- 在線時間
- 0 小時
- 最後登錄
- 17-9-13
- 國民生產力
- 0
- 附加生產力
- 21
- 貢獻生產力
- 0
- 註冊時間
- 17-7-30
- 閱讀權限
- 10
- 帖子
- 9
- 主題
- 1
- 精華
- 0
- 積分
- 30
- UID
- 2624368
|
網上見呢間音樂中心好似幾好,老闆係香港出名嘅老師,仲成日有活動比學生參加,所以就幫小朋友報左,點知上左賊船!
一開始都幾好,老師好有心去教,小朋友都鐘意去上堂。課堂安排亦好有交帶,櫃台姨姨好有禮貌。
過左一排之後就開始黎料,短短一年內轉左四個老師,係「一年內」
岩岩轉完,我小朋又要重新適應,我真係唔知點解要轉得咁密,我覺得好影響小朋友進度囉。
佢地一次過收哂我21堂學費,都算喇。明明公眾假期,學院無開,但居然照扣我堂數,話唔可以將堂數同學費延期,仲要逼我小朋友要係指定時間內上哂佢,唔係啲學費就作廢。而家係你地無開門做生意喎,有乜理由迫我上密啲? 仲黑店過做facial果啲。
補堂又奇奇怪怪,次次唔同老師。我比咁貴學費就係想小朋友學好啲,次次轉老師完全失去左一對一既意義,我覺得係老師學生滿左無時間,就安排另一老師補堂,根本我比左錢,學院提供唔到同一個老師比我上課,即是掉錢落海。
個個老師教法唔同,問返小朋友,次次都係上果啲野,即係老師都要時間跟返小朋友進度啦。
更離譜係小朋友學左唔夠1年,櫃台姨姨就叫佢去報考級,我唔識長笛唔知係咪要咁急,但我以前學琴都唔會級級考。
好喇,報左名之後,就話想小朋友學好啲,叫佢改一星期上三堂,有時係連續兩日,我曾經同佢地講話上得太密喇,我小朋友返去都無時間練。然後上上下堂,櫃枱姨姨無啦啦衝入房話佢吹得唔好,十分無禮貌。我當時好奇怪,明明佢只係櫃枱姨姨,又唔係老師,有咩資格評價我小朋友? 因為佢好無禮貌,同埋我自己都唔想迫得小朋友咁緊,所以決定唔上咁密,但佢答我「報左考試就要上多啲堂先會合格,你唔上大把人爭住上!」。
我問過個老師,老師話唔清楚小朋友咩情況(又係因為呢個老師岩岩轉)
而家小朋友仲有成十堂,但我已經唔想佢再上,有無媽媽係果度學笛?有無人試過退到錢?
|
|