華英「榜眼」冀當醫生治療心靈

elbar

陳逸芝感激家人支持，尤其在備試期間配合她的作息及溫習時間表。


　　(星島日報報道)今屆中學文憑試誕生二十二名六科5**的「榜眼」，包括華英中學的陳逸芝，她在數學延伸部分M2同獲5**，是「超級榜眼」。她希望入讀本地大學醫學院，將來有志成為無國界醫生，不止醫治別人身體，更着重治療他人心靈。

　　陳逸芝應考七科，僅於中文科取得5*，其餘核心科及選修科目，包括生物、化學、物理，全部取得5**。雖然只差一粒星便成為狀元，但她稱已非常感恩，「沒有預料考得如此佳績。」陳逸芝稱，讀書秘訣是要有充足休息時間，每晚十一時前入睡，翌日早上七時起牀，上課專心，溫習時就更有效率；備試期間，亦會去跑步及拉小提琴減壓。

　　陳逸芝在校內成績一直名列前茅，但原來升中時亦曾遇挫敗，「小學成績不差，但未能入讀首志願華英中學，要靠叩門入學。」她稱經歷叩門後，受激發要奮發向上。不過，陳逸芝坦言，中文科底子相對較弱，為提升語文水平，有多看課外讀物。她特別鍾情金庸的武俠小說，更形容是「看上癮」，看過「射鵰三部曲」、《天龍八部》等。她尤其愛讀《射雕英雄傳》，對主角郭靖情有獨鍾，「覺得他很純真」。

　　提到未來志向，陳逸芝稱希望從醫，但仍在考慮中大或港大的醫學院，盼畢業後成為無國界醫生，「很多第三世界國家的衛生情況、醫療設備都不完善，希望可親身走入當地，除了醫治他們的健康，更要醫治他們的心，給他們希望。」本身是基督徒的陳逸芝，曾參加短宣活動，令她燃起服務他人的心。

YmOra

elbar 發表於 17-7-17 08:55
陳逸芝感激家人支持，尤其在備試期間配合她的作息及溫習時間表。

mytambb

elbar 發表於 17-7-17 08:55
陳逸芝感激家人支持，尤其在備試期間配合她的作息及溫習時間表。

其實醫生唔係唔好，但香港所有「尖子」都走去讀醫嘅時間。對社會又係唔係好事？創意產業是未來趨勢，希望這時香港不會出現問題。

奥脫福

mytambb 發表於 17-7-17 10:02

其實醫生唔係唔好，但香港所有「尖子」都走去讀醫嘅時間。對社會又係唔係好事？創意產業是未來趨勢，希望 ...

如果上個世紀初的歐洲也是患上了香港這種「醫生」熱，相信世上不會有
愛因斯坦、哈伯這類偉大的科學家，雖則愛因斯坦的文科也很差勁。

５星星去哂讀醫，香港又點會再有科學家？

kennyklt

大家又點可以怪責尖子同學都選擇做專業人士呢。
香港個社會環境已經張年輕人壓乍得好嚴重，扼殺咗青年自由發揮嘅空間。當大學畢業後首要任務係買樓或者抽公屋嘅時候，又點可以怪佢地冇理想。
但做成呢個境況咪就係大人囉。

siden

奥脫福 發表於 17-7-17 10:17
如果上個世紀初的歐洲也是患上了香港這種「醫生」熱，相信世上不會有
愛因斯坦、哈伯這類偉大的科學家， ...

「愈來愈誇張

以前10個狀元有3-5個想讀醫

依家10個有9個要讀醫

人人俾一堆漂亮嘅理由

我肯定其中有一半人唔知自己揀緊一條乜嘢路

只係用盡自己手上分數去揀最難入又人工好嘅科系」

以上節錄自一位醫生朋友嘅comment。

Charlotte_mom

siden 發表於 17-7-17 10:27
「愈來愈誇張

以前10個狀元有3-5個想讀醫

其實邊科唔係咁！唔駛咁慨嘆wor
考醫、考工程、考環球商業，個個都望住個分黎揀架啦
老土講唔駛開飯咩

siden

Charlotte_mom 發表於 17-7-17 10:43
其實邊科唔係咁！唔駛咁慨嘆wor
考醫、考工程、考環球商業，個個都望住個分黎揀架啦
老土講唔駛開飯咩

我估佢意思係，醫科已經讀得耐過人，畢業後仲有起碼6-8年書要讀，其他科唔使咁消費青春掛？

仲有on call 36小時之類嘅生活之類...

