從上而下的藝術往往會創造一些垃圾，例如朗誦比賽冠軍

judy

你睇下 朗郎 / 李雲迪 點彈琴, 就覺得之前果個會員講的彈琴要搖個身 係真有其事.

呢啲係風格，你鍾唔鍾意是另一回事，但的确好聽。

弹琴或合唱，並未出現要專登搖頭摆腦去扮嘢嘅現象。

HaYi

eviepa 發表於 17-6-12 20:25
回覆 HaYi 的帖子

//(利申, 參加左數年從未取得3甲, 自知有其它弱點, 改善中,  但上中學前會繼續參加)//

我冇興趣同能力參加廣東話比賽

ABC-DAD

https://youtu.be/F9Kxl8ohZFs
https://youtu.be/dJvVjiZyaFo

看看上面兩種不同演釋，表達出不同感動。至於學生比賽嘛，我鼓勵一種態度：就觀摩長見識而已

睇下多啲不同演繹，可以豐富欣賞嘅空間，個人品味，喜歡與否，隨便，博物館也有不同風格展品，藝術品味方面，怡情養性有之，輕描淡寫有之，嘩眾取寵而不自覺有之，不拘一格，不落俗套。

eviepa

學習大眾都不喜歡的抽象畫或朗誦，會否培養出高強的繪畫，朗誦能力？

抽象畫的遺害

有些抽象畫，如畢家索的作品非常值錢。但大家都知道，除了一小撮人受過特別訓練的人外，大眾心裡都覺得這種畫不好看。原因是這種畫並非以人類漫長演化過程培養出的審美標的基礎建立起來的，而是從上而下是畫壇大佬說了算的情況下出現的。

讀大學時，有一個project，幾個同班同學一起做。當中大凡牽涉到繪畫部分的，一律由我操刀，因為組員裡只有我受過基本的繪畫訓練。沒想到，我這丁點兒的繪畫訓練，卻對下一代的繪畫能力有非常大的影響。

有一個組員，女兒比我女兒小兩歲，和我女兒一樣，都很喜歡繪畫，都是從小接受繪畫訓練，都決心要在文憑試考好視覺藝術這一科。

這女孩讀中三時，我曾和她閒聊，聊到學習繪畫的問題。她對我說，她正在學抽象畫。我頓時顎了然，心裡面有點憤怒：誤人子弟，莫過於此！

當時，我馬上和她分析形勢，說：「初中要做的事是訓練繪畫基礎：要畫東西畫得像，要有能力表達立體感、質感、量感。當這些基礎都不甚了了前就學習抽象畫不會有好結果，因為學習抽象畫對繪畫的根基幫助甚微。就算是畢家索，他都在未創作抽象畫前，寫實畫的工夫已經非常扎實。沒有高強的繪畫根基，讀視藝會很吃力。」

言者諄諄，我盡了一個長輩的責任去提點，聽不聽卻只是人家的事。

當時，我女兒讀中五，視藝科已經是全級的一姐。當時我寫了：

《繪畫的基礎—鉛筆素描 》
https://www.edu-kingdom.com/forum.php?mod=viewthread&tid=2472905

到這個女孩讀中五時，她在花費了九牛二虎之力後都不能把視藝讀好後，決定退選這科。她班主任知道後形容為「迷途知返」。

幸好，她去年文憑試考得很好，入了港大，錯誤的繪畫教育害她不死。謝天謝地。不過，兒時的夢想也就泡湯了。

學習一些群眾都不愛看的繪畫技巧，有甚麼用？


學習朗誦有何用？

內地有一個Talk Show叫《罗辑思维》，內容不是講邏輯，而是講很多學術味道很重的話題。這是一個非常成功的Talk Show，賺錢能力很高，也是一個很有影響力的媒體。

