不要怕辛苦，報多幾間直私，增加機會

Felix223

19841984 發表於 17-8-1 14:03
只要接受到直私自行大抽獎全炒，也欣然接受的話，就可以了。

咁..濫報咁多小學，會不會構成「虐兒」？

taxibird

呢個matching game, 最緊要都係match字, 如果小朋友性格唔適合呢個遊戲/能力稍遜, 只報最top的直私就好蝕底, 呢個情況下我都贊成要報多幾間二三線直私做backup (如決定不參加大抽奬), 又或者努力鑽研下大抽奬策略. 這不代表報得多就一定好, 都要睇返每個家庭的要求和能力.

DD仔

其实报多几间都有个好处，就是：
1）万一生病了，闹情绪了，迟到了，连父母都答错题目了，etc, 都还有其他希望。
2）孰能生巧，但太多又会弄巧反拙。

HK-MAN

taxibird 發表於 17-8-1 14:09
呢個matching game, 最緊要都係match字, 如果小朋友性格唔適合呢個遊戲/能力稍遜, 只報最top的直私就好蝕底 ...

冇錯! 報名係需要資源的..都要屋企時間情況配會到先得架...

taxibird

睇返身邊兔B朋友考直私的戰績, 大部分人都會有offer, 無offer果兩個都係因為父母心頭高, 只報最top果D, 但子女唔適合呢個面試遊戲而滑鐵盧, 所以為子女選擇適合的學校, 量力而為係最重要.

cubixluk

其實重點係.....
報幾多間叫多呢>>>>> 自己決定吧
係咪需要全港真/ 私都報齊去增加勝算 >>>> 自己衡量吧

我自己好清晰目標, 有些學校, 明知收咗只會增加自己煩惱- 即係要爭扎讀唔讀既, 我多數唔報....

而一些根本無可能去到返學, 我都係唔報的.

所以報幾多間叫夠... 其實真係無一個標準答案...

你理得人吔報晒全港直/ 私, 自己先報幾間...
每個家長最了解自己孩子需要, 只要你認為住東邊去西邊, 每日單花在交通上都要幾粒鐘既話, 自己和小朋友都能夠接受, 你去報便是了.

小學生活, 一D 都唔輕鬆, 我真係唔會要自己小朋友報一D 我返學需要花一小時以上才到既學校, 因為我想自己小朋友仲似返個人, 開開心心咁同我生活....

都係學樓主成日回果句: 自己接受到乜OFFER 都無, 大抽獎又FAIL 既結果咪得囉

各取所需....

我又用返大仔中學聽講座時, 某校校長送比家長一句說話, 我都係用呢句話鼓勵自己既小朋友的

没有唔好既學校, 只有唔好既學生......

pbhe

排除報幾多間直私小，最重要是了解學校理念及多參加開放日睇吓學生表現，你是否希望自己小朋友在該校上課，將來也能培養同樣特質。我自己遇到開放日學生英文非常出色的帶領家長參觀學校但全部沒有自主性，沒有笑容，學校百頁窗全都是塵，我小朋友不停搓眼搓鼻敏感發作。該校是眾所周知家長的dream school，但我當日已覺不是我杯茶。

ANChan59

19841984 發表於 17-8-1 14:03
只要接受到直私自行大抽獎全炒，也欣然接受的話，就可以了。

We went through all processes, my son graduated from university this summer.

We only picked the schools best fit our family value, secondary schools and university programs up to him.

tommyxsarah

我覺得沒有私小做back up
大抽獎不宜太進取

今年我既做法 乙一 區內心儀的二線

再叩區外 一線 成功了

但當初起碼唔會一跌就入寶校

pbhe

補充:我當時真的很努力參觀不同類型的學校，特别是人人話好嗰D，包括直私津小，務求知道學校好在哪裡。好奇怪，自己看到感覺到的其他家長真的完全冇留意到，証明人人把尺唔同，要忠於自己及小朋友性格需要，不要人云亦云。

granny

pbhe 發表於 17-8-1 14:56
補充:我當時真的很努力參觀不同類型的學校，特别是人人話好嗰D，包括直私津小，務求知道學校好在哪裡。好奇 ...

