讀ICT有用嗎？

Charissema

kls12 發表於 17-7-16 22:09
看你做甚麼行業吧，有些行業競爭是比較少的。以前沒有internet的年代,有朋友賣一張LAN card賺2000元，一天 ...

對！ 真是好睇際遇

hw1115

王家爸爸 發表於 17-7-16 21:36
當然好唔同啦！修邊科好啲，好睇你點界定好。

你同意kls12讲ce可以做cs的工作嗎?如果同意,即ce好過cs啦!

Charissema

其實派完科心情好差又失落 一來派唔到Bio, 二來又驚ict揀錯，又想轉返 Georgraphy

Charissema

LingChiBaBa 發表於 17-7-16 21:44
其實有興趣又無妨，可能過1、2年改變唔想做獸醫呢。

老實講入獸醫仲難過入人醫, 談何容易?只是希望佢一股傻勁努力讀書咋

kls12

Charissema 發表於 17-7-16 22:17
其實派完科心情好差又失落 一來派唔到Bio, 二來又驚ict揀錯，又想轉返 Georgraphy
...

是你驚定個女？看數據，有得揀是不應揀ICT,因為高分的比率相對低，除非你很有興趣。小女也有讀ICT,她喜歡ICT多過Chemical.

Charissema

kls12 發表於 17-7-16 22:34
是你驚定個女？看數據，有得揀是不應揀ICT,因為高分的比率相對低，除非你很有興趣。小女也有讀ICT,她喜歡I ...

主要我驚，但睇埋數據佢都驚驚哋 Georgraphy 好似穩陣啲, 但佢喜歡ict多啲 其實讀ict用既時間係咪畀其他科少？

kls12

Charissema 發表於 17-7-16 22:44
主要我驚，但睇埋數據佢都驚驚哋 Georgraphy 好似穩陣啲, 但佢喜歡ict多啲 其實讀ict用既時 ...

小女是，但真是沒有太多野讀。讀chemistry 背到隻野

王家爸爸

hw1115 發表於 17-7-16 22:14
你同意kls12讲ce可以做cs的工作嗎?如果同意,即ce好過cs啦!

CE同CS學既野好唔同，除非CE學生自學部分CS野，或者除非CS學生自學部分CE野，如果唔係點可能互相取代？

johnmamama

如果DSE 數據來決定Ict 同 geog, 睇geog 好d， 但我不會用這來決定， 我曾經吾想阿仔揀，但學校Ict 成績吾錯， 反而揀科排1， 最後由得佢決定，始終讀是他，我見佢平時只會打機， 近來學寫JAVA. 應該好開始。

kls12

王家爸爸 發表於 17-7-16 23:12
CE同CS學既野好唔同，除非CE學生自學部分CS野，或者除非CS學生自學部分CE野，如果唔係點可能互相取代？ ...

正如我之前所說，讀pure science 都可以去做 software, 怎會 讀computer engineering 不可以去做純software 的工作。
其實，讀完computer science 出來的學生，真是很多東西都不會。一來，真是電腦科技真是變得很快，例如電話的商業應用還是初起步，但大學應該涉足不多。二來，以大學教授的角度來看,教學生可以自己解決問題，是好過教他們一些技能。所以，很多東西都要自學.

不單是電腦知識要自學， 例如,HTML / CSS / JavaScript, 連 SQL 都不太識寫，還要學商業運作。可能是讀information system的人更適合編寫商業系統。

讀computer engineering 而又可以完全應用到，相信香港的工作真是不多，上國內的機會應是大得多。

王家爸爸

kls12 發表於 17-7-17 01:52
正如我之前所說，讀pure science 都可以去做 software, 怎會 讀computer engineering 不可以去做純softwar ...

