非常後悔給小朋友入讀青衣保良局田家炳幼稚園

rietomosaka

非常後悔給小朋友入讀此學校,如果來年你的小朋友就讀或打算幫小朋友讀呢間幼稚園就諗清楚


1)小朋友唔肯番學,開頭不肯番學都好正常(因為有適應期),但隔左一段時間,小朋友一放完假,就勁唔想番學,喊曬口咁,放左學問小朋友開唔開心,小朋友係唔出聲,好驚番學去到第2間學校,小朋友一聽到老師個名,同見到有小朋友做錯事的時候,突然會勁緊張,要好長時間,先至放得低係田家炳的不愉快時刻,因為小朋友好驚係田家炳所發生的事,會係新的學校再出現


2)某老師講是非,班上有學生不適及特殊問題的學生,老師不但沒有好好保護學生私隱,仲將呢啲事周圍同班上其他家長講,引起其家長十分尷尬



3)老師粗聲粗氣地大罵學生,本人觀課和等放學期間,親自見到老師好大聲鬧學生
那麼年紀小的學生,不是應該用鼓勵的說話去教導學生嗎?
小朋友回到家,同番家長講,老師勁惡手指指話:[你地收聲][唔准嘈][唔准傾計]


4)學校非常重視比賽,無錯係可以不參加,有一次某親子比賽,班內沒有人攞到任何獎項
班主任竟然勁大聲話:[我地班下次一定要攞到獎,擺明畀家長壓力


5)迫學生食茶點,老師一定要小朋友食茶點,家長明白均衡飲食的重要性,但小朋友係新校曾經出現[夾硬食落口]情況,幸好新學校老師及時發現,仲問番家長係咪係舊校有畀老師太[強迫性]情況,家長聽到此事,感到難過


6)老師不重視和家長溝通,老師好少主動談及小朋友上學情況,其實家長都好想做到[家校合作],可惜呢間學校,上至校長,下至老師都係擺出一副不可一世的態度,家長日見老師,到係[求求其其]問一句答一句趕收工的態度.感覺真係好差,好失望,我明白係開學前的家長講座,校長講到有70-80%機會上到同區的小學,本身都對田家炳都好有希望,但我眼見學校教職員的態度漠不關心的姿態,真係感到十分失望

edconcheung

rietomosaka 發表於 17-6-26 22:48
非常後悔給小朋友入讀此學校,如果來年你的小朋友就讀或打算幫小朋友讀呢間幼稚園就諗清楚

好在轉到校，小朋友有個快樂童年。

rietomosaka

edconcheung 發表於 17-6-27 11:12
好在轉到校，小朋友有個快樂童年。

講得好啱，所以要小心觀察小朋友上學情況

infong2011

rietomosaka 發表於 17-6-27 15:36
講得好啱，所以要小心觀察小朋友上學情況

多謝你既意見！我囝囝出年讀k，都有諗過田家炳，不過依家再觀察下先

rietomosaka

infong2011 發表於 17-6-27 16:07
多謝你既意見！我囝囝出年讀k，都有諗過田家炳，不過依家再觀察下先

唔好客氣，有需要可以隨時問我

呢區仲有好多好的幼稚園可以選擇

lanmuimama

轉左邊間?

andywinky

其實我既小朋友是今年九月入讀K1, 曾經IN過田家炳, 我仲記得IN個陣時既老師好有禮貌, IN完後都有送禮物比小朋友, 然後我帶小朋友到大堂辦手續, 見到佢個大堂有好多玩具車, 於是其中幾位小朋友想坐入去玩, 其實家長都已經拉開啲小朋友, 仲同小朋友講老師無批准玩, 所以呢就無得玩, 然後有位老師, 應該係主任黎既, 她行到去班小朋友面前話, 依啲車今日唔開放唔比玩, 家長請你地看住啲小朋友, 我當時覺得個位主任對小朋友及家長既態度其實好差, 最後我地既小朋友都無擇依間幼稚園

xiaoxiaoau

回覆 rietomosaka 的帖子

多謝你既意見!

ka302wing

我記得哩間學校有open day, 我有去睇過, 我記得D老師有咩禮貌, 又惡, 唔係好理D學生...

sharonchan.0711

我仔宜家間學校都有呢种老師，因為我做家長義工睇到幾次，有d老師性格系偏惡，講野冇尾音，成日都話唔準唔得唔可以，我鐘意溫柔d既，講唔可以之餘仲話因為xx，然後俾個方向小朋友知應該點做，因為搬屋所以9月我轉校了

tuliplee_hk

唔好意思,無意否定任何人的感受，不過想講返自己的感覺。
我都係黎間學校家長,首先講返面試時,我小朋友好怕醜慢熱,面試面左6間,只有2間幼稚園老師肯花時間同佢玩,令佢講野,田家炳係其中一間。

玩具車唔開放的情況我都有遇過,當時都有老師話唔開放,無得玩,但我又唔覺態度唔好,佢都係講事實啫。


至於小朋友唔想返學,我小朋友只係唔想搭校車,學佢係想返,就係想屋企人帶佢返學。之前都講過,小朋友慢熱又怕醜,屋企又縱慣,老師開頭唔知,都同我反映過,擔心會唔會有咩問題。後來老師多D鼓勵佢,同佢慢慢熟習學校規矩,老師讚佢好左好多,講多左野。
黎間學校因為一個班主任會跟3年都係同一個,所可好處係班主任清楚小朋友的情況,唔好既,遇著唔配合的老師都幾煩。
至於老師同家長溝通方面,開學初時老師會打電話同家長講下情況,之後無事就唔會打黎。但我班主任好好,佢俾左自己手機數碼我地家長,可以whatsapp問野,當然未必個個老師都會咁做。有時小朋友唔肯剪髮,我都會叫老師係學校幫下口,佢返黎就會話要剪髮成日麻煩佢,我都唔好意思,所以無乜野,我都唔煩佢。
不過功課多左D,但揀學校時都知道,所以硬食啦,盡量達到學校要求就算。