《罗辑思维 100 武器的进化》
https://www.youtube.com/watch?v=Y9ML6beLMuc

《罗辑思维》主持人是羅振宇（羅胖），他是整個團隊的核心。他的收視，一向很高。但去年他兒子出生時請了一段時間的大假。期間分別由多個人去暫代，雖然講稿都是那班人寫，但沒有羅胖的生動講述，整個節目好像喪失了靈魂一樣，完全走了樣。可見朗誦/演講技巧的重要性。

高明的朗誦/演講/報導人很重要，因此很值錢。我們從羅胖的演譯可以見到，他無論聲調、語氣、表情、姿勢都是恰如其份：三分感情用三分的力度去演譯，毫不矯飾，聽下去流暢、自然，富有吸引力。他講述的內容不是每個人都感興趣，但就算是沒有興趣的人，聽他的演譯也不會感到他的表達形式討厭，不會覺得毛管戙。

現今香港廣東話朗誦比賽冠軍，一般都是將感情無限誇大，三分感情用十分力度去表達，死了一條金魚像是死老豆一樣。無論聲調、語氣、表情、姿勢無不如此。這樣的演譯，怎能博得大眾的共鳴？這樣的訓練，怎能訓練出羅胖恰如其份的演譯？

囝囝爸

引用網友以前的一段回文.....

「.......

有人說如果花時間在別的事情上又如何如何........對不起！真的是個不懂計算的人，如何如何，有關係嗎？

有人說對妻女要求低，生活更美滿，女兒更出色，..............如果方向正確，對別的孩子的表現形式，寬厚一點，對藝術創作，包容一點，想是很好吧！！！

這些不是道德高岸的話，而是簡單的修養而已。

.......」

囝囝爸

其實我想回應「點評」，惜字數過多，只留空白。

幾天才搵倒些例證文章，是否黔驢技窮。 你咁作文式去討論，如何致勝？ 你首篇文章作出結論，應該自我信心早已滿瀉，再繼續數篇文章，是否狗尾續貂。

你常用自己的情況，去各自回應人講的實理。半世紀前的可以作冠軍參考丶你相遇於大廈平台的女同學，短暫相識之下可作學習榜樣。唔怪得你如風水先生一樣，經常對不同學子評頭品足！對中學老師又話佢垃圾及.....，自稱博覽群書丶多讀之人，用詞如此，實覺悲哀！

以上都是你的習慣，以前每種論題，屢見不鮮，失敗成例。

little_yolky

judy 發表於 17-6-14 09:18
呢啲係風格，你鍾唔鍾意是另一回事，但的确好聽。

弹琴或合唱，並未出現要專登搖頭摆腦去扮嘢嘅現象。

我阿細學咗琴三四個月, 佢平時練習時, 見佢真係會無端端搖頭擺腦, 我諗佢真係發自內心好享受, 好陶醉。

阿大學咗幾年, 次次練琴都係好似1998Ruby咁講, 坐到成舊木頭咁, 我諗佢學琴係為咗交差。

little_yolky

HaYi 發表於 17-6-12 14:49
朗誦比賽我個只參加過普通話及英文的朗誦,

普通語的感覺如樓主形容是誇張到似內地80年代的小朋友指定表演 ...

都唔可以話人文比賽唔客觀既。我以前都係有你既諗法, 不過, 自從我一邊pak panadol, 一邊聽咗幾年阿女唱粵曲(if你同意粵曲係一種藝術), 我漸漸分到好壞喇。

阿大係校際音樂既既常客, 佢都參加咗三年, 明顯地, 原來評判都唔係主觀既, 我今年嘗試print out個名單出嚟, 一邊聽, 一邊自己俾分, 我tip中咗冠亞季軍, 原來真係幾明顯既。