其實我哋當年係請中學生寫 software（只需要俾幾小時既訓練），所以 Pure Science（尤其係數學系）一定寫到 software。 當年係需要真係一行行用C寫（或者任何高階語言），我哋將近千頁（成幾十萬行）既 software，分拆成 functions 同 procedures，俾啲中學生寫。

之後 MRP、ERP 等流行，開始寫 SQL，表面上 SQL 簡單過以前好多，所以好多老闆都假設讀完大學之後就識寫，用好少時間訓練新人，然後佢哋開始寫 functions 同 procedures 之類，問題係寫呢啲 software 係低層次既工作，讀完大學（假設成績好，有得揀工作），一定唔想做呢啲野。

王家爸爸

言歸正傳，讀電腦主要分兩類，軟件同硬件。如果讀軟件，第一個目標係做系統分析師，主要工作係：了解客戶要求，並且將客戶要求轉換成電腦處理（作業）流程、UI設計、邏輯設計、各 functions 同 procedures 既介面設計。呢幾樣工作最少精一種。

如果讀硬件，其實係電子工程既分支。如果屋企唔等你養，甚至有啲錢俾你創業，畢業之後繼續做研究，睇下學校有嘜好概念，將佢商業化，似乎係見到既最好出路。成功例子唔少：技大既無人機、城大既千里眼、理大既電動車、港大既電線充電等。未被留意，而有機會成功既項目更多，只係大學花太多精力去諗商業化。

kls12

王家爸爸 發表於 17-7-17 09:01
其實我哋當年係請中學生寫 software（只需要俾幾小時既訓練），所以 Pure Science（尤其係數學系）一定寫到 ...

是的，這是問題所在。D同學畢業後，不知去了那裡。想請教你，他們有甚麼好工？我在開放日，到大學問了幾位同學，都得不到答案

Charissema

我諗讀ICT作為一科selective應該抵讀掛？只怕讀左又唔係想像咁鐘意，怕勤力都博唔到5……

Charissema

王家爸爸 發表於 17-7-17 09:20
言歸正傳，讀電腦主要分兩類，軟件同硬件。如果讀軟件，第一個目標係做系統分析師，主要工作係：了解客戶要 ...

好清晰

王家爸爸

Charissema 發表於 17-7-17 09:48
我諗讀ICT作為一科selective應該抵讀掛？只怕讀左又唔係想像咁鐘意，怕勤力都博唔到5……
...

我會建議去書店（例如三聯、商務），搵本ICT既雞精書（例如樂思既HKDSE必殺攻略），唔駛買，花十分鐘睇下有啲嘜野學，小朋友鍾唔鍾意，有無信心讀得掂，然後再決定。

Charissema

王家爸爸 發表於 17-7-17 10:17
我會建議去書店（例如三聯、商務），搵本ICT既雞精書（例如樂思既HKDSE必殺攻略），唔駛買，花十分鐘睇下有 ...

多謝賜教

王家爸爸

kls12 發表於 17-7-17 09:40
是的，這是問題所在。D同學畢業後，不知去了那裡。想請教你，他們有甚麼好工？我在開放日，到大學問了幾位 ...

唔知道可以做嘜，似乎係大學畢業生既普遍問題。

王家爸爸

kls12 發表於 17-7-17 09:40
是的，這是問題所在。D同學畢業後，不知去了那裡。想請教你，他們有甚麼好工？我在開放日，到大學問了幾位 ...

好幾年前代過一年課，百幾個學生，來自港澳台陸都有，畢業一年之後，有啲繼續升學、有啲移咗民、有啲做空姐、有啲做空少、有啲做營業、有啲嫁入豪門、有啲做荷官、有啲炒樓、有啲自己做生意、有啲打老豆工、有啲接手家族生意、有啲唔肯講，當年市道好啲，得幾個話會做電腦相關行業。
我俾既建議係 follow your heart, take the best available opportunity, bring your brain with you。 首先要鍾意（唔鍾意一定做得唔好），抓緊好既機會（好既機會唔多，一出現就要抓緊），用心用腦去做好佢（做嘜都好，用心用腦去做，一定會比其他人成功；即使掃地都要掃得乾淨過人）。

kls12

王家爸爸 發表於 17-7-17 10:55
好幾年前代過一年課，百幾個學生，來自港澳台陸都有，畢業一年之後，有啲繼續升學、有啲移咗民、有啲做空姐 ...

謝謝！你似乎已解答了我的問題，這不止是電腦行業的問題，而是社會富裕了，要打工的人少了。