有家長會刻意拖慢腳步唔教小朋友嗎？

scgift

小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係隨住小朋友能力興趣隨心隨意教佢野。冇一定要考到直資私小既心態，只是盡心栽培，考到又好，考唔到都算打好底子叩門/升小學。

但有朋友久唔時就提下我，話我教到個小朋友咁叻，分分鐘k3時已識小三啲野，到時如果只係讀普通屋村津校，啲同學程度差好遠既話，小朋友會有個心態覺得自己叻晒(自大)或因為冇差唔多程度既同學而感到寂寞。仲話遠既唔講，近既k2k3與同學都會有好大分野，能力差距只會更大，叫我一係同小朋友轉讀私幼，一係就唔好再教快。

天外有天，我自己認為就算屋村津小都一樣會有叻仔叻女，就算係普通屋村劵校幼稚園都一樣有叻人+家長有心有力。但被朋友一而再咁提我，加上最近小朋友就4歲，佢可能覺得自己大個女好叻，唔識謙遜(可能太細)，而且尋日發生左一件嚇死我既大件，我發現佢真心覺得自己大個女有能力，令我真係有點擔心再咁發展落去唔知會變成點T_T

想請教下各位前輩，請問你地會否曾經有類似既考量？你地選擇點做？小朋友升小後情況又如何呢？

karen55407

父母是孩子的第一位老師，好老師應因材施教，別理會那些塘邊鶴⋯雖則我也是一隻塘邊鶴。

scgift

karen55407 發表於 17-8-17 08:33
父母是孩子的第一位老師，好老師應因材施教，別理會那些塘邊鶴⋯雖則我也是一隻塘邊鶴。
...

謝謝支持。其實我問過K1班主任意見，班主任認為我可以按照小女程度自行教授，學校課程/教具設計會兼顧到同學之間能力高/低既差異，而且平常也會找能力高既同學做小老師幫手教導能力冇咁好既同學。所以我覺得幼稚園階段應該問題不大。不過聽朋友講得多，就有點擔心小學階段…

mytambb

scgift 發表於 17-8-17 08:26
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係 ...

自信是重要的。繼續保持着，不論什麼困難，相信自己吧！加油。

retriever

scgift 發表於 17-8-17 08:26
小朋友學習能力不錯，熱愛閱讀，常在伴讀中/遊戲中/生活中學到很多。小朋友9月升K2(普通屋村劵校),自己只係 ...

教生活知識幾時都唔嫌早...

出街, 指著紅綠燈, 指著架車又講下; 去行山, 指著樹, 指著斜波又講下; 身體既運作, 食物既營養....


當然唔係教佢串字, 背乘數表啦...


仲有自理都要早教, 呢樣影響各方面, 唔止係所教技能本身,

karen55407

retriever 發表於 17-8-17 09:09
教生活知識幾時都唔嫌早...

出街, 指著紅綠燈, 指著架車又講下; 去行山, 指著樹, 指著斜波又講下; 身體既 ...

我覺得小朋友想學又有能力學便儘量教，可能早教咗，只要灌輸返在上課時依然要留心老師教學，儘管已經識晒，可以當温故知新。孩子求知慾強甚至資優，都應該讓佢增加課外知識，以滿足孩子學習需要。我小朋友正是早學了也不會影響上課專注度。

retriever

karen55407 發表於 17-8-17 09:26
我覺得小朋友想學又有能力學便儘量教，可能早教咗，只要灌輸返在上課時依然要留心老師教學，儘管已經識晒 ...

同意專注及謙遜可另外教.

個人比較強調生活知識, 係因為: 一, 細路較多機會用得著; 二) 較多機會遇到, 比佢反覆思考.


家長教學術既野, 比較易走向DRILL IN, 易框框左.

retriever

IloveJJ 發表於 17-8-17 10:43
我在我仔幾個月時，已不斷教佢，直至佢PN,我有點擔心佢識得太快，返學變得好悶，我就開始慢落嚟，無再教佢 ...

鬧人？ 呵呵。

想知你點解釋返學既意義。

1998Ruby1998

回覆 retriever 的帖子

老師鬧人真係可以鬧成堂，以前最開心就係有同學唔帶書、欠交功課，最好就係慣犯，因為老師就會用連堂嘅時間鬧到個同學體無完膚。我唔知有咩可以咁多黎鬧，不過咁樣變相空堂，可以傾計、畫畫、做功課。

1998Ruby1998

話說回來，我個補習妹妹吸收能力好好，資質幾好，就算我未教佢，佢已經係學校係考頭幾名嘅同學。因為學校教得真係好淺，佢又成日想故事，又有好多字唔識，我同個媽媽建議教深 d，唔好浪費佢呢個「海綿」。

佢升小二個暑假，已經大概掌握到小三大部份課題，但係都冇唔專心上堂，不過英文功課明顯「落力」左好多，尤其作文，次次都加紙，老師評語：You are a hardworking and clever student.

