各位媽咪：你們可否分享S位的情況

Shirleychansl

我囝囝下個月要入讀S位，但我真是好擔心啊？講不出原因！就是很多疑問。

fionchiu2000

我囝囝都係一個月會入讀s位，我嘅心情同你一樣，希望有多d媽媽可以分享下🙇

Bridgetdarcy

Shirleychansl 發表於 17-7-21 18:27
我囝囝下個月要入讀S位，但我真是好擔心啊？講不出原因！就是很多疑問。
...

有咩要擔心? 擔心適應? 擔心老師唔好? S 位人手比例已經比I 位和幼稚園好很多, 全日咁訓練, 老師好了解每一個小朋友, 每一刻都訓練緊, 進步會好快啊！

legolas625

有咩擔心可以問中心社工、主任，又或班主任、治療師，他們一定會答你，S位老師我遇過的都好有愛心、經驗，小班教學，小朋友會進步得快。

過來人經驗，家長要多D同老師溝通，入左S就要自己跟下小朋友，做家居訓練，唔夠支援自己再自費外補，唔好旨意哂政府。家長要有心理準備，S位係追同齡能力，唔係追學術，學術會比幼稚園淺。

同埋，S位唔係萬能，如果小朋友進步未如理想，讀主流小學困難較大，家長要幫小朋友打算下。

lavender_baby

我都好擔心，但我係擔心會無位，而家等緊候補，排緊嘅兩間中心都派到我小朋友輪候嘅果個月份，但都遲遲未到佢，好驚要等多一年

Shirleychansl

legolas625 發表於 17-7-24 11:32
有咩擔心可以問中心社工、主任，又或班主任、治療師，他們一定會答你，S位老師我遇過的都好有愛心、經驗， ...

我擔心小朋友理解能力太低，唔眀白老師的指令，因為我地之前在某機構做訓練比導師打小朋友的面，紅曬不只一次兩次，係一課堂這導師起碼出現打仔仔的面兩三次，到最後投訴都冇用，所以才轉第二間，所以我有陰影！

lavender_baby

Shirleychansl 發表於 17-7-24 13:55
我擔心小朋友理解能力太低，唔眀白老師的指令，因為我地之前在某機構做訓練比導師打小朋友的面，紅曬不只 ...

嘩！好過份有冇搞錯，可唔可以俾提示係邊間機構？因為我仔如果今年派唔到嘅話我都仍要繼續同佢搵訓練

Shirleychansl

lavender_baby 發表於 17-7-24 16:08
嘩！好過份有冇搞錯，可唔可以俾提示係邊間機構？因為我仔如果今年派唔到嘅話我都仍要繼續同佢搵訓練
...

對不起，不便透露

Adamok128

Shirleychansl 發表於 17-7-24 13:55
我擔心小朋友理解能力太低，唔眀白老師的指令，因為我地之前在某機構做訓練比導師打小朋友的面，紅曬不只 ...

打小朋友塊面?尼个係不能接受與無可能發生,就算能力高低,都無可能用尼个方式,不應投訴,應報警處理
我仔已返ㄧ年s位,校內老師对特殊小朋友係非常有耐性經驗的,所以不用擔心

Shirleychansl

Adamok128 發表於 17-7-27 12:58
打小朋友塊面?尼个係不能接受與無可能發生,就算能力高低,都無可能用尼个方式,不應投訴,應報警處理
我仔已 ...

個導師事後承應只是用手拍佢塊面，之後我真係好想報警，但因為我之後嬲到用我自己只手拍打返佢塊面，理x左問佢有什麼感受。之後就轉去第二間中心繼續上堂。