不過, 校際音樂節就如同升中大抽奬, 只要報名就可以參加, 各參賽者水平分野當然比較明顯。月初, 阿女去參加另一個全港比賽。本來我信心滿滿, 初賽時阿女居然第一粒音無端端痰上頸, 我嬲到想即刻衝上台打佢一身。因為要等埋青年組初賽至公布入圍名單, 仲有粒幾兩粒鐘, 我諗住決賽無望, 唔好浪費時間想先走, 但唔知點解阿女堅持要留到最後。等呀等, 終於公布名單。又唔知點解, 阿女居然入咗圍, 我好驚訝但佢個樣又唔係好驚喜, 好似理所當然咁。


到決賽有5名參賽者, 分冠亞季及兩個優異奬。我哋既目標係爭季望亞。因為其中一個參賽者真係好勁(我覺得), 阿女仲靜雞雞比賽果朝去老師度操多次, 仲要之前一日重金請咗平時表演位師傅同佢練現場音樂。老師之前教咗佢一招絕地拉腔法(唔知咩D氣上到印堂, D聲响空中轉下轉下, 反正只有佢兩個知係乜)。


到阿女唱了。我幫佢設計咗一個黛玉造型, 一出場, 台下婆婆 "嘩嘩" 聲。一切順利, 點知...........無端端有兩個字甩咀！！！台下一片 "唉吔" 可惜聲。我真係嬲到爆炸, 响D咁大型既比賽佢居然走嚟甩咀, 首歌唱過幾百次都無甩過, 比賽甩咀！！！今次輪到C6話想走, 但因為優異都有奬狀, 同埋人質被keep响後台, 所以唔走得。


到頒奬了, 阿女居然又攞到奬！仲要係亞軍。季軍無甩漏啊, 而且經驗好好, 為什麼阿女有亞軍? 因為唔似校際比賽, 呢個比賽有五個評判, 所以道理上應該比較公平。我知道阿女唱得好好, 其他參賽者既優點缺點基本上我都聽得出來, 但是, 去到細微既地方, 好似我呢D平凡人就無辦法了, 真係要專業人士先做得到。這些標準一定是上而下的, 因為係最高標準。藝術太多範疇了, 我們真係要好好學習學習。

MrBeast

little_yolky 發表於 17-6-19 12:09
都唔可以話人文比賽唔客觀既。我以前都係有你既諗法, 不過, 自從我一邊pak panadol, 一邊聽咗幾年阿女唱粵 ...

九歲版celine 都 甩咀la , eason chan 夠忘記歌詞，最重要係冇放棄執返，值得讚下

little_yolky

MrBeast 發表於 17-6-19 12:30
九歲版celine 都 甩咀la , eason chan 夠忘記歌詞，最重要係冇放棄執返，值得讚下 ...

咁都讚? C6嬲到想叫佢退休。

HaYi

粵曲是係一種人文藝術,  我不懂粵劇, 但亦知道有標準的手勢步伐不錯字之類,  所以同意人文藝術基本上在基礎評分上仍需先過客觀標準, 但在勝負比較的層面一定是以評判喜好出發,  ab 在基本分相同,
A>b取了獎, 如何分高下?    可能妳女的演出(計埋生動同造型...)真比較合符評判的理想呢.

我比較介意的是樓主幾個論點, 可能樓主的重點是想帶出現今朗誦比賽的評判標準不要得, 號召大家破舊立新 (或是回復傳統), 齊齊反對,

我其實亦是讚成一般的普通話朗誦評判準則在我等平常人眼中流於誇張 (粵語是否相同我沒有經驗), 但我不肯定此類誇張是表演形式的一種正常要求定是評判經年累積而成的 "不合理準則", 而且專業的角度同大眾的接受度可能真是兩碼事, 并不是我等常人用幾個例子就可以判斷的, 所以是不是要反對現今的習慣標準, 我暫無意見.  

但我清楚知道參與了現在的比賽的朋友, 雖未必全盤接受比賽準則, 無論結果如何, 仍抱住學懂多些其它益處 (如不怯場等) , 作了不同程度的付出,  參加此類比賽點都不可稱為造成垃圾吧.

