搬地址疑問，求幫忙~~~

sammylau

女兒升K3，黎緊報小學，依家住大埔，但心儀沙田學校，所以打算搬到沙田，想問問：
1)幾時需要搬？是否九月報自行分配已需要填新地址？
2)可否等到自行分配派唔到先搬？(即自行用舊地址，統一先用新地址)
3)因現時仲揾緊沙田地方，新電費單要幾時收到？定自行分配暫唔需要任何証明？
4)如被教育局抽中，是否只需補交租單？因未必打釐印或經律師
5)如果心儀學校講明扣門111先收，咁唔搬係咪即係0機會？

感謝各位幫忙🙏🙏🙏

mba34567

自行派位同住址無關，統一派位之前搬就可以，改地址截止日大概係農曆新年附近，具體日期教育局網站會有寫。改地址需要釐印租約，已簽暫未搬也可。

1)幾時需要搬？是否九月報自行分配已需要填新地址？不需要
2)可否等到自行分配派唔到先搬？(即自行用舊地址，統一先用新地址) 可以
3)因現時仲揾緊沙田地方，新電費單要幾時收到？定自行分配暫唔需要任何証明？不需要
4)如被教育局抽中，是否只需補交租單？因未必打釐印或經律師。要釐印租約
5)如果心儀學校講明扣門111先收，咁唔搬係咪即係0機會？講明規則就係規則，實情需要諮詢學校