考直私小：津幼+外補 vs 私幼

retriever

scgift 發表於 17-8-10 08:43
我鍾意自己一手一腳教自己個小朋友。覺得自己有能力而小朋友又鍾意我教，完全冇必要外判。但偏偏就有同是F ...

一般男士唔會話見到人地用名牌相機，覺得一定要買返個名牌機先影到靚相。

市場上唔少既推動，源於媽媽既不安感。

就算考小，我夠膽講，吹到程度要求天咁高，係市場上有心人推波助瀾。其實考小唔係咁恐怖既事，絕大部份係生活化既野，當然有D 野係要早培養，指行為態度習慣果D。

就算下風D 內向既小朋友。改善方法亦唔係去上社交班，而係去游樂場多D 同其他小朋友互動。

近年係學咩都要上物物班，媽媽們覺得上左班就做左野，安心D。市場亦回應媽媽們既要求。

retriever

whitepurin 發表於 17-8-10 08:58
重點確是1）自己有無心力；2）是否一定要入直私名校。有心力，一定自己教最好，外補不會tailor-made, 唔自 ...

問題係，有D 野生活化學習先有效。上物物班第一感覺係做左野，但係效率沒有生活化學習有效。而且其他LOGISTIC 安排，可能成件事得不嘗失。


不想考小處下風，但外補是否有效方法？

大家都知要健康，多菜少肉多運動。但貴貴既健康食品唔少人買，愈貴愈有人信。食左安心D，但效用又如何？

whitepurin

retriever 發表於 17-8-10 10:37
問題係，有D 野生活化學習先有效。上物物班第一感覺係做左野，但係效率沒有生活化學習有效。而且其他LOGIS ...

只能説，考小想好成績一定不會是一般幼稚園教就應付到，有心有力自己教故然最好，但有需要時外補也不是洪水猛獸。

scgift

whitepurin 發表於 17-8-10 08:58
重點確是1）自己有無心力；2）是否一定要入直私名校。有心力，一定自己教最好，外補不會tailor-made, 唔自 ...

錢不是問題，但我重視既係小朋友既意願。而家讀緊既劵校係我個女自己揀既，而且返得好開心，佢唔會願意轉校。外補我只俾佢上興趣型式既英文班(如之前上Trinity YPC drama，而家改上開心英文班)志在一班小朋友開開心心接觸下英文。其他學術方面既野都能自己教，所以唔想外判減少寶貴既親子時間。

語境的確讀劵校係冇私幼咁好，不過我在家有盡量製造語境: 睇有英文卡通/睇英文書(點讀聽原聲)/聽audio book/聽兒歌。只想小朋友喺愉快自然既情況下自然吸收。

hha

Sailor-Moon 發表於 17-8-8 23:42
請教各位經歷過考小一的家長：

眾所周知，私幼考直資私小勝算比津小高好多

睇你係邊間津幼同小朋友資質，如果屬於有名氣嘅津幼加小朋友學術能力好，根本唔需要太多外補。
如果小朋友資質平庸，家長又要求高，然後中英數外補之餘再加興趣班，就真係辛苦過返兩間學校。
有啲家長人補我又補，好似話幼稚園數學,根本唔使咁快出去操數,偏偏卻係一部份家長覺得必須嘅補品。

mimi222shi

名幼係勁多人都出去外補同有好多課外活動

我自己就覺得幼稚園階段, 大量閱讀好重要, 唔需要補習.

Sailor-Moon

ar_mak 發表於 17-8-10 14:43
如果針對番樓主條問題去作答,潛台詞已經講清楚左,私幼係比津幼佳(是從樓主考直私小既角度出發,我只係引述), ...

一言難盡⋯

綜合觀點，都一致認為私幼對考直私小有不可取代的優勢，有點出乎意料

Anyway，我會繼續做好家長的主導角色，與孩子一起迎接升小之戰

scgift

retriever 發表於 17-8-10 10:25
一般男士唔會話見到人地用名牌相機，覺得一定要買返個名牌機先影到靚相。

市場上唔少既推動，源於媽媽既 ...

是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。

我自己就盡量做好自己能做既，阿女9月升k2, 一早已係書迷無書不歡，乖巧受教，坐得定，專注力好，邏輯記性及學術都唔錯。唯一令我頭痛既就係你所講既"下風"了。阿女從小超級慢熱怕羞，喺屋企同學校以外基本上係唔同陌生人/唔熟既人講野。我已經係從小帶佢返playgroup,興趣班，日日去公園遊樂場玩…佢都可以態度依舊=.="最近發現佢有啲進步，只係喺我同爸爸面前特別內斂，如果我地離開佢既視線範圍，佢係可以好正常咁同唔熟既大人傾談…請問前輩，對於呢類小朋友，可以用咩方法去幫佢改善呢？學校/興趣班老師全部都話佢係好"正常"，但就偏偏喺家長面前特別怕羞唔同人講野，明明我係ftm湊佢而且佢係超級痴我…=.="

whitepurin

Sailor-Moon 發表於 17-8-10 15:19
一言難盡⋯

綜合觀點，都一致認為私幼對考直私小有不可取代的優勢，有點出乎意料

其實真係睇你想要咩。如果你不是求名校，但求有d back up唔使抽獎咁徬徨，咁津幼外補都ok的。不過如果心頭高，津幼要好努力囉！

whitepurin

scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。

我自 ...

