大埔校網升中想轉九龍城校網

tpmon

想問大埔區Band 1頭，升中若想搬屋到九龍城區大抽獎，能否keep 到Band 1中左右的程度？

因心儀九龍城區Band 1中的中學，如華英，迦密，旅港，黃芴南，何明華銀禧等。

gracelam

tpmon 發表於 17-6-4 16:11
想問大埔區Band 1頭，升中若想搬屋到九龍城區大抽獎，能否keep 到Band 1中左右的程度？

因心儀九龍城區Ban ...

大抽獎只要係band 1生，冇分頭中尾都可以抽任何一間band 1中學，邊緣人就除外，即係咁講，如果本身係band 1尾，去强區如九龍城，咁就危危乎，有可能跌去邊緣人甚至band 2。

義氣仔女

大埔都有好多勁既中學, 何需走出去同人爭呢

little_yolky

義氣仔女 發表於 17-6-5 07:40
大埔都有好多勁既中學, 何需走出去同人爭呢

何以見得?

little_yolky

tpmon 發表於 17-6-4 16:11
想問大埔區Band 1頭，升中若想搬屋到九龍城區大抽獎，能否keep 到Band 1中左右的程度？

因心儀九龍城區Ban ...

即係咁講, 如果小朋友係B1頭, 轉去九龍城網當然無問題, 因為大抽奬都係B1咁抽, 係咁當然去九龍城。另一方面, 就算唔好彩touch wood係B2甚至B3學生, 就更係九龍城網優勝, 因為九龍城網B2B3學校都比大埔選擇多, 尤其係B2生, 大埔真係好難揀。如果係B1生, 仲要B1頭, 响大埔就只有柏、莫、王三間揀, 選擇當然係小好多。

mrs.so

回覆 little_yolky 的帖子

認同
大埔既中學質素叫做最穩定只有三間

我都贊成大埔BAND ONE學生嘗試衝出大埔, 向沙田九龍一試, 當然邊緣人就要想清楚,

好似舊墟/阮鄭家長好進取外區, 黃建常就挑戰耀中國際亦成功入讀, 既然有機會唔試唔甘心

little_yolky

mrs.so 發表於 17-6-5 12:49
回覆 little_yolky 的帖子

認同

其實我反而覺得邊緣人或B2/B3更要轉區, 大埔B2好既學校真係比較少, 其他區連B3校都有好多揀。

mrs.so

little_yolky 發表於 17-6-5 12:54
其實我反而覺得邊緣人或B2/B3更要轉區, 大埔B2好既學校真係比較少, 其他區連B3校都有好多揀。 ...

B2B3 我自己在乎就係校風及品行

如果外區就讀，家長都要好了解清楚學校附近環境，留大埔原因只係熟悉區內，亦要睇孩子本身性格，萬一係好性好動易動搖未必適合跨區。

義氣仔女

little_yolky 發表於 17-6-5 09:51
何以見得?

王記，莫記，迦密，恩主教都係好野黎架喎

依個年代好似話沐恩都好勁

ILoveCinderella

little_yolky 發表於 17-6-5 09:54
即係咁講, 如果小朋友係B1頭, 轉去九龍城網當然無問題, 因為大抽奬都係B1咁抽, 係咁當然去九龍城。另一方面 ...

我都認同

little_yolky

義氣仔女 發表於 17-6-5 13:49
王記，莫記，迦密，恩主教都係好野黎架喎

依個年代好似話沐恩都好勁

唔係話唔好, 但沐同恩既DSE成績以B1中學嚟講就真係差咗D。老實講, 莫呢兩年DSE成績都唔公布, 咩原因就真係大家心照, 王就一直保持水準, 同其他外區中學比都係B1B-B1C成績, 真係有B1A成績既, 都只有柏, 但佢個教育理念又唔係人人啱。出面天大地大, 選擇多好多。

little_yolky

mrs.so 發表於 17-6-5 13:12
B2B3 我自己在乎就係校風及品行

如果外區就讀，家長都要好了解清楚學校附近環境，留大埔原因只係熟悉區內 ...

