醫生,智力評估中心出錯,我小朋友是正常的(真實例子)

Olympian

有機會會評錯，但始終錯的機始終好細，最好在政府評。一個自閉小朋友會用政府好多資源。唔會亂來的。就算評錯自閉，健康院比得你去 CAC評估，小朋友都好大機會有唔同的問題需要跟進，到時需要的資源和知識之多，不是你現在能想像到的。

legolas625

老實講，我識唔少A仔家長，評錯的機會係細，通常真係有野，尤其是政府評估，家長唔好見到呢個POST，就充滿幻想，以為個仔會變正常，耽誤治療。

DearBabie

6437oooo 發表於 17-6-19 11:33
我個女都被那打素醫生評錯

其實是我有自閉  我個女正常   只是我個女細個時跟得我多  學咗我啲行為

其實如果自閉可以好似你咁，養兒育女，自唔自閉都唔重要。

lobb2015

push 吓先。等睇發展。

Sappy_Kerry

等睇後續

芒果米池

樓主你好，我都想講下我小朋友嘅情況，1.5歲左右已經開始出現好多自閉嘅特徵，之後排期排左政府嘅評估，到兩歲評估得出佢係有自閉症狀，當時佢上N班已經有很大困難，所以學校要佢重讀N班一年，同時等派兼收學位，而且兩歲半開始到外面的機構做單對單嘅訓練。

再將我自己同佢嘅相處模式改變， 將自己投入左佢嘅世界當成朋友一樣，好似一個小朋友咁同佢玩同佢溝通，再俾多啲安全感佢，之後情況就急劇好轉，見到佢一路一路進步得好快，直到而家差不多六歲，讀緊K2班。

我眼見年前嘅佢，已經同一般小朋友冇太大差異，而且更乖更守規矩，其實我好希望佢還有一年K 3嘅栽培，可以成為一個正正常常沒有問題的小朋友，因為一年嘅時間真係會有好大嘅進步空間。

而家我覺得佢嘅行為只係唔夠信心，比較怕失敗，但係佢就唔怕陌生人，有一點慢熱。如果有一種人係比較惡形惡上或者嚴肅一點，佢就會有少少怕。

其實會唔會有機會一年之後會好好多呢，好希望佢隨着年紀長大會一啲事都冇。因為我細個嘅時候性格都係差唔多，見到我媽咪嘅朋友都唔太樂意去叫人同打招呼， 係好怕羞，但我聽專家講通常自閉症遺傳嘅機會好大，但多數都係爸爸遺傳落去，對好大機會係隱性唔明顯，所以完全無法知道爸爸是否有自閉症。但我就覺得我嘅情況之下，佢嘅性格似我多一些。

所以我依家對於升小學時候填果份入學申請表好迷惘，完全唔知道田佢有自閉症還是沒有自閉症比較好，因為我好想多一個最後嘅機會去叩門，雖然我都知道叩門嘅成功機率係好低，因為相比一些正常而且活潑的小朋友，真的很洩底，佢唔識點表達自己而且怕羞。

之後我再睇埋你呢個post其他jm嘅回覆，我在嘗試問佢A或B箱嘅問題，佢真係答小珊會覺得件物件放喺B，我好失望。

可否隨便給我一點意見，謝謝！

lobb2015

芒果米池 發表於 17-6-30 19:01
樓主你好，我都想講下我小朋友嘅情況，1.5歲左右已經開始出現好多自閉嘅特徵，之後排期排左政府嘅評估，到 ...

答 A 咪啱囉？！

芒果米池

lobb2015 發表於 17-7-1 21:00
答 A 咪啱囉？！

Sorry 我打錯左，佢答左B。

piglet0529

legolas625 發表於 17-6-21 13:05
老實講，我識唔少A仔家長，評錯的機會係細，通常真係有野，尤其是政府評估，家長唔好見到呢個POST，就充滿 ...

其實很多爸爸比媽媽更不能接受自己小朋友是自閉的事實

piglet0529

芒果米池 發表於 17-6-30 19:01
樓主你好，我都想講下我小朋友嘅情況，1.5歲左右已經開始出現好多自閉嘅特徵，之後排期排左政府嘅評估，到 ...