kennyklt

拎咁多5**同阿爸阿媽講想讀物理數學之類，又有幾多父母睇得開？

ggfather222

回覆 Charlotte_mom 的帖子

https://www.hkcnews.com/article/ ... A%E5%B7%B1%E3%80%8D

十優狀元棄I Bank尋藝術夢 「不再活在別人眼光，做番自己」

ggfather222

回覆 ggfather222 的帖子

http://hkm.appledaily.com/detail.php?guid=56947397&category_guid=7032049&category=instant&issue=20170712

麥可兒計劃入讀科大的國際科研。

麥可兒文武兼備，在「第17屆亞洲物理奧林匹克」贏得銅牌，她亦效力大埔女子足球隊的青年軍。

Charlotte_mom

kennyklt 發表於 17-7-17 10:51
拎咁多5**同阿爸阿媽講想讀物理數學之類，又有幾多父母睇得開？

今年親身識人case。學生已經拎到外地fine art degree conditional offer，dse達標可以入讀--唔止達標，超標tim，分數meet埋jupas BBA offer。阿媽覺得有bba唔讀，讀ba太嘥料，而家兩母女面左左。

RelaxHippo

都有少數例外：
SPCC前幾年有個女狀元立志要做中文教師, 大學選讀中文系
香港嗰個最年少入大學讀數, 宜家20歳未滿就做咗ucla數學系教授； 而會考高考時代共攞17A嗰位狀元，宜家都係港大數學系教授
另外仲有科大每年都會收一啲中五數理尖子直升科大global science, 唔駛考dse，伊中有位物理奧林匹亞香港代表， 舊年讀完中五巳直升科大， 男拔幾年前亦有一個

RelaxHippo

siden 發表於 17-7-17 10:27
「愈來愈誇張

以前10個狀元有3-5個想讀醫

都係, 眾多學系中醫科收生最高，畢業後收入同prestige又高，難怪狀元都想讀醫科， 唔排除有啲狀元榜眼探花入到去讀咗幾年發覺自己唔適合做醫生而轉系。  想起以前嗰位最年少9a生， 受盡大眾目光壓力入讀醫科，幾年後發現自己唔適合讀醫而轉系，幸好入大學時細個，再回頭轉身都唔算遲

siden

RelaxHippo 發表於 17-7-17 12:53
都係, 眾多學系中醫科收生最高，畢業後收入同prestige又高，難怪狀元都想讀醫科， 唔排除有啲狀元榜眼探花 ...

係好事

仲後生

認請自己調節前路

好過勉強強撐下去

http://doctordaddysoccer.blogspot.jp/2016/02/10years.html?m=1

fishcakes

未知陳同學能否如願入讀心儀學科呢？

william99

RelaxHippo 發表於 17-7-17 12:39
都有少數例外：
SPCC前幾年有個女狀元立志要做中文教師, 大學選讀中文系
香港嗰個最年少入大學讀數, 宜家20 ...

我仔有個同學本年DSE五個五星星，好堅定地選擇科大國際科研。該同學極聰明，不用怎麼讀都可以考到很好成績，我都覺得這麽聰明的孩子讀醫浪費了。

其實考得狀元，就已經都是智商過人了，做哪一行都有飯開，做到行業頂端，賺的錢一點也不比醫生少，學生和家長都過慮了。

mytambb

william99 發表於 17-8-13 11:04
我仔有個同學本年DSE五個五星星，好堅定地選擇科大國際科研。該同學極聰明，不用怎麼讀都可以考到很好成績 ...

同意。可能羊群效應加上傳媒報導，好似唔讀醫就唔係精英。

老實講，大部分醫生都係做緊一D可有可無嘅工作。醫傷風、cancer、糖尿⋯ 你醫唔醫，結果也不會太大分別。成功感不會太大。

論人工，政府及教育界分分鐘多過資深醫生。而最賺錢就係私家。但同一個做小生意嘅差不多。

受人尊敬，這些個個月都見到嘅醫療事故頭條就很明顯說明。現在已沒有這回事。個個病人只講權益，如果受損（就算只是可能），他們也反面無情。

所以唔好太天真。

judy

如果上個世紀初的歐洲也是患上了香港這種「醫生」熱，相信世上不會有愛因斯坦、哈伯這類偉大的科學家

愛因斯坦不會成狀元。真正對某學科有興趣和追求的，不會去做状元。

^曾小姐^

最近聽收音機講有好幾個讀完醫,第一日入內科就即刻辭職,或中途轉去其他學系