我見樓主話可以搬屋, 所以先咁講。

tpmon

義氣仔女 發表於 17-6-5 13:49
王記，莫記，迦密，恩主教都係好野黎架喎

依個年代好似話沐恩都好勁

主要為孩子將來工作著想。大埔的中學（除了住開大埔的街坊），出面根本無人識。

大埔的人講到迦密柏雨幾勁校規幾嚴又如何 , 根本出面冇人知。反而華英，迦密（何文田哪一間）,黃芴南這些校名, 出面個個識。

北區的鄧顯，反而出面很多人都聽過,個名仲勁過很多傳統中學！

義氣仔女

我自己喺大埔讀中學, 仲係讀B5既中學, 但最後都入到大學, 其實只要個小朋友努力同意志堅定, 讀咩學校都唔大分別

小女正正就係讀緊樓主所提及過既九龍城某中學, 對我黎講真係不外如是

鄧顯就當然勁啦, 係堅有實力既學校

YuYuMother

讀書不是為有無人識.....

如果為左將來人際網絡，我想樓主應target更出名的學校？

大埔學校其實好好。小女在區外就讀，小兒在大埔就讀。為佢地選學校，我係搵一間適合佢地讀而又可發揮所長既學校。

little_yolky

tpmon 發表於 17-6-5 21:23
主要為孩子將來工作著想。大埔的中學（除了住開大埔的街坊），出面根本無人識。

大埔的人講到迦密柏雨幾 ...

如果小朋友只讀完中學課程, 其實讀咩學校都無所謂了, 但如果小朋友讀完大學或以上, 我諗入三大會較邊間中學重要D。出嚟做嘢, 都係講自己能力多D, 其他真係無乜所謂。如果講前途, 迦密柏雨DSE成績好過黃笏南好多, 應該優先考慮柏雨。鄧顯就因為平均成績都好勁, 所以又慢慢多人識, 但都唔會有幾多人由九龍港島走入去北區考。無所謂啦, 交通合適, 課程合適就可以了。雖然話我哋大埔校網唔係最理想, 但比北區又好好多了。佢哋真係慘慘慘。

mcl203

little_yolky 發表於 17-6-6 12:32
如果小朋友只讀完中學課程, 其實讀咩學校都無所謂了, 但如果小朋友讀完大學或以上, 我諗入三大會較邊間中學 ...

個人睇法，若可以揀既話，選江湖地位高既中學係中學階段成長路仍有好處，包括小學階段。學術上可能各校難分高下，但若論到配菜，知名度高既中學往往有唔顯眼既優勢，最近我小朋友開始接觸某D校外培訓申請，原來係申請上係有少許優勢，對佢地認識/探索前路係比較容易D

little_yolky

mcl203 發表於 17-6-6 12:48
個人睇法，若可以揀既話，選江湖地位高既中學係中學階段成長路仍有好處，包括小學階段。學術上可能各校難 ...

咁, 如果可以揀, 我當然想阿女入st mary, maryknoll呢D啦..............

mcl203

little_yolky 發表於 17-6-6 12:51
咁, 如果可以揀, 我當然想阿女入st mary, maryknoll呢D啦..............

個人偏向，都係果句，有得揀選江湖地位高既，唔好單睇成績。又當然，每個人睇法唔同，選岩自己既路行。

tpmon

mcl203 發表於 17-6-6 12:48
個人睇法，若可以揀既話，選江湖地位高既中學係中學階段成長路仍有好處，包括小學階段。學術上可能各校難 ...

我自己打工，都知道有d老闆是簡單找個申請者讀聽過的中學和大學來interview。

我們自己找工，同樣都知道有些老闆只看你是否在某某大機構有工作經驗，才找你見工。

香港地就是咁現實。