俾人當透明掛…？
唔洗太難過，加油啊

ET19

Tarttatt 發表於 17-8-25 15:19
樓主，我好明白你感受，不如你聽吓我嘅經歷吖！
我仔未夠2歲就喺協康會評左ASD，排E+S，冇讀N班亦冇上過密 ...

仔仔模仿能力高。。。但密集班同學仔大都未講野，有時會模仿下一啲行為。仔仔對其他小朋友有好奇心，無奈社交技巧未係好好。好難得先有小朋友在遊樂場肯同佢玩。
我同意排S，希望S真係幫到佢。
同時亦希望在主流，令佢見識到言語的重要，幫到佢進步。

bbymc11

ET19 發表於 17-8-24 18:28
雖然上年9月在青蔥評估了ASD，排緊E位。
呢大半年返密集，做training, 仔仔返密集果度7月放暑假就無返了， ...

媽媽加油， 化悲憤為能量，我講下我小朋友情況，2歲多評估ASD，排e+s位，好彩當時比我地考到n班（半日），之後，n班及k1兩個學期keep住半日主流半日密集，k1後排到s位，同其他家長一樣內心好掙扎入讀s位，好怕小朋友學到其他同學唔好嘅習慣又怕s位走唔番出主流，不過s位相對資源多d,又係小班教學，而我本著6歲前係打好根基最好時機，唔係6歲上到小學更加難追，最後決定入讀s位，1年過後，我唔敢講進步神速，但係認知，專注，言語都有好大進步，學校老師同主任都覺得我小朋友可以轉去主流幼稚園，因小朋友係s位欠缺社交溝通機會，之後又轉到i位學習，幸運地小朋友入到有愛心學校兼有平穩進步，而我小朋友由於係細b，i位亦有機會重讀多1年，雖然到以家為止，社交同情緒都差小小，但其他方面已追到同齡，以家準備入讀主流小學。
所以媽媽唔好放棄，努力同小朋友學習做訓練，一定會見到成果。

lawwct

Tarttatt 發表於 17-8-25 15:19
樓主，我好明白你感受，不如你聽吓我嘅經歷吖！
我仔未夠2歲就喺協康會評左ASD，排E+S，冇讀N班亦冇上過密 ...

樓主，我也認為密集比主流K1更適合你小朋友，主流K1老師未必有相關經驗，而且師生比例高，小朋友未必學到好多野。
就算是正常小朋友，如果是細B，有0的都會遲一年入學。


我小朋友也是細B，足2歲即讀PN，之後再讀多一年PN，細B變大B，到K1下學期才確診ASD。


如果你選擇repeat K2，到時小朋友可能開始懂事，見到其他同學升班，自己留班......
而且如果追得吃力，會影響小朋友情緒及自信，你本人也會有壓力。


爭取時間，用得其所，才是最重要。

Bi1904

想借位請教一下
我仔仔排緊cac評估應該年尾先排到，佢係11月細b , 9月會返k1 ,我都十分擔心佢會跟唔到進度，本身已經發展遲緩又係細b, 但因為經濟問題今年讀唔到n班及報出面私人密集班，我想佢重讀一年k1 做超大b
我到時去cac評估時可請醫生幫我簽一些證明來重讀一年嗎？ 另外因現在已申請了學卷是3年的，如醫生肯簽是可以將學卷多一年? 因如果重讀一年幼稚園，如其中一年要自費的話我真的負擔唔到
謝謝

bbymc11

Bi1904 發表於 17-8-26 01:36
想借位請教一下
我仔仔排緊cac評估應該年尾先排到，佢係11月細b , 9月會返k1 ,我都十分擔心佢會跟唔到進度 ...

我仔都延遲左一年學卷資助，我當年做法係拎住cac份評估，學校嘅評估信，再自己寫一封簡單信陳述延遲原因寄去學資處，批唔批延遲多一年係學資處唔關醫生事，你有咩問題打去學資處問佢地會詳細話比你知要d咩資料。

mama.olive

加油呀媽媽，我同樓上幾位媽媽既睇法一樣，覺得返密集比入K1好，打好基礎好重要架，佢之後返K1都會較易適應。如果負擔到既可以考慮做一對一既密集式，就我女的經驗黎講一對一密集式比起普通小組密集式更有效。