後來媽媽覺得繼續留低，對佢發展唔公平，都怕佢因為學校冇挑戰性而學「懶」同「蠢」，所以就考下插班，結果得左，有兩個好 offer。問個妹妹意見，佢都話想轉，因為另一間英文好 d，又多活動，所以就決定轉。

我以前都有試過，不過就唔係父母教，而係自己無師自通，地理科超越左課堂進度。當我班同學係度不斷諗緊邊個國家都咩首都，我已經一望即知。正當我想做工作紙後面「飛行時間」問題果陣，老師走埋黎，話我唔專心上堂，冇聽指令「唔準做後面住」。後來考中期大測，我呢個大部份科目都考得唔好嘅學生竟然考到好頭，佢就冇再對我咁嚴格。

英文堂就睇老師，有 d 老師鍾意我，畀我 go further 自修，有 d 老師就唔太鍾意，覺得控制唔到我，就壓低我分數，要我跟返大隊。

scgift

retriever 發表於 17-8-17 09:09
教生活知識幾時都唔嫌早...

出街, 指著紅綠燈, 指著架車又講下; 去行山, 指著樹, 指著斜波又講下; 身體既 ...

生活常識基本上早在bb時期只要佢係開眼既情況，出街我就好似個傻婆咁對住個女咩都講一餐，睇地上一片樹葉可以講到一年四季光合作用，連枕邊人都覺得我係傻既。而家大左更加睇得多知得多。

生活自理方面唔錯，基本上係全部自己搞掂，大人唔使理佢。也喜歡幫忙做家務，拖地晾衫洗米打蛋等簡單工作也可以做到。

學術方面我係隨心隨意睇書/遊戲/日常生活中順便教，如個位加減數，單雙數，分數，時間等(乘除數唔打算咁早教住)。英文方面佢聽音能串簡單英文生字，拆開音節發音可串出長一點既字，但重點我只係鍛煉佢既聽力，從沒要求佢記住啲生字要點串。我就係唔想咁細個咁偏重學術，才唔報讀私幼，唔想k1寫字k2默書。

Jane1983

如果小朋友有興趣學，咁跟着興趣走，去教佢無問題。我小朋友讀K時，都有類似情况。多睇課外書，學習多種常識，自理和情感表達，這種早教多多益善。

但除非小朋友成績唔好，否則唔好跟住學校課本去預習，因為咁可能會令佢上堂悶。

scgift

IloveJJ 發表於 17-8-17 10:43
我在我仔幾個月時，已不斷教佢，直至佢PN,我有點擔心佢識得太快，返學變得好悶，我就開始慢落嚟，無再教佢 ...

我個女未返k1前基本上除了認字外，學校課程已全部識晒。我問過老師，老師話佢上堂都好留心好定。知佢好記性(就算唔認得字都可以你講一次後就讀返幾句句子出來)，老師會有辦法氹佢一齊讀多幾次。而我個女係好喜歡返學，所以暫時睇就問題不大。只係聽朋友說得多，就有點擔心之後上k2k3甚至小學…

gigiic

scgift 發表於 17-8-17 11:29
生活常識基本上早在bb時期只要佢係開眼既情況，出街我就好似個傻婆咁對住個女咩都講一餐，睇地上一片樹葉 ...

同我個仔細時一樣, 但我會形容自己係一個導遊

scgift

Jane1983 發表於 17-8-17 11:34
如果小朋友有興趣學，咁跟着興趣走，去教佢無問題。我小朋友讀K時，都有類似情况。多睇課外書，學習多種常 ...

謝謝分享。我從來冇研究學校課程，通常係見到授課報告/評估表後才知道原來學校已經教左咩咩野。我一直只要求小朋友上堂要留心老師教咩，功課自己返來做好。我唔會幫佢備課，都冇幫佢温習學校既書本/認字卡。一直只係學校有學校教，我有我同佢睇書玩遊戲中教。不過還是被人說我教得太多太快…

brother4

賺在起跑線，輸在。。。的道理，另見有成績名列前矛及自信心強，一時想不開玩高中飛人，so sad....自己不叻，25歲才 會考，不懂伴讀，也不玩遊戲等，每個孩孑不用太花心思/時間去教，小學成績考尾尾，功課也不理，常欠教及留堂，反而有空同孩子打遊戲games,看漫畫，上YouTube 等，孩子亞大入咗本地心儀大學，亞細高中部學生會亞四/什工(會長) 。。。其因材施教便可

Jane1983

回覆 scgift 的帖子

咁就得啦! 朋友有佢既角度和經歷，佢的意見未必適合你小朋友。
小朋友慢慢長大，佢的興趣會不断轉變，會迷上新的事物，會忘記已學的知識，亦未必時時咁好學。所以佢有求知欲，想學的時候，梗係教佢啦。