本帖最後由 Eat_Sleep_Play 於 17-8-22 21:26 編輯
b3410 發表於 17-8-22 19:44
都好!不過KTS校舍靚D
喜歡樂器就APS,想入DBS也APS
其實咁講,KTS的校園唔係靚,只不過係比較特別......
KTS的校園係平房式設計,全校沒有樓梯,最多只有音樂室前果幾級而已,一至四年級的課室係圍住個大操場而建,課室與操場之間四周都有花草樹木,同學放小息時一踏出課室就已經是操場,五六年級的課室在內校園,也是圍住一遍草地而建,周圍也種有不同種類的果樹,鳥語花香,禮堂旁邊有荷花池,另一邊又有水之園,周圍都是綠色,所以我哋學校的主色也是綠色,學校唔可以叫做靚,但可以話係好綠色,周圍好多花草樹木,一出來便望見天空,是一所環境優美的村校
學校好重視禮貌,我唔係話其他學校唔重視,不過KTS的要求係特別高,我哋除了恆常課外,每星期還有一堂德育課,學校對學生的品格要求係好嚴格,如果你話見到校長老師講早晨係應該,這個我也認同,只不過KTS的要求不止是說說早晨咁簡單,而是要雙腳拍貼、雙手放在腰後、90度鞠躬向校長或老師講早晨,每朝校長或副校也會企出嚟,你就會見到一個場面...就是同學自發性排隊向校長講早晨,如果打招呼對象多過一位,佢哋會個頭向左點一點講:各位老師,再向右點一點講:各位同學早晨,你可以話佢哋作狀,但係學校的要求就是這樣,回想起第一次見佢哋這樣打招呼,心裏不禁發出會心微笑⋯⋯
另一樣KTS的特色係,十分重視家校合作,雖然這個好多學校都係,但KTS不是講完就算。KTS對家長係門戶大開,早上係比所有家長入學校送小朋友直入課室,這個安排暫時我只知道得KTS係咁,而一二年班的同學最鐘意去操場跳大繩,家長就負責fing大繩,個場面係好溫馨。如果家長願意的話可以早上做家長義工維持秩序,中午又可以回校,放學又可以直入課室接小朋友放學,日日都會見到班主任。所以如果有任何問題每一日都可以請教校長同班主任。家長響校園裏面真係可以講得上係自出自入,而且每年嘅學校旅行、水運會、陸運會、中秋晚會、聖誕聯歡會家長都可以一齊去,一至六年級如是,而且學校有家教會,家長可以協助攪活動、講座、幫手做家長義工等.......學校又會比家長試食飯商參與評分、校車服務參與評分,所以在KTS,家長的參與度係好高好高,家校合作係非常之強,因為KTS對家長是十分開放的,差不多所有活動都邀請家長同小朋友一齊參與,而因為可以直接送小朋友入課室,家長與家長之間係日日見,好friend好熟,送完返學就成班食早餐,放假一定約出嚟一齊玩,所以無論大人定小朋友,在KTS都非常開心
所以雖然KTS的音樂及運動成就方面係及不上APS,及升中派位成績方面,亦無APS咁亮麗,但KTS的吸引之處,只要你讀過會感受到"她"的魅力......
|