坦白說好擇使（我女當年就係呢d), 一係全力train學術，一係平常心去面對考小一。

Sailor-Moon

whitepurin 發表於 17-8-10 15:42
其實真係睇你想要咩。如果你不是求名校，但求有d back up唔使抽獎咁徬徨，咁津幼外補都ok的。不過如果心頭 ...

前者

自行只有15分預咗陪跑，不想安於大抽獎唯有努力考直私

retriever

scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。

我自 ...

我件無咁怕醜。純分享下。。。

儘量俾細路同其他大人互動。譬如我之前在其他帖成日推介，叫細路幫手俾錢找錢，又計下數，老闆呀姐一定讚佢乖。

有一樣我覺得特別留意，唔少家長不自覺幫細路代答，或者俾細路先悄悄話。而家外面D 叔叔姨姨好多時無咩耐性。見細路答唔清楚或講太細聲，會望著家長。我通常見對方問多次，或細路答多次，一定唔代答。

去PLAYGROUND 儘量家長企得遠遠，等細路見唔到，未到流血事件，唔好過去。

另外豬肉獎都去跑下，等佢多D 見人講下野。

Binlojai

scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。

我自 ...

唔知你地同阿女相處係點？對佢嘅態度如何？會唔會成日好似閉路電視咁監察佢嘅一言一行？成日糾正佢嘅行為態度等等？見阿女似乎係你地面前特別收埋自己及注重自己嘅言行, 所以有此猜測, 如果估錯, 希望唔好介意~~

因為我覺得如阿女對住外人好正常, 咁父母應該檢視同阿女嘅相處模式...

Binlojai

scgift 發表於 17-8-10 15:21
是的，我有個ftm朋友以前係小學英文科老師，但佢都話自己唔會教小朋友，會外判，覺得人地教會好啲。

我自 ...

你話你女超級痴你... 可能呢樣都有關係...

我仔又係好痴我, 所以佢係我面前特別依賴唔夠獨立, 以前我帶佢去遊樂場佢都要我死跟住佢... -_-"
反而C6帶佢去玩, 佢可以唔理個老豆自己行開去玩...

後來我都調整自己同佢嘅相處方式, 唔會事事以佢為先, 唔好對佢太緊張之餘, 亦鼓勵佢自己多D嘗試, 近呢幾個月佢明顯改善左...

scgift

whitepurin 發表於 17-8-10 15:46
坦白說好擇使（我女當年就係呢d), 一係全力train學術，一係平常心去面對考小一。
...

其實都係平常心，考到既好，考唔到都唔係世界末日。自己盡了力悉心栽培就算了。

scgift

retriever 發表於 17-8-10 16:05
我件無咁怕醜。純分享下。。。

儘量俾細路同其他大人互動。譬如我之前在其他帖成日推介，叫細路幫手俾錢 ...

多謝分享。其實你講既，除左去跑豬肉獎外，我已全部做齊了…佢以前真係可以人地問兩三次都唔回應，到最近可以蚊茲咁聲去回應。最初我擔心個女係自閉，學校校長就話阿女喺學校好正常，叫我俾時間小朋友…有時都諗係咪自己太心急:(

1998Ruby1998

回覆 scgift 的帖子

我細個對陌生人都係咁，怕醜到爆炸，連早晨、再見都唔想講（我都唔知點解，阿媽又鬧又打都唔肯講），我有 d 同學仲怕醜過我，對朋友都唔咁講野，要好有耐性先至可以令佢開口（中學同佢出街食飯買野就好似帶住個幼兒園小朋友咁）。
所以唔洗咁快驚，畀多少少時間，唔係個個小朋友一出世都開朗大膽。

whitepurin

Binlojai 發表於 17-8-10 16:16
你話你女超級痴你... 可能呢樣都有關係...

我仔又係好痴我, 所以佢係我面前特別依賴唔夠獨立, 以前我帶佢 ...

性格問題好大程度天生的，我大女細女完全唔同性格咪又係同一對父母同一個家庭。性格後天可tune但唔係咁易同咁細個改到。大人唔健談嘅明知interview點都會開口，但咁細個又點識去爭取表現。

whitepurin

scgift 發表於 17-8-10 17:02
多謝分享。其實你講既，除左去跑豬肉獎外，我已全部做齊了…佢以前真係可以人地問兩三次都唔回應，到最近 ...

其實好正常，只是考小學呢個遊戲就被人標籤成唔出眾啫。大把成年人都唔鍾意social 啦！