Agree

hkpapa852

cubixluk 發表於 17-8-1 14:24
其實重點係.....
報幾多間叫多呢>>>>> 自己決定吧
係咪需要全港真/ 私都報齊去增加勝算 >>>> 自己衡量吧

没有唔好既學校, 只有唔好既學生......

唔錯, 不過我想補充少少:

没有唔好既學校, 只有唔好既教職員, 唔好既學生, 同埋唔好既家長

Binlojai

pbhe 發表於 17-8-1 14:56
補充:我當時真的很努力參觀不同類型的學校，特别是人人話好嗰D，包括直私津小，務求知道學校好在哪裡。好奇 ...

非常同意!!

hkpapa852

其實, 要點樣去考直資/私立小學先會增加勝算呢?

Cambridge去到Flyer級15盾? 有全港性比賽獎項?

Sorry, 我唔知..... 其實無論你投放幾多金錢同時間, 到頭來可以係0 offer, 最簡單原因, 你知道每間學校既收生要求嗎?

根本無一間學校會白紙黑紙寫明收生同評分要求, 所以家長去做自以為係為考學校準備既嘢, 其實係一定程度上, 只係令自己感覺良好一點吧!

如果你以為大抽獎靠運氣, 考小學唔需你以為有實力就一定係嗎? 其實都係需要一定既運氣.

以為入到直資/私立小學就成功了嗎? 其實香港一直以來, 最出色既中小學, 大部份都係官津學校.

咁如果考咗去一間其實比免費官津學校差既學校, 其實自己係咪真係會開心呢?

HK-MAN

hkpapa852 發表於 17-8-1 15:33
其實, 要點樣去考直資/私立小學先會增加勝算呢?

Cambridge去到Flyer級15盾? 有全港性比賽獎項?

有啲人視直私係高人一等的....

cherrieshum

19841984 發表於 17-7-31 20:49
因為你永遠唔知，那一間會收，收左再選才是穩陣方法。

我都好後悔報得太少

novelle

taxibird 發表於 17-8-1 14:09
呢個matching game, 最緊要都係match字, 如果小朋友性格唔適合呢個遊戲/能力稍遜, 只報最top的直私就好蝕底 ...

同意係matching game.
適合自己教育意念的可以報，就算報8間，去到嘅可能得6間，加上2nd in 撞期，最後隨時得4-5間 。（個人及朋友經驗）
一直以為心儀的，簡介會/面試後又發覺是另外一回事，所以多報一兩間也未嘗不可。

hkpapa852

HK-MAN 發表於 17-8-1 15:44
有啲人視直私係高人一等的....

稍為知多一點香港教育既常識就會明白一件事:

各類小學既收入來源:
官津小學: EDB會按學生人數, 每人資助每年HK 45,000, 同辦學團體既資金
私立小學: 學生學費同辦學團體既資金
直資小學: EDB會按學生人數, 每人資助每年HK 45,000, 加人學生既學費, 同辦學團體既資金

所以從資源角度去諗, 如果一間私立小學, 學費遠低於EDB提供既津貼, 你認為係咪間間都一定可以提供比官津小學更好既配套同水平?

至於直資小學, 理論上收入來源會較官津學校好, 但因為校舍設施既維修, 同對教職員既退休保障, 需要付出更多資源, 所以, 最後係咪又係會有好多資源投放番去學生/教學上呢?

你肯俾錢, 唔代表一定有好既服務. 而且教育唔係服務, 唔係有錢就得, 如果唔係, 點解強國國民都唔留係國內讀書?

dereklg

19841984 發表於 17-8-1 13:18
夠信心是好，只要如果到時全部落空，也可欣然接受的話，就可以了。

世事是很奇妙的，當你有足夠信心，表現自然佳，愈感輕鬆，孩子發揮愈好。當然輕鬆出戰，背後包含了充足準備。相信本網不少網友也有類似經驗。

反過來說，震下震下咁，稱為未戰先輸，走了入死胡同，愈是報考得多，反而表示信心愈低，成為了愈戰愈勇的相反。


有信心+充足準備就已經不會全部落空了，信不信由你。