除咗為了考小一，識字係咪咁好？

siumicmic

simonwan 發表於 17-8-23 01:40
華德福教育就是反對孩子過早閲讀，七歲以前的孩子不要看太多的印刷字體。太早强調智性教育，反而會妨礙身 ...

好多年前識一個在外國取得master degree嘅full time mom，佢特登送個仔由港島東去中半山嘅一間華德福教育嘅幼稚園(因為規模太小無校車，日日要自己接送)
佢個仔當時K3，我見佢都好醒目，對周圍事物都好有求知欲，學嘢都好快，但係唔知有無小學銜接到

始終，呢類在香港屬小眾嘅教學模式，如果唔打算離開香港嘅，好難計劃之後嘅路

starrymama

回覆 siumicmic 的帖子

都吾ㄧ定，我女K時都吾識字，但好大膽。
當時我原本冇諗住報直私，只係ㄧ心好 d 的津小，留返 d $ high school 去外國好過。

後期驚得滯就人云亦云，但只剩返ㄧ間活動型私小和ㄧ間學術型直小可報。最後個間活動型私小收左阿囡。
2 間都有ㄧ間入到。所以父母因應細路類型報適合的学校都好重要。

但最後扣入返區内都出名的津小，就讀返津小。

siumicmic

Dear-Valerie 發表於 17-8-23 10:21
我理念係first learn to read... then read to learn...

我由小朋友四個月大開始每日同佢睇英文書0-6本.. ...

你安排得好好，平衡到各方面發展
你嘅小朋友好叻，之後如果你會報考直私，應該有唔錯嘅result
提提你，直私小學多數都較重中文認字能力多於英文
如果目標係國際學校就當然無問題啦

MrBeast

starrymama 發表於 17-8-23 13:33
回覆 1998Ruby1998 的帖子

根本導修堂原意就冇晒。

表面上好似好瘋狂，但睇真d其實閒科未必計分或比重底，至少初小呈分前會係。有時大環境控制唔到但父母要識得走位，未必一定要跟著班羊仔跑

Dear-Valerie

del.

siumicmic

Soundervolt 發表於 17-8-23 10:28
好多返全日既學校都有導修堂，如果可以好好利用，通常都可以完成一半或以上既功課。
小朋友冇興趣或冇tale ...

可以做到咁平衡，真係好難得，尤其係你仔仔嗰間

starrymama

回覆 Soundervolt 的帖子

我都知咁係最好，但暫時身邊冇聽過有小朋友可以咁。個個放學後都去補補補。
小ㄧ都揾人上門專科補習 gramma。

我諗只有 full time mom/ 去功課班 先能 6pm 前对好 d 功課。
我 d 細路自己做完，我7pm返到屋企算早。睇同教 8pm 前搞掂。我見吾少媽咪搞到 9pm 幾 10pm，可能佢地夜放/ 小朋友做功課吾主動

starrymama

回覆 MrBeast 的帖子

我笑别人太瘋癲，別人笑我看不穿。
越清醒壓力越大

Soundervolt

starrymama 發表於 17-8-23 19:09
回覆 Soundervolt 的帖子

我都知咁係最好，但暫時身邊冇聽過有小朋友可以咁。個個放學後都去補補補。

就係呢種害怕落後於人既心態，往往會將子女既教育扭曲。FTM、專科專補看似對小朋友面對學習既最佳方法，但我並不苟同，而且做法亦剛剛相反，我地兩夫婦都有自己既事業，阿仔嘅整個幼稚園階段衹有去學過Phonics、游水同參加過幾個朗誦比賽，甚麼mover/flyer course、甚麽盾、甚麼證書獎項一切欠奉，但衹係盡辨培養阿仔面對未來學習及身心發展既基礎上做好，盡量協助佢獨自解決問題。可能就係咁樣，當年連一間比較滿意既直私學校都考唔到，但就得到一個後來各方面都令我幾滿意嘅囝仔。

Soundervolt

siumicmic 發表於 17-8-23 18:42
可以做到咁平衡，真係好難得，尤其係你仔仔嗰間

阿仔喺學校唔係少數民族，所以佢地學校又讀得又玩得既學生好普遍。唔少家長辭工，用陪太子讀書嘅方法，初小可能會有成效，但咁樣會做成依賴，高小時就會俾一尐有良好學習基礎嘅學生過哂頭，但到高小要面對呈分階段時又驚失手，到時又唔敢放手，惡性循環將會沒完沒了……

beautifulbabies

siumicmic 發表於 17-8-23 02:56
唔想跟大隊……？都可以咁講嘅，唔想咁早學認太多字(唔係完全唔學)，但亦唔使咁extreme，一講就去到鄉獅自 ...

