除咗為了考小一，識字係咪咁好？

starrymama

回覆 Soundervolt 的帖子

以前是填鴨式教育, 現在是虐兒式敎育

starrymama

回覆 Soundervolt 的帖子

同意無需太小去學畫畫.
我女無特去學, 但由細畫畫都好靚.
去到小一視藝老師同我講佢好有天份, 話驚我唔知,叫我比佢出去學下畫畫. 我都有比佢d畫行內人睇 (香港讀design同外國讀design返來的人), 佢地comment 都係話佢有天份, 顏色配答, 線條, 比例, 信心各方面都畫得好好.

結果我今天暑假比佢出去學下, 點知d作品, 我想講佢平時係屋企自己畫個d重靚.

天份同創意係天生的, 同意有d技巧真係要人敎, 但而+出面學畫畫, 好似只係敎緊同一套理論, 個個畫的都一樣.
學得多, 有創意都變左冇創意.

認字唔會令個小朋友冇左創意的, 只要唔好地獄式認字就得.
我女真係上小一先認中文字, 追了一年, 由 2x 分去到年尾 7x 分, 我又冇好迫佢, 大大下會自己認到, 生話係香港大把機會接觸中文字.

我細仔就自己主動認字, k1已認到好多中文字. 係佢自己主動睇, 再問點讀, 再自己不停反覆讀, 最近重自己開始拎起d英文書串同認英文字. 佢唔係睇書的內容的, 只係鐘意認字.
我冇叫/迫佢咁做.

Felix223

starrymama 發表於 17-8-22 10:40
回覆 Soundervolt 的帖子

同意無需太小去學畫畫.

不過5歲我覺得可以，阿仔特別心急好動，我要仔仔學畫畫係要學懂坐定定有耐性，做一D靜態的事情，所謂什麼證書不感興趣，呢個係要培養，對佢不多不少有改善，希望令佢將來上小一時多一點專心學習。

starrymama

回覆 Felix223 的帖子

我女畫畫同玩都好專心, 但學習就好唔專心. 所以其實專心玩同專心學習可以是兩回事.
好多機構敎透過玩遊戲從而令唔專心的小朋友學識專心, 但根據我觀察係唔得.

我細仔3歲開始自己認字, 佢個人平時唔專心, 但見佢認字時, 佢只係用好短時間去認, 但佢係個個咁短的時間係好高度專注的同記憶力好好, 佢搞笑到用幫d字配意好似唱歌咁唱返出來.

雖然我細仔好似好有potential 去認字, 但我從來冇主動要求佢去認學校字卡以外的字, 我係順其自然. 我覺得如果佢係醒,  佢之後都可以好快pick up 到.
最近有人叫我留意下佢會唔會係資優.

starrymama

係香港讀書, 我諗只有小學同大學係人生最開心同自由的讀書時間.
但大學唔係人人可以享受到.

所以適應環境還適應環境, 幼稚園時都唔好迫得佢地太辛苦, 開心自由咁玩下.

mytambb

siumicmic 發表於 17-8-21 15:59
根據我以前上課時對人腦簡單認知，及網上的資料，認字是左腦訓練，若太早認大量中英文字，會否影響右腦發展 ...

均衡發展是最合適。社交及心理發展、身體健康對認知發展也有幫助。認字（記憶）或其他認知（比較、創造）發展沒有所謂過早或太遲，如果上述的條件都具備下，可以嘗試。但如果失去學習原意甚至產生負擔或混亂，就須要減少字量。

認字數量要適中
學習心態更輕鬆

MrBeast

siumicmic 發表於 17-8-21 22:31
我對呢方面嘅認知同你一樣，突觸嘅發展係好重要，一歲前係最活躍，越多刺激突觸越多，跟住三歲前都仲有發展 ...

in theory, 我都覺得有可能，就好似雙眼近遠視相差太遠，幼兒時期腦仔會用強個隻多些，久而久之另一隻便變弱視，其實以德國為例，kg 階段也不會認字，人地又咪一樣成功。
但話說兩頭，若你intend local 小學，唔好好準備下， ur not doing ur kid any favor. 只要唔好比壓力，balance w 其他activities，唯有係咁

Soundervolt

starrymama 發表於 17-8-22 10:26
回覆 Soundervolt 的帖子

以前是填鴨式教育, 現在是虐兒式敎育

現今教肓制度雖然仲有好大改善空間，但係唔係虐兒式敎育好大程度上好睇家長既思維。

momama

siumicmic 發表於 17-8-22 09:44
"作為搞創意嘅人，C6嘅意見係冇得教嘅 ，重點係乜都去接觸，多時間去胡思亂想。套用係呢個年代，就係唔好全 ...

