中學面試後發信「適合就讀」 家長批誤導

小時了了

明報記者 鄧力行
https://news.mingpao.com/pns/dai ... 00002/1501177697026

【明報專訊】中一派位本月中已放榜，元朗信義中學在自行分配學位階段面試後，向家長發信稱其子女「整體表現十分良好，十分適合於本校就讀及成長」，並「分享入讀本校的最佳策略」，建議家長在統一派位將該校選為第一志願，如未能入讀也「歡迎貴子弟於放榜後申請『叩門位』」（見圖）。有收到信的家長最終兩階段都落空不獲取錄，質疑校方誤導。教育局指該校做法不恰當，會繼續跟進確保學校遵守指引。校方稱明年會優化和修訂，以免再有誤會。

按建議放首志願 期望落空

家長胡先生的女兒，早在自行收生階段向信義中學提交申請；胡先生稱，其後收到校方信件時，以為女兒很大機會入讀該校，「開心到不得了」，於是按校方建議，在統一派位亦將該校放第一志願，惟女兒未獲派該校，派位公布後再去叩門，連面試機會也沒有，最終要到另一較低組別學校就讀。

他批評該信件給家長很大的錯誤信息，「真係害死人」，斥該校自私和不負責任。

校長：原意鼓勵學生 明年優化

元朗信義中學副校長譚建勳回應稱，發信原意是為了感謝家長報讀該校、讚賞面試表現良好的學生，以及提示增加入讀機會的方法，認為信件符合教育局要求，強調校方完全無意明示或暗示是否取錄學生，絕對沒有誤導的成分，但「家長的想法我們控制不到」。校長尹浩然其後補充，發信原意是鼓勵學生，教育局曾就此事聯絡校方，提醒部分字句可能引起誤解，校方明年會優化和修訂，不會再用「十分適合於本校就讀」等字句，以免再出現誤會。

教育局發言人表示，局方早前接獲相關投訴，並向學校了解，雖然有關信件並無具體和確實列載自行分配學位的申請結果，但做法並不恰當；局方會繼續跟進，確保學校遵守有關指引。 發言人稱，中學學位分配辦法的自行分配學位及統一派位結果一向同時公布，而局方每年都向參與中一派位的中學發出相關指引，不得在派位結果公布日期前，透露自行分配學位的申請結果。

中學校長會主席李雪英認為，信件按字面理解是有暗示成分，認為該校做法未必恰當。她說從未聽聞有學校向家長發出這類信，從行內人角度看認為未必適宜，「做學校無謂在灰色地帶徘徊，始終教育界應身教言教」。

yamyau

Charlotte_mom

咁都有得投訴

701003

入唔到就反面！

little_yolky

Charlotte_mom 發表於 17-7-28 12:29
咁都有得投訴

但學校無啦啦發封咁既嘢都好大問題啊。

vance1712

事實上學校出呢封信系吾恰當，又吾其他學校好似巨甘做。

kkhon

我仔小学自行后都收到呢封信，係话比我知自行落空，叫我想讀就大抽奖排第一，结果也是落空，走去叩门面试后rejected,我覺得人地都冇承诺过比我仔入，只係提供多一个途径增加入讀机会，投诉都要有理吖，我完全吾覺得要投诉。不过最后我寫信比校長求位，他好体谅我地收左阿仔。

judy

好變態啫！做咩要無端端俾封信人地，封信又寫成咁。

kkhon

judy 發表於 17-7-28 12:47
好變態啫！做咩要無端端俾封信人地，封信又寫成咁。

應该係想感谢申请同支持佢学校，点知搞成咁！

hkpapa852

kkhon 發表於 17-7-28 12:44
我仔小学自行后都收到呢封信，係话比我知自行落空，叫我想讀就大抽奖排第一，结果也是落空，走去叩门面试后 ...

但間學校自行面試後出果封信既內容係:

貴子弟整體表現十分良好, 十分適合於本校就讀及成長

https://www.edu-kingdom.com/forum.php?mod=redirect&goto=findpost&ptid=3407710&pid=44908577&fromuid=1389083

人地以為你打開口牌 (我諗旺角男津都無咁明顯啦!), 點知原來比你老點

kkhon

hkpapa852 發表於 17-7-28 12:53
但間學校自行面試後出果封信既內容係:

貴子弟整體表現十分良好, 十分適合於本校就讀及成長

咁呢两句又係会令人諗多左。果位家长要问下自己如果冇收到呢封信，乙一係咪都会照填佢先？如果係的话佢就输打赢要发窮恶！

sammag

kkhon 發表於 17-7-28 12:44
我仔小学自行后都收到呢封信，係话比我知自行落空，叫我想讀就大抽奖排第一，结果也是落空，走去叩门面试后 ...

你仔? 你報自行一果間???

pattison

如果封信加埋下面幾句會好些，避免誤會。
“本函只為提供貴子弟增加入讀本校機會之方法，絕非明示或暗示已取錄貴子弟，懇請家長綜合判斷各方資訊，以作出最合適貴子弟的選擇。”

dolala

根據另一帖文，據說封信都有幾個版本，呢一封偏向係暗示錄取，仲有一種係「多謝自行選佢地校,奈何競爭激烈,望小朋友努力學習,考入心儀中學」⋯⋯

sammag

hkpapa852 發表於 17-7-28 12:53
但間學校自行面試後出果封信既內容係:

貴子弟整體表現十分良好, 十分適合於本校就讀及成長

報左哩間學校既就會知，
其實學校係一星期內前後出了兩封唔同內容既信比兩批唔同既學生，
搞到D 學生面試完，學生和家長都忐忑不安左幾個月，
唔同家長仲有唔同既解說，都幾慘。
其實學校本身就唔應該出任何提示信。

sammag

dolala 發表於 17-7-28 13:12
根據另一帖文，據說封信都有幾個版本，呢一封偏向係暗示錄取，仲有一種係「多謝自行選佢地校,奈何競爭激烈, ...

我當時都睇過晒兩封信，
我的理解反而同好多家長理解唔同，
見報果封係第一封, 有埋學生既名字，但我覺得如果自行係收左，根本唔使叫你抽獎一定要填第一才會增加入讀檮會，就係因為唔收，先提你要填。
另一封信係隔左幾日先發出, 內容簡單得多，亦沒有學生名字，只大概說多謝申請，學位不多，祝福入到心儀中學，亦比人覺得唔收。
但兩封信發出既數量相距好遠，大約廿個學生十九個收第一封，一個收第二封，學位就得48個，好明顯猜測到玄機。
而結果收第二封簡單信成功獲派此校。收第一封信的部份派唔到，部份應該由大抽獎派入。

dolala

作為負責任的學校應該執手尾，收番哂D仲想入讀既「苦主」。

kkhon

sammag 發表於 17-7-28 13:11
你仔? 你報自行一果間???

我講的是小學果陣

bobbob

little_yolky 發表於 17-7-28 12:39
但學校無啦啦發封咁既嘢都好大問題啊。

咪係，寫到咁誤導真係有問題

UTB

學校做法頗為曖昧，容易引起家長誤會。