無知人

eviepa 發表於 17-6-11 15:42
蕭若元曾取得全港朗誦比賽冠軍

我的偶像，才子蕭若元在他的一個網台Youtube視頻中提到，他年少時曾奪得196 ...

大幅度擰頭、面部肌肉跨張地抽搐
、除了噁心、扭曲仲有乜形容呢 ?
樓主太勇了，利申者一定不放過你。

little_yolky

HaYi 發表於 17-6-19 19:46
粵曲是係一種人文藝術,  我不懂粵劇, 但亦知道有標準的手勢步伐不錯字之類,  所以同意人文藝術基本上在基礎 ...

是的啊, 朗誦真的是..........很奇怪的標準。不過, 比賽前都要練足幾個月, 是不是參賽者為的是要乎合評判的喜好而練習呢? 我不知道, 但我只知道小朋友練習得很努力。而且, 比賽又真係獲益的。

話說一般校際音樂節粵曲組都只係考唱一門。阿女小二果年, 首曲有唸一句, 九成參賽者(包括阿女)都以正常速度唸出口白。到評判發言時, 原來粵曲口白要講得慢, 不可太快用正常速度, 要配合背景音樂(當時大部份參賽者都唸完口白企响度等背景音樂完)。自此我就明白粵曲口白要講慢D, 每次比賽/表演前都响虎度門提阿女：慢D, 慢D, 再慢D...........

HaYi

little_yolky 發表於 17-6-20 10:30
是的啊, 朗誦真的是..........很奇怪的標準。不過, 比賽前都要練足幾個月, 是不是參賽者為的是要乎合評判的 ...

所以粵曲是比流行曲更專門的藝術, 如我是一般人不懂可能會覺得speed 太慢, 但專業有佢地的要求, 參加比賽的人一定是明白了接受了基本要求才會進場比賽.  
參加此類比賽, 事前操練為取獎的心態肯定有, 但取獎未必是唯一目標, 而且肯為了完全迎合評選標準而扭曲誇張個人表演的人真正有幾多, 相信不至於大多數吧.  

little_yolky

HaYi 發表於 17-6-20 10:44
所以粵曲是比流行曲更專門的藝術, 如我是一般人不懂可能會覺得speed 太慢, 但專業有佢地的要求, 參加比賽的 ...

好似話, 朗誦.............真係要咁的..........唔係會失好多分..................

HaYi

Pth獨涌較多，英文獨同英普集涌少_

Mattison

現代（ 重點是現代）普通話朗誦跟英文朗誦最大的分別是他們來自兩個絶大不同的文化系統 曾經彼此非常接近 但一個被催毀再被建立 一個延綿流長 去蕪存菁

如果有幸聽到民初徐志摩的吟哦 現今的評審能有一席

little_yolky

HaYi 發表於 17-6-20 12:38
Pth獨涌較多，英文獨同英普集涌少_

不過, 無論如何, 朗誦相比較運動同音樂, 又係比較有機會攞到校際奬既項目嚟。所以年年朗誦節都好多人參加。

HaYi

係呵, 我個都參加左好多年英廣, 仲有獨唱鋼琴都幾年, 其實都同你一樣知道大約本場次邊個會win (勁人在另一場就冇計). 所以評判都是有跡可循 (support or not 另計)
  
今年英詩我場的冠軍都是同學仔兼好友, 仲是阿媽教不經老師, 真是非常為佢開心, 通常我個都會同第3名的差一分的距離, 冇, 佢有D野做唔到我的要求, 有D野做不到評判的心水, 但overall 都學到好多. 下年小學最後一年參加啦, 也許要請個老師教下.

little_yolky

ABC-DAD 發表於 17-6-14 12:14
https://youtu.be/F9Kxl8ohZFs
https://youtu.be/dJvVjiZyaFo

Honestly, 我兩種都唔鐘意。