想問下各位小朋友返n1時訓覺情況如何?

paiwai

各位:
   想請教下小朋友返全日n1..訓覺(即係係學校午睡情況如何?)能否入睡....因為我個仔由細到大都要我同佢訓(夜晚同晏覺都要我陪佢)....我好擔心佢返n1唔知點可能訓....會唔會勁喊呀......
我都知小朋友比d時間佢...應該都無問題~~~
我想問下你地小朋友情況如何...可唔可以分享下~~thanks

蘇蘇

hi paiwai,

我仔是全日的暫託生, 即係返朝九~四點半, 所以 12:30 ~ 2:45 是訓覺時間, 初頭的幾天你預左呀仔係斎坐.  

其實我唔記得呀仔是要多小天才適應, 但都不是太耐, 如我無記錯頭三天呀仔都係斎坐, 老師氹佢訓覺都唔肯, 但因為學校唔想比小朋友覺得唔訓可以去玩, 所以都要佢坐係床, 但到第四天左右就訓了半小時..跟住長一點時間, 當然最後就慢慢可以跟大隊, 自己認得自己的被, 自己上床 come 被訓覺, 所以現在我幫大仔 come 被, 佢都話我自己 come 被, 如我無記錯呀仔都不用兩個星期已可以跟大隊.

起初的三天呀仔都是得個坐字, 其實我聽到老師咁講都好肉赤, 眼訓又唔訓, 老師氹佢又喊, 不過小朋友好快適應, 見到其他小朋友要訓, 又知道那些被舖是自己的, 慢慢便會跟隨大隊. 所以你不用担心, 因為我囝囝都係好 bb 好痴身, 當有一天我打給老師時, 老師跟我說柏軒好叻仔喇, 現在佢訓緊覺, 我個心真係好開心架, 真係所以的"担心" 都無晒.  你都要信囝囝, 小朋友好易適應, 比 d 時間佢.

...蘇蘇

hollyfong

i have the same worry!! my daughter is going to n1 in sept.... she needs either me or my mum to 'make' her to sleep at home..... so.... it is really a challenge to her and me as well...

and how about his lunch? my daughter can feed herself but only when she is willing to eat..... and she is actually not fond of eating... so we feed her.... chasing her all the way to feed  her!! my mum is much worried her lunch at school in sept!!

can you share your boy's experience also?

蘇蘇

hi hollyfong,

我相信我比任何人更加擔心囝囝在幼兒園的情況, 因為囝囝本身語言比一般小朋友慢和他有咀嚼問題, 所以我是因前者要他早一點返學, 而後者則是我考慮給囝囝返半天還是全天的暫託 (因為半日託是不用在校內食午餐). 囝囝由細到大都不肯食要咬的東西, 只肯食一入口就吞的食物, 所以我跟老師都商量了很多次.  其實囝囝今年的 N2都要做正式學生, 所以我都希望早一點給囝囝習慣一下.  

起初半日託是食早餐的問題, 老師跟我說囝囝只是食很小份量的早餐, 有時只是食兩淡就唔食, 就算嬸嬸老師餵也不肯, 到後來是發覺囝囝每天早上都會飲 9安奶, 所以返到學校已不想吃早餐了.  後來老師叫我把囝囝的早奶減一半, 即是約 4-5 安, 真的效果很好, 因為囝囝現在已肯食晒一份早餐.

其實囝囝現在在學校都肯自己食, 只是他食的是基本份量, 不會添食, 老師跟我說每當問囝囝要不要添飯/湯時, 囝囝多數是說夠了, 飽, 不要了, 跟著便拎著盤子放好. 其實小朋友看見其他小朋友一齊食便會跟著做, 起初可能未能適應, 但慢慢地他們應可做到的, 問題只是吃得幾多.  我曾問老師, 如果囝囝吃剩會怎樣, 她們說她們都會餵小朋友的, 因為基本份量是必要的, 但當然要看情況, 因為老師不會過份強迫小朋友, 怕他們會害怕了進食.

我覺得囝囝在校內食得小的其中一個原因都是和我未能配合學校有關, 因為囝囝在幼稚園是自己食, 但是晚上在我未放工前, 奶奶 / 工人已餵了囝囝, 曾經叫過奶奶給囝囝自己食, 但奶奶覺得囝囝食到天一半地一半和慢, 所以只是做了一兩次便又餵番囝囝, 正如老師所說, 囝囝習慣了有人"第" 到埋口, 那又願意自己食呢?  其實囝囝是肯自己食的, 因為我帶囝囝返呀媽屋企時我都是由得他自己食, 每次都可以食到差不多 1 碗大人飯.  所以不要怕小朋友攪到天一半地一半和比一點耐性, 那一個小朋友嘗試自己食飯不是這樣的呢? 另, 我覺得最重要的是一定要和老師多一點溝通, 問多一點, 有關囡囡的問題, 一定要讓老師知道, 希望她們能多加留意.

....蘇蘇  

小仙女

paiwai:
       我仔仔將會讀n2，佢在n1時都要在幼兒園訓，初時我都很擔心，因為佢每晚都要我抓背脊才會訓，但在幼兒園老師係唔會這樣抓的，頭幾日佢就眼光光，幾日後老師告訴我佢訓得好冧。我相信我仔仔因為睇到其他小朋友訓，同埋關了燈，所以佢才訓到。其實很多小朋友初時都訓唔到，後來就會習慣。

paiwai

thanks.........各位