體藝成績對考中學的影響

Sappy_Kerry

正為小囡選擇課外活動，考慮學游泳/籃球，除了希望她可以學識外，亦希望她所學的能對升中有幫助，請問以上2項，哪一項比較好呢？

Jane1983

籃球唔熟唔敢講，但游泳游得出色，係好出路。一兩年前南華早報有篇講港隊女將，除了幾個難捨母校留係聖心和St Paul，其他全部被女拔收編晒。幾個升大學亦順利游入唔記得Michigan 定 UC Berkeley 。

Jane1983

不過係要游得好top，每日的訓練亦係好刻苦。除非小朋友有潛質，又有興趣，否則用練習的時間讀書，亦可以讀得好好。

學體藝係全人發展，我一向贊成。但事實上睇番朋友的仔女，小朋友本身未必有咁精益求精的追求。要升好中學，尤其官津，搞好成績反而簡單直接。

Sappy_Kerry

Jane1983 發表於 17-8-22 23:08
不過係要游得好top，每日的訓練亦係好刻苦。除非小朋友有潛質，又有興趣，否則用練習的時間讀書，亦可以讀 ...

本帖最後由 Sappy_Kerry 於 17-8-22 23:36 編輯

其實我囡一向有學游水，因為想身體變好，以前讀幼稚園時，她經常傷風感冒，又咳，往往一病就病2星期，所以把心一橫，由8月開始，將游水堂加至一星期3天，出奇地身體變得好好，再無傷風感冒，但身邊有親戚說學籃球有助將來升中，可能加上我囡手長腳長，我親戚覺得佢有打籃球的天份卦，所以我又重新考慮應該給囡囡學什麼好~
但其實我囡游水唔叻，學了一個暑假，仍未游到10米

Jane1983

回覆 Sappy_Kerry 的帖子

你親戚係對籃球有認識，定係隨口講？不過無所謂，小朋友在初小未係好忙，可以試多幾個活動，搵出佢的潛質和興趣，可以又游泳，又打籃球的。

Sappy_Kerry

Jane1983 發表於 17-8-22 23:55
回覆 Sappy_Kerry 的帖子

你親戚係對籃球有認識，定係隨口講？不過無所謂，小朋友在初小未係好忙，可以試 ...

佢係籃球教練

Jane1983

回覆 Sappy_Kerry 的帖子

咁近水樓台，聽佢指點吓。學體藝，有個好教練識教、識啟蒙，會鼓勵，係好好多。

Sappy_Kerry

Jane1983 發表於 17-8-23 00:11
回覆 Sappy_Kerry 的帖子

咁近水樓台，聽佢指點吓。學體藝，有個好教練識教、識啟蒙，會鼓勵，係好好多。 ...

deleted

1998Ruby1998

除非你要入體藝，或者挑機拔萃、St Paul Coed 等直資／私立學校，否則成績先係第一考慮。不過我有朋友咩體藝都冇，單靠成績同面試入 St Paul Coed 。佢個面試官問「你覺得自己聰唔聰明？」

香港重視學業成績，體藝成績可有可無。我有學游水同籃球，籃球係校隊，不過全部冇寫落 portfolio，去考 Maryknoll 同東九龍匯基都成功，反而我個多才多幹嘅同學做左「陪跑」，證明真係可以只靠成績同面試入。
不過認真講句，體育係可以幫小朋友讀好 d 書，冇咁容易病，專注能力提高，大壓力都可以透過運動發洩。我覺得籃球唔錯，可以訓練到群體精神同合作能力，每次落場就算係同一班隊友／敵友，次次比賽結果都會唔同。

mcl203

籃球打得好對升中係有D幫助既，協恩，女拔都有需求，相對，游泳要求更高，訓練時間更刻苦，都係睇番小朋友是否有興趣，升中始終信成績穏陣D～～～

仔仔錫錫你

要體藝有成績，每個星期操十個八個鐘冇走雞，如果一心諗住咁樣入名校，倒不如用呢d時間來專心讀書比較實際。

游水/籃球間間學校都要人，籃球要打得好除左睇教練，重要睇家長識唔識打，如果家中無人陪練波，會進步得好慢，另外，如果小學校隊唔掂，就算你好叻，都好難比人睇中入名校。相反游水就簡單得多，一個字“快“，1年有過百個比賽，機會多多，只要很練一定有牌

Sappy_Kerry

仔仔錫錫你 發表於 17-8-23 20:56
要體藝有成績，每個星期操十個八個鐘冇走雞，如果一心諗住咁樣入名校，倒不如用呢d時間來專心讀書比較實際 ...

照你咁講，囡囡學游水好d, 因為起碼我自己識游（雖然唔叻），同埋記得自己學的時候，老師係點教嘅！

Sappy_Kerry

仔仔錫錫你 發表於 17-8-23 20:56
要體藝有成績，每個星期操十個八個鐘冇走雞，如果一心諗住咁樣入名校，倒不如用呢d時間來專心讀書比較實際 ...

另外，請問跳舞的成績係咪較少學校會睇呀？
其實我囡學芭蕾舞也是有原因的，因為她扁平足，上幼稚園時返緊e位，問過職業治療師說因為芭蕾舞都多用腳尖跳舞的動作，所以對發展她的足弓有幫助，所以就一直以來都有學

RunningPig

請問樓主的女兒現在讀小幾

mcl203

Sappy_Kerry 發表於 17-8-23 23:30
照你咁講，囡囡學游水好d, 因為起碼我自己識游（雖然唔叻），同埋記得自己學的時候，老師係點教嘅！
...

游水同操水係兩樣野~~~

leafun

回覆 Sappy_Kerry 的帖子

除非學校係有校隊跳舞(而你又一定會參加)，又或你個女跳到出面啲新星大賽攞奬，如果唔係學校都只係當課外活動之一。

我姪女而家跳芭蕾舞跳到INTER，當年考學校時，雖然係BAND 1，但自己心水學校無一間收。學校都係睇成績先。同埋跳舞條路都唔易行，去到六年級每星期要返芭蕾舞學校跳三日，上到中學要跳四日。另外平日響屋企要成日拉筋。我姪女話佢有啲同學會日日返學校練舞。

仔仔錫錫你

唔好太功利，最好以小朋友興趣為先。如果純為考中學，應該睇左心儀中學要咩人而又配合自己身型才選咩運動，這樣才是最化算。

好似我對仔女都係以興趣為先，自己小學無校隊照玩，亦無理中學要唔要(太專項，唔多學校有)，總之想玩想試就去。

jc2009

Jane1983 發表於 17-8-22 23:08
不過係要游得好top，每日的訓練亦係好刻苦。除非小朋友有潛質，又有興趣，否則用練習的時間讀書，亦可以讀 ...

講得好

Sappy_Kerry

RunningPig 發表於 17-8-24 16:02
請問樓主的女兒現在讀小幾

對不起，因為家中發生大事，所以遲了回覆
她現在升小一

RunningPig

Sappy_Kerry 發表於 17-8-25 17:47
對不起，因為家中發生大事，所以遲了回覆
她現在升小一

體育要頂尖，對升中才有用。你的女孩還小，現階段應讓她試不同的運動，然後才選她最有興趣的來培訓。没有很大的興趣是很難堅持下去的。