校開設精英班，對孩子有乜嘢好處？壞處？

旦仔

今日小女升中一，由於我們有一半都係直屬小學升上去，所以都識部份家長。
第一日返學，當然要睇分班人名表，學校冇話有分精英班，但係家長們從人名表中同學們嘅成績，估計邊一班係那科的精英班。
有部份家長就想有精英班。
有部份就對精英制度好反感。
我唔係好明白精英班嘅利與弊，但係嗰一刻嘅感覺就係孩子讀書叻嘅家長就想有精英班，孩子成績較一般嘅家長就對精英班制度反感。
其實點解嘅？
精英班制度嘅利弊響邊度？

yamyau

因材施教

brother4

學校話冇，就不要自尋煩惱。。

JadeW

回覆 旦仔 的帖子

資源傾斜。師資＋教授內容＋功課＋課後補課

b3410

針無兩頭利，因材施教，分層教學對叻，唔叻，冇咁叻。。。不同水平的同學都有幫助。中學生學習能力，學習動機，主動性等等，差異已經比較明顯，的確應該有所分流。
壞處就係標簽化，不同班級/程度的小朋友被標簽化。還有就是壓力，所謂精英班同學的壓力。就算初初唔想入，但如果萬一入到，又好擔心被飛出來。

學校應該做的是如何放大好處，減低副作用

王家爸爸

JadeW 發表於 17-8-17 13:56
回覆 旦仔 的帖子

資源傾斜。師資＋教授內容＋功課＋課後補課

確有資源傾斜問題，精英班同補底班通常資源多啲。

anthony8899

王家爸爸 發表於 17-8-18 11:34
確有資源傾斜問題，精英班同補底班通常資源多啲。

有補底還好，無就自生自滅。

王家爸爸

anthony8899 發表於 17-8-18 13:19
有補底還好，無就自生自滅。

好少學校無補底，因為學校需要確保自己既合格率足夠高。

mcl203

旦仔 發表於 17-8-17 08:55
今日小女升中一，由於我們有一半都係直屬小學升上去，所以都識部份家長。
第一日返學，當然要睇分班人名表 ...

如果係分...英中數班...都唔算係分精英班既 ~~~

Yanamami

mcl203 發表於 17-8-18 17:06
如果係分...英中數班...都唔算係分精英班既 ~~~

分set， 同分精英班有的唔同既~~
不過我覺得睇心態多d。我女唔喺精英班，但我同佢本人又無乜hard feeling。有6年可以扭轉亁坤既~~年年進步，到F6真喺可以唔同曬架~

October.

mcl203 發表於 17-8-18 17:06
如果係分...英中數班...都唔算係分精英班既 ~~~

我其實唔多明呢樣點分班？

我仔學校以英文、數學分班，其實成績好既同學科科都考得前啦，唔知學校以咩準則來分班？

我仔F2下學期攞成績表，班主任同佢講，你讀咗兩年數學班啦，F3分去英文班啦，

不過，英文級一既同學係英文班，數學級一既同學係數學班就是了，佢地算係科代表吧！

1998Ruby1998

學校係分普通話班、廣東話菁英班、廣東話普通班。學校當然冇講「菁英班」三個字，但明眼人都睇得係咁。

只要 Pre S1 試考得好，而且自薦報普通話班（provided that you need to have good performance in the Mandarin paper），就可以入普通話班。當初大家都以為普通話班係菁英班，以為一來外面好多學校都係，二來成績好嘅同學都入普通話班。

普通話班就冇出冇入，外人幾叻不得插入，跟唔上只有兩條路：留班去第二年嘅普通話班、走。

6 年後考 DSE，全校考頭 5 名嘅同學，得一個係普通話班，其餘都係廣東話菁英班。昔人坐我隔離嘅「廣東話菁英班」同學，一個入到中大醫科、中大 Business Admin、中大 LLB、港大文學院。

我對菁英班就冇咩好感／反感，香港讀書一向汰弱留強，我唔怪學校會選擇資源傾斜。更何況，到高中開始讀選修科果陣，菁英班已經唔存在，面前只有 DSE，「他朝君體也相同」。

brother4

1998Ruby1998 發表於 17-8-19 00:17
學校係分普通話班、廣東話菁英班、廣東話普通班。學校當然冇講「菁英班」三個字，但明眼人都睇得係咁。

只 ...

今夕吾躯歸故士 他朝君體也相同 好文彩。。。自己不喜國語班，但精英班是孩子水泡，在精英班識咗好朋友，孩子入咗垃圾班，就靠之前精英班同學帶番好孩子。。

LingChiBaBa

最重要係學校點處理精英班同非精英班。

vincat

brother4 發表於 17-8-19 00:38
今夕吾躯歸故士 他朝君體也相同 好文彩。。。自己不喜國語班，但精英班是孩子水泡，在精英班識咗好 ...

點解唔係精英班就係垃圾班？

brother4

vincat 發表於 17-8-19 18:23
點解唔係精英班就係垃圾班？

孩子果間因中一考全級尾尾才派去垃圾班。。莫誤會只有精英和垃圾二種

洋蔥頭媽咪

October. 發表於 17-8-18 23:38
我其實唔多明呢樣點分班？

我仔學校以英文、數學分班，其實成績好既同學科科都考得前啦，唔知學校以咩準則 ...

我諗每間學校會有唔同嘅安排，有啲學校精英班就係成績最好嘅就編為一班，但總成績最好嘅同學其實又未必某啲科都叻。有啲學校就係英文、數學成績較好嘅同學會編成一班，相信你兒子學校就係呢類，學校會重點培訓該班學生英文或數學，但咁分其實亦有灰色地帶，即是若孩子英文及數學成績亦好，咁究竟編入那一班好呢？所以你兒子老師說你兒已讀2年 主力數學嘅班，不如來年入讀主力 英文嘅班，相信就係咁嘅原因。其實還有一種就是好似小兒學校，佢地冇分精英班，每班成績相若，但英文、數學成績較優嘅同學，學校會抽出然後合併一組去上課，等能力較強嘅同學可以學得更暢順。

王家爸爸

mcl203 發表於 17-8-18 17:06
如果係分...英中數班...都唔算係分精英班既 ~~~

補底成份多啲。

October.

洋蔥頭媽咪 發表於 17-8-19 21:38
我諗每間學校會有唔同嘅安排，有啲學校精英班就係成績最好嘅就編為一班，但總成績最好嘅同學其實又未必某啲 ...

我仔學校都話，平均分每班差不多，沒有精英班，淨係英文和數學會分班上堂。

既然學校都咁分囉，我就day one 開始同我仔強調英文及數學既重要性。當然都要睇住科中文。

YDLFATHER

好處就不多說了, 壞處是非精英班多數同學有自卑感