我嘅想法同你完全一樣。真係唔想為咗考小一而跟大隊去補習、考證書、學深學快等。可惜香港的學校很多都是太看重成績和學術...作為家長，只希望按著小孩的程度去培養他們，並不要介意其他人的眼光。

Soundervolt

beautifulbabies 發表於 17-8-24 00:59
我嘅想法同你完全一樣。真係唔想為咗考小一而跟大隊去補習、考證書、學深學快等。可惜香港的學校很多都是 ...

"作為家長，只希望按著小孩的程度去培養他們，並不要介意其他人的眼光。"

呢句說話真係知易行難。當年阿仔考唔到任何學校都聽過晤少冷言冷語。

beautifulbabies

Soundervolt 發表於 17-8-24 01:11
"作為家長，只希望按著小孩的程度去培養他們，並不要介意其他人的眼光。"

呢句說話真係知易行難。當年阿 ...

我最驚嘅係如果冇學校收，我老公會俾說話我聽...其他人我就唔理啦。

firemanSam999

beautifulbabies 發表於 17-8-24 01:15
我最驚嘅係如果冇學校收，我老公會俾說話我聽...其他人我就唔理啦。

I agree !!

Soundervolt

beautifulbabies 發表於 17-8-24 01:15
我最驚嘅係如果冇學校收，我老公會俾說話我聽...其他人我就唔理啦。

妳同佢講如果佢咁多意見，就將小朋友所有教育既問題俾哂佢一個人負責。

scgift

beautifulbabies 發表於 17-8-24 00:59
我嘅想法同你完全一樣。真係唔想為咗考小一而跟大隊去補習、考證書、學深學快等。可惜香港的學校很多都是 ...

我最近才同枕邊人傾開，係咪我已與時代脫節跟唔上大隊。身邊啲媽媽大部份都幫小朋友報各式各樣既乜班物班(phonics+cambridge +普通話係基本，再加各式興趣班)。我個小朋友仲係日瞓2小時晏覺，瞓醒睇下卡通片玩下玩具去下公園，沖埋涼食埋晚飯就只剩睡前時間同佢睇下書。恆常只得1個音樂班+純玩英文班，零學術班。我一直都只希望小朋友有一個愉快童年。

最近有朋友同我講佢小朋友讀嗰間私幼k1開始就要上埋增潤班，由原來3小時既半日班變左要留喺學校4小時(全日班則在中午時同am/pm班一齊上)。個人覺得小學要上增潤班已好難為啲小朋友，估唔到原來此風已吹到幼稚園。記得自己當年幼稚園+小學只係玩同玩，當自己有了小朋友而又開始讀書後才發現原來而家真係世界變了。

MrBeast

回覆 scgift 的帖子

音樂班都可以cut 埋，自己播下不同的音樂就得

phoebewong123

scgift 發表於 17-8-24 05:35
我最近才同枕邊人傾開，係咪我已與時代脫節跟唔上大隊。身邊啲媽媽大部份都幫小朋友報各式各樣既乜班物班( ...

你個純玩英文班已經是學術la
其實唔駛理人㗎，佢上十個班唔通我又上十個？
你對得住自己就夠。你女行得快咪跟佢步伐走，有＄亦無妨活動教學式私幼。語文呢様嘢冇話學得完的

scgift

MrBeast 發表於 17-8-24 06:16
回覆 scgift 的帖子

音樂班都可以cut 埋，自己播下不同的音樂就得

在家有播各式歌仔，佢係聞歌起舞既人，所以好鍾意上音樂班(因為係親子班，其實我都攰)，唔肯cut, 真係為興趣俾佢繼續上。今個暑假俾佢跳kids pop,佢話暑假後想繼續跳，我都考慮緊俾唔俾…

scgift

phoebewong123 發表於 17-8-24 07:52
你個純玩英文班已經是學術la
其實唔駛理人㗎，佢上十個班唔通我又上十個？
你對得住自己就夠。你女行得快 ...

喺我既角度，個純玩英文班係俾佢練膽練外向練同其他小朋友相處既。我個小朋友自小好怕羞慢熱(程度係我曾經以為佢係自閉/選擇性緘默症)，以前俾佢上過Trinity YPC drama,為的就係練膽，上完後就唔再俾佢上SCA，就係唔想迫佢背野。

純玩英文班有佢鍾意既唱歌玩樂器+做手工+故事，仲有個舞臺俾佢地上臺唱歌或分享(自由選擇，興起有意就做)，我好高興見到佢能自願上臺唱歌，開心活潑咁上堂。真係要學術既話，我就唔會報呢個班了，喺我心目中，唔係用英文教既就學術班。

分享多一樣，我個小朋友去年k1有次學校event被挑選出來一班人表演跳韻律操，我個小朋友係郁左2下就唔再跳(老師話佢喺學校係跳得好好，仲編佢企中間位)，好似佛像咁企到尾。所以我只係就住佢既個性同弱點，俾佢上佢覺得開心好玩既興趣班，希望幫到佢慢慢改善。