長子，弟弟細五年

小華媽媽

hkpapa852 發表於 17-8-21 17:34
妳唔想跟大隊, 可以考慮國際學校, 鄉獅自然學校, 或者申請Home Schooling.
每一樣嘢都係有取捨, 在乎自己 ...

Strongly agree!

1998Ruby1998

回覆 starrymama 的帖子

我人生最開心就係幼稚園同大學。小學因為仲未係一條龍，所以要搏命讀書，成績差少少都會畀老師打電話。有好多果陣日日畀老師打電話來，父母壓力大頂唔順，「自願轉校」。中學就要追 DSE，上學＋補習鐘數仲長過父母返工，就算係星期日都要早上 8 點上到夜晚 8 點。

simonwan

華德福教育就是反對孩子過早閲讀，七歲以前的孩子不要看太多的印刷字體。太早强調智性教育，反而會妨礙身體整體的發展。

我不知這理論對或錯。不過，無論中西方，以前的孩子都是六、七歲左右才開始上學，之前都系”文盲“。衹是近幾十年才流行讀幼稚園，孩子越來越早認字。

siumicmic

hkpapa852 發表於 17-8-21 17:34
妳唔想跟大隊, 可以考慮國際學校, 鄉獅自然學校, 或者申請Home Schooling.
每一樣嘢都係有取捨, 在乎自己 ...

唔想跟大隊……？都可以咁講嘅，唔想咁早學認太多字(唔係完全唔學)，但亦唔使咁extreme，一講就去到鄉獅自然學校，或home schooling. 國際學校教學方法係自由啲，但係學中文，以及朋輩嘅價值觀對小朋友嘅影響，係我另外關注嘅事

考直私小一時識字唔多考唔到，但又唔想讀官津太傳統扼殺創意，係我要面對嘅問題


我並唔係盲目追求啲唔啱小朋友發展嘅嘢，為咗幫小朋友揾合適嘅學校，我下咗唔少苦功，並唔係懶嘅家長。閣下嘅帖都睇咗好多，真係獲益良多，藉此都要表達衷心感激

之但係，每個家庭嘅育兒理念不同
我唔會定性自己係跟唔跟大隊，我只係選擇我認為對我小朋友最好的事。

siumicmic

KikiDaddy 發表於 17-8-22 04:51
There is no contradiction at all. Learning vocabulary is just a mean to help developing reading habi ...

謝謝你的意見
呢點我明白，我都好喜歡閱讀，知道閱讀的好處，只係，要有能力考到唔錯嘅直私，三，四歲就開始學認大量文字(超細B考小一面試時係大約四歲八個月)，我覺得對腦部發展好似唔係幾好

siumicmic

HaYi 發表於 17-8-22 08:23
創意需要輸入data變化.識字有助閱讀書本增加輸入元素.太多的規會限制創意，多input 反而會刺激創意，兒童腦 ...、

謝謝你的見解，我會從呢方面再了解一下

siumicmic

mimi222shi 發表於 17-8-22 08:49
自己小朋友從小喜歡認字, 性格活潑, 幼兒時已追住我伴讀, 每天數小時, 好細已能自行看小說, 到小學仍然書不 ...

謝謝你分享你小朋友成長歴程，係好好嘅參考
但係我個女剛剛相反，都幾唔喜歡認字，閱讀都只選圖多字少嘅書

siumicmic

hoivy 發表於 17-8-22 08:49
網上兩種學說都有人講，但好似無一套係經過嚴謹驗証。不太早識字好處，不是短時間能看到，但學習的壓力很快 ...

你講得啱，真係唔係短時間看到
所以當考小時無乜好offer，真係不禁問自己，係咪要做啲短時間見效嘅嘢？

我嘅堅持是否不適用於香港？

siumicmic

scgift 發表於 17-8-22 08:49
阿女9月升k2, k1時我就有關認字方式問過學校主任。當時主任話小朋友仲細，應該係字+圖咁一齊去記。有同學仔 ...

謝謝你的分享和建議，趁暑假未完，俾個女睇吓你嘅介紹，準備一下小一開學

siumicmic

小曳人 發表於 17-8-22 09:08
認字，唔一定係閃咭，我個人覺得認字係閱讀嘅入門

最終目的唔係為考小一，而係終身學習 ...

懂得閱讀真係可以打開一個很廣濶嘅知識世界讓人終身學習的

siumicmic

starrymama 發表於 17-8-22 10:40
回覆 Soundervolt 的帖子

同意無需太小去學畫畫.

多謝你嘅分享，性格特質真係個個小朋友唔同，好考父母識唔識，肯唔肯去學因才施教
如果香港有多啲好似你呢類型嘅家長，小朋友就會快樂好多