好煩惱，可以俾d意見嗎

ALICEHUNGBB

小女今年小二，由k3開始一直補緊數×,但佢成績極不穩定，一時60幾，一時70幾，成日都係錯大意野，我就係度諗究竟補左咁耐數學，係我女兒問題定老師問題，想試下停一排，轉下私補，但大家都知呢間野好full，老師都講明走左冇得番轉頭，我就驚走左仲差過而家，佢身邊同學仔補呢間成績都穩定，係我女唔知攪乜，我都唔係依賴老師，返到屋企都有同佢溫，但次次成績都係咁，上唔到，老師都幫唔到d咩，黎緊升三年班啦，好似係度浪費時間咁，好煩惱，唔知點幫佢

Mat_Dad

如果只是錯大意野, 真的不用補, 東西都識還要補, 浪費金錢

little_yolky

ALICEHUNGBB 發表於 17-6-20 13:31
小女今年小二，由k3開始一直補緊數×,但佢成績極不穩定，一時60幾，一時70幾，成日都係錯大意野，我就係度 ...

其實由K3到小二都係咁, 我就一係轉導師, 一係轉centre, 明顯係你女女同位老師唔多夾。

我細女小一數學由上學期100分跌到下學期68分, 小二我即同佢補數X, 因為要做額外練習, 變相多咗功課, 佢勁憎, 咁我同佢講, 如果佢測驗測得好, 就唔駛佢補, 咁佢即刻測個9X俾我, 我亦守信用下學期唔駛佢補, 佢亦一直keep住9X。你囡囡咁既情況, 我就一定轉轉佢。

Littlejelly

間野好full唔代表適合你女, 我寧願轉ー轉

MonkeyGirl

yes change . 人地還人地..唔岩你女, 就要轉...

Shangrila

你試下細心分析下個女通常錯乜？所謂嘅大意嘢係發生喺同一類型問題嗎？

1998Ruby1998

粗心大意都唔會話去到 6X，佢通常錯咩？

不過補習呢樣野，人夾人，你適合唔代表我適合。我自己無論依家做補習定係以前做學生，都有無數經驗。有 d 老師真係可以「一拍即合」，就好似可以通電咁，流暢無比。有 d 老師，無論佢幾好人／幾有才，唔夾就係唔夾，同你選擇伴侶一樣。我以前補數都係咁，數X 好多人補，但係我同個導師一 d 都唔夾，成績都唔好，轉左之後成績立馬提高，同學阿媽見到我有進步都畀個女同我一齊補，但係佢補左幾堂就轉去另一間。

轉一轉都唔係一件壞事，反正天下間補習導師數之不盡。

201097

ALICEHUNGBB 發表於 17-6-20 13:31
小女今年小二，由k3開始一直補緊數×,但佢成績極不穩定，一時60幾，一時70幾，成日都係錯大意野，我就係度 ...

因大意而失分，冇理由失咁多分!應該課程內容，佢有d未明確……數學可操練習，錯的要即刻解釋，不然以後都錯。

gracelam

小一小二數學科如果测考時粗心大意極都應該有8字頭，如果平均都持續6一7x分，應該係仲未明點計。 如2位數減法，未背熟乘數表，唔理解文字題等。  

轉個老師或私補幫下清理個底子，小三學埋除數，時間計埋時分秒(60進制)等到時仲混亂。

tingting_mum

樓主， 當初我都有同你同樣的疑問， 但我就係響數研轉老師定出去搵私補， 最後決定搵私補， 現在我好肯定講我的決定冇錯， 亦冇後悔

要搵岩老師， 小朋友先會愛上學習

ALICEHUNGBB

好多謝大家意見ar~我都係決定轉老師，再咁拖落去都唔係辦法~

rulerL

其實初小啲數自己跟都得啦，唔需要俾人教。
我又陰謀論啲咁諗，會唔會因為做父母既，一直以嚟都係將小朋友交曬俾人教，自己唔多埋身同佢一齊去經歷個學習過程，令到佢其實抗拒去補習，從而補無所得呢？

little_kid

ALICEHUNGBB 發表於 17-6-20 13:31
小女今年小二，由k3開始一直補緊數×,但佢成績極不穩定，一時60幾，一時70幾，成日都係錯大意野，我就係度 ...

我小朋友都係小二， 今次數學主要計加減乘除， 佢真係稍為計多幾條就計錯， 加數唔記得進左位， 減數唔有得借左位。 或者直式寫左加，但計又用減來計。乘除就係唔熟應用。  呢啲我俾多啲練習佢做，俾唔同形式嘅文字題佢計。之後，  計錯嘅次數少左好多。 另外， 考試唔夠精神都會容易計錯睇錯題目。

有無同補習老師傾下， 補習老師可唔可以具體講到你女嘅問題？ 有無咩提意？

mystellamoon

我女都係數X補, 之前亞Sir教時, 一至三年班都Keep住9x分, 但個亞sir走後轉了Miss, 四年級成績就開始下滑, 越跌越低. 我一路諗會唔會因為高小開始深咗, 定係女老師唔夾亞女, 下年升小五要呈分都唔知轉唔轉好. 想轉都未揾到好的老師.

Happy_J

rulerL 發表於 17-6-21 02:47
其實初小啲數自己跟都得啦，唔需要俾人教。
我又陰謀論啲咁諗，會唔會因為做父母既，一直以嚟都係將小朋友 ...

同意。初小去補數，都係不停做練習。
自己首先搞清楚小朋友是否明白內容、解題，點跌都唔會太多呢？不小心最多係跌10-20分啦

ALICEHUNGBB

little_kid 發表於 17-6-21 06:13
我小朋友都係小二， 今次數學主要計加減乘除， 佢真係稍為計多幾條就計錯， 加數唔記得進左位， 減數唔有 ...

我有傾過架，佢都話平時上堂冇問題，一做卷就大意，提佢好多次又係咁，我女都係錯呢d,

MrBeast

教左幾年冇業績仲好意思話走左冇得返轉頭，係咪係alternate universe

little_kid

ALICEHUNGBB 發表於 17-6-21 12:24
我有傾過架，佢都話平時上堂冇問題，一做卷就大意，提佢好多次又係咁，我女都係錯呢d,
...

如果平時上堂無問題， 會唔會補習社教嘅程度無學校咁高或無咁深入？ 還是平日上堂無一次過做咁多條數， 一做多就唔專心？

還有，小朋友做練習， 如我發現佢又唔小心計錯， 我要佢自己揾番邊幾條計錯。 佢牙痛噉聲， 但試過幾次之後， 佢做數係小心左。

little_yolky

1998Ruby1998 發表於 17-6-20 22:54
粗心大意都唔會話去到 6X，佢通常錯咩？

不過補習呢樣野，人夾人，你適合唔代表我適合。我自己無論依家做 ...

會架咩唔會, 阿細試過唔小心計錯數錯足20分！然後再錯下D其他咁, 直式啱橫式錯呀, 列式啱計錯數呀等等, 加加埋埋又1X分, 咁咪得返6X囉。俾我踢去數X補咗一個學期, 即刻上返9X了。依家無補都仲keep到下, 諗緊出年補唔補。

little_yolky

mystellamoon 發表於 17-6-21 12:13
我女都係數X補, 之前亞Sir教時, 一至三年班都Keep住9x分, 但個亞sir走後轉了Miss, 四年級成績就開始下滑,  ...

係個老師！所以我去數X報名時, 講明要阿sir同阿大補的。因為阿大係堅唔明, 所以阿sir講得清楚D。至於阿細係miss教, 阿細係唔小心, 唔係唔識, 所以miss較有耐心。