東莞同鄉會方樹泉小學係米好差？

faikam

Mansoor 發表於 17-6-3 16:56
我仔今年升小一，第一輪自行選校已經揀左方樹泉。因為我老公係南亞人，我考慮到丈夫係宗教方面情況，方樹泉 ...

Well-said! 不過無宗教考慮嘅人，應該唔會放方樹泉做第一志願，始終第二甚至第三志願都好大機會入。奈何呢區頭五間最受歡迎學校都係天主或者基督教，不過揀學校真係一定要以適合小朋友為優先，同埋近屋企都好緊要:)

faikam

Dannyng 發表於 17-6-3 17:56
其實我接受寶校，因為我亦知道自己小朋友不適合讀名校。但我係35區架。要派都派反35寶校比我。
而家仲要去 ...

同我朋友一樣，不過呢D通常九成係填表策略出錯，尤其今年咁多學生。Anyway，祝你可以揾到間近返D屋企嘅學校:)

faikam

iansung 發表於 17-6-3 19:06
方樹泉上年級考40名內都入英中....有一個入聖羅撒及成大群銘基

方樹泉近年一級應該都係得60幾人，你肯定資料無錯？雖然我都識人讀方樹泉考級十幾入聖芳濟，不過中學讀得比較吃力，可能因為中文唔好。

faikam

bearclub 發表於 17-6-4 09:11
英中一定比中中好，起碼接觸多啲英文，學多啲英文字先啦～ 喺中中讀，個小朋友要自己好努力去接觸英文先得 ...

如果培正同嘉道理爵士，你揀邊間？我相信大部份人都會揀中中嘅培正

iansung

faikam 發表於 17-6-5 01:24
方樹泉近年一級應該都係得60幾人，你肯定資料無錯？雖然我都識人讀方樹泉考級十幾入聖芳濟，不過中學讀得比 ...

上年六年級是沙士年，即出生率很低，形成中等成績學生錯配入到英中。這情況很普遍。而考40名內的學生，他們是自行兩間，選擇跨區而進入英中的。

至於入讀英中（聖芳濟）程度跟不上的情況。確實有這情況發生。原因是該校的學生英語水平一般，但派位結果卻不錯，加升上英中後環境轉變。適應需時，令學生容易放棄。成績自然一落千丈。這情況在其他小學也會發生。

iansung

faikam 發表於 17-6-5 01:31
如果培正同嘉道理爵士，你揀邊間？我相信大部份人都會揀中中嘅培正

你用培正去同嘉道理去比較有欠公平，通常會用教育局在1998年的劃分，約130間純英中去作準則。而嘉道理屬於直資，可以自由選擇教學語言。加上有非華語學生，令它必須以英語授課。

faikam

iansung 發表於 17-6-5 02:47
上年六年級是沙士年，即出生率很低，形成中等成績學生錯配入到英中。這情況很普遍。而考40名內的學生，他 ...

其實我無惡意，我都係因為朋友仔派咗方樹泉，先睇下學校相聯資料，不過佢地官網無實際派位人數，只有列出學生派咗去邊D中學。

faikam

iansung 發表於 17-6-5 02:57
你用培正去同嘉道理去比較有欠公平，通常會用教育局在1998年的劃分，約130間純英中去作準則。而嘉道理屬於 ...

例子係比較extreme，不過我都係想帶出，英中唔一定係靈丹妙藥嘅信息。

sissysze

faikam 發表於 17-6-5 01:24
方樹泉近年一級應該都係得60幾人，你肯定資料無錯？雖然我都識人讀方樹泉考級十幾入聖芳濟，不過中學讀得比 ...

只要信，不要問

sissysze

poison2 發表於 17-6-4 02:43
方樹泉學校網站資訊清晰,升中派位以及每班人數結構一目了然。
非華裔學生12網SP及SJ都有。又如何?
那些甚 ...

可否分享升中資訊，小的不才，完全揾唔到，謝謝

bearclub

faikam 發表於 17-6-5 01:31
如果培正同嘉道理爵士，你揀邊間？我相信大部份人都會揀中中嘅培正

我只係以教學語言政策嚟講，覺得英中一定好啲，大學主要都用英文