要補習社好還是私教好？

kelly6688

1）補習社 ：功課班+ 一星期一堂專科
2）公文式  ，有自己的教學模式，功課班不會俾補充練習。
3） 私補 如何穩到好的老師。

little_yolky

kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...

1. 女女間學校係咪好勁? 最好俾D hints, 因為你覺得普通, 可能實際係好勁。太勁跟唔上就不如轉校。2. 點解長期唔合格都可以升班?
3. 老師有無覺得佢有學障, 真係諗諗check check佢, 因為教法可以好唔同。一般小朋友懶如我細女, 都唔會唔合格, 最多6X分, 因為小一上學期D嘢實在係溫返幼稚園, 下學期既嘢溫下書都唔會唔合格喎。學校係咪教快一年?


事實證明補習社又好, 私補又好, 似乎都幫唔到你女女, 要搵一下問題根源响邊好D。學校老師點講?

kelly6688

little_yolky 發表於 17-8-11 18:07
1. 女女間學校係咪好勁? 最好俾D hints, 因為你覺得普通, 可能實際係好勁。太勁跟唔上就不如轉校。2. 點解 ...

班主任老師教她寫多些讀多D ，話啊女能力沒跟上，再努力點就會慢慢好， 啊女幼稚園時玩樂多些，學術唔多， 但叩門到本區前幾名的學校。所以都係想再幫她先努力努力，暫時唔想轉校.

kelly6688

little_yolky 發表於 17-8-11 18:07
1. 女女間學校係咪好勁? 最好俾D hints, 因為你覺得普通, 可能實際係好勁。太勁跟唔上就不如轉校。2. 點解 ...

老師一直都話啊女唔係學障，但我都請求老師幫我女安排評估，現在排期中。

little_yolky

kelly6688 發表於 17-8-11 18:18
老師一直都話啊女唔係學障，但我都請求老師幫我女安排評估，現在排期中。
...

我哋幼稚園都係happy school。佢既然係叩門入, 一定有佢既長處既。排期排政府嗎? 不如多少少錢去協康, 快D。
老師講得啱, 做練習係治標唔治本, 要睇多D書至得。我兩個女幼稚園雖然話係happy school, 但都睇好多書, 同埋無電子奶咀, 睇電視只可睇英文卡通。多睇書+練習會好好多。暑假就嚟完了, 既然佢跟你上班, lunch time可以同佢讀下故事書, 1X分鐘一個, 放工又可以睇下, 睇得幾多得幾多。唯有自己跟緊D功課, 睇下有咩唔掂, 個個禮拜清, 無理由唔合格的。

kelly6688

little_yolky 發表於 17-8-11 18:28
我哋幼稚園都係happy school。佢既然係叩門入, 一定有佢既長處既。排期排政府嗎? 不如多少少錢去協康, 快D ...

係啊，我地還是是會自己跟緊，我係公司整日都跟她 幫她溫習，我地係自己做小生意 ，時間自由。 咁你覺得每天還需要幫她請老師活去補習社2-3個小時嗎？老師會否有方法D？唔該曬呀

brother4

還有5年追，會看一次小學雜談，估一個月便可，會有很多方法及家長經驗，記得有方法幫起步慢一點小朋友，另外考慮戶外活動如游水。。。自己有看過。。獲益良多

Jane1983

咁經過暑假的努力，你覺得小朋友有無進步？中英文認字、理解有無改善？數學有無識計多咗？

cherrieshum

kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...

多閱讀，多伴讀，作少許數學練習，幾個月後應有進步

kelly6688

brother4 發表於 17-8-11 20:42
還有5年追，會看一次小學雜談，估一個月便可，會有很多方法及家長經驗，記得有方法幫起步慢一點小朋友，另 ...

她有學游水(emoji)，希望有幫到

MrBeast

kelly6688 發表於 17-8-11 18:18
老師一直都話啊女唔係學障，但我都請求老師幫我女安排評估，現在排期中。
...