掷界case不用填，你覺得唔講人地唔知既咪唔講，叩門过後七月初交番比學校便可以

rafaelbaba

lobb2015 發表於 17-7-1 21:00
答 A 咪啱囉？！

4歲評估,有問過飛機快,還是火車較快~

lobb2015

rafaelbaba 發表於 17-7-4 16:22
4歲評估,有問過飛機快,還是火車較快~

呢個問題大人都未必識答

rafaelbaba

回覆 lobb2015 的帖子

當時我都好似你這樣想,問醫生,醫生說這歲數小朋友會答到的

irenelwl

我仔因家姐上讀寫訓練時被一位路過的社工指出行為情緒差, 叫我留意有沒有自閉症狀, 我一直以為佢似ADHD, 有係醫院做發展監察。當日詳細問左社工何為自閉證再上網搵資料, 發覺得有很多位在社交情緒發展吾合格, 跟住便立刻搵訓練再在下次醫院的發展監察要求醫生轉介CAC做評估。我仔講野無問題, 係評估時智力稍高, 如果唔係當日個社工同我講及解釋自閉症, 我唔會意識到, 可能就拖到出現社交問題去到小學先知 (之後我真係識左幾位朋友仔智力發展都OK, 但到小一先比學校搵到出黎似A再評估係A). 而評估當日我都有問個CP, 點可以係評估咁短時間證實到我仔係A仔, 佢答我主要還要聽埋家長對子女的日常觀察, 當然臨床都有幫助決定, 而去CAC評估前, 訓練中心的特教, 也有教我POINT FORM咁寫低小兒的行為問題同習慣。
今日我仔拎小一的成績表, 操行A-, 在學校待人及禮貌係A, 在學校交足功課, 但如果問我佢係咪評錯, 一定唔係, 因為佢有d特徵而家都有, 例如狹窄興趣, 但佢係學校可以控制好好, DD我覺得係這2年多來訓練的成果. 所以係咪A都好, 有咩短處咪去加強下佢, 好過忽視左。

wan628

crabooo 發表於 17-6-7 16:41
自閉症係無擲唔擲界的.如果有自閉症的就是有,沒有的就是沒有.
而所謂"擲界"的只是未能確定小朋友是否有自閉 ...

自閉係有"踩界"例子，因為目前評估方式只係靠行為推斷，當然結果亦視乎當日小朋友狀態，所謂"踩界"就係唔係中哂所有格仔，但係有D位比同年小月友明顯唔同。例如：有眼神接觸但極度固執。
利申：自閉症治療師

lobb2015

wan628 發表於 17-7-6 16:57
自閉係有"踩界"例子，因為目前評估方式只係靠行為推斷，當然結果亦視乎當日小朋友狀態，所謂"踩界"就係唔係 ...

咩係自閉症治療師呀？

wan628

lobb2015 發表於 17-7-6 20:00
咩係自閉症治療師呀？

小朋友確診自閉症之後，政府一般都會assign言語治療師同職業治療師，但事實上有更針對自閉症症狀嘅訓練，唔係淨係說話同感統，包括與人溝通動機、固執行為等等。常見嘅訓練係ABA或者RDI。

rafaelbaba

回覆 wan628 的帖子

請問ABA還是RDI 較好?

wan628

rafaelbaba 發表於 17-7-7 13:01
回覆 wan628 的帖子

請問ABA還是RDI 較好?

ABA訓練目標比較實在，有checklist逐個tick，同埋token獎勵系統好容易上手，不論係家長定係老師都容易學，同埋ABA一個星期同治療師見面嘅鐘數比較多，所以好多人反映都係話好快見到效果，由唔講野到講野都好快。但係同時，如果ABA治療師未夠經驗，或者家長/老師單靠token system一成不變，追住個checklist當任務咁逐樣做，但係唔識考量小朋友點樣先叫掌握到某種能力，就會出現啲唔同嘅問題，例如：小朋友學左開唔到餐盒就要叫媽咪，去到學校都叫媽咪，明明係要叫老師，但係轉唔到；有獎就做，冇獎就唔做。
RDI訓練目標飄好多，唔係追住唔同行為做，係追啲動機、思考、彈性等等（就咁講都好飄），同埋對父母參與度都好高要求，因為治療師係同時教家長同埋教小朋友，變左家長自己都要勤力做返佢地自己嘅訓練目標，例如同小朋友溝通方式、點樣將日常生活野分拆成小朋友可以做到嘅任務、點樣升級降級等等。所以如果父母兩個人之間未有共識點協調，就會做得好辛苦，尤其係如果小朋友本身除左自閉症症狀仲有其他需要（感統、智能、），家長自己去做嘅信心就更低。

rafaelbaba

wan628 發表於 17-7-8 01:16
ABA訓練目標比較實在，有checklist逐個tick，同埋token獎勵系統好容易上手，不論係家長定係老師都容易學， ...

現在更加明白，多謝晒！