有個＂行為量表＂可作初步評估，google 下，另外有些小組班比初小疑似讀障的小朋友。
有時間自己都可以去下講座，eg 中大耳鼻喉科之前不時有不同發展問題的講座

kayi0556

搵個有經驗的補習老師， 一對一咁專科補習
自己亦要同老師配合， 有時間就講下故仔認下字，
如果專科補習有進步， 可以嘗試放手俾佢自己做， 專科教得ok 的小朋友做功課一定唔會唔識， 所以我經常講， 要做習的， 就要搵經驗老師補， 功課班只會助長小朋友的倚賴性
同時亦要安排測試， 睇下有冇學障， 如果係SEN的， 就要請專業人士幫手了， 同時亦都要互相配合

planetearth

kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...

你囡囡入到好學校，證明她有一定能力。你囡囡情况跟小兒小一時情况相近。我一度以為他有讀寫障礙。有些研究說人有不同learning style. Visual spatial learner圖像學習型對於學習寫字會較慢，這種學習型小孩比較喜歡創作。
如果你自已教，要先引起她學習興趣，試下買塊白板，跟她玩寫字及認字，不同部首用不同颜色畫。
至於數學，也多用圖像解釋。
小孩子會因為焦慮而影響了表現，要多鼓勵，先增加強自信心。
如果請補習老師，最好跟老師跟進她的進度，可以跟老師plan她的學習目標。或者你现在可以用學校的教學内容，幫她搞清不明的地方。當然，阅讀是每天都要保持的良好習慣，如果認字不夠，不要強迫自己讀，以免影響閱讀興趣。可以慢慢試下你一句我一句。有不懂的字，可立即幫她讀，以免影響她對故事内容的樂趣。

MrBeast

補充一下，學習上有些問題未必一定是讀寫障，可能只需合適的方法，而比讀寫障的方法可能十分有用，至於C補，未必懂這些方法，若找到夾的當然好，但不是必然

little_yolky

kelly6688 發表於 17-8-11 19:22
係啊，我地還是是會自己跟緊，我係公司整日都跟她 幫她溫習，我地係自己做小生意 ，時間自由。 咁你覺得每 ...

好老師真係可遇不可求。
其實小一小二嘢都好淺, 就算係一線學校, 都係有範圍。最易搞合格應該係數學, 小一都係加減數, 就算教快都係乘數啫, 要學返識, 然後個個禮拜教乜topic, 每個topic make sure佢明白。合格應該無乜難度。


如果小朋友係中文小學, 要好好搞好科中文, 因為中文一科好, 起碼中文、數學、常識都搞掂, 好好多。常識科又係每教一課溫下個總結, 抽出其中生字學識寫。中文就睇下學校計分組合, 好似默書呀、說話呀計唔計分, 如果計分, 每次默書、說話測考都準備一下, 因為呢D有得攞盡分, 積小成多。其次就真係要多看書了。也可以一同看看閱讀理解練習的文章, 教下小朋友如何理解, 如何找答案, underline D重點同答案。一般初小閱讀理解答案都可以在文章內直接找到的。唯有小小, 小小咁追返。開頭目標係科科合格, 其餘再慢慢嚟, 唔好俾小朋友覺得佢好唔掂, 一泄氣就好弊, 無咗個鬥志, 覺得自己乜都唔得。

kelly6688

回覆 planetearth 的帖子

OK. Thanks . 我們會盡量跟他閱讀多些。

Rubycocoruby

主要是教良好的習惯，成绩便會好

kelly6688

little_yolky 發表於 17-8-12 15:31
好老師真係可遇不可求。
其實小一小二嘢都好淺, 就算係一線學校, 都係有範圍。最易搞合格應該係數學, 小一 ...

好的 謝謝您

retriever

kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...

自己教，當你排除左做練習，就會諗多好多選項。

補習似食補健品，自我覺得做左野。真正健康都係從飲食習慣多做運動王道D。

lui

kelly6688 發表於 17-8-11 17:39
1）補習社 ：功課班+ 一星期一堂專科 .有教開啊女學校的學生 ， 對這間學校有相對了解 . 但老師嚴，小朋友 ...

個人建議：你自己教。邊教邊調適。老師沒有這麼好耐心，尤其21-22歲女生。我以前也教過不同小朋友，不同小朋友友也要不同方法。沒有人比媽媽更有耐心，願意不斷調適。不過你要有心理準備，你小朋友不會是可以走到前列位置（不重要，因為沒有很多人是這樣）一直令他明白讀書對自己有什麼好處，讓他有多點責任感。我教大女，現在15歲，我還是教一兩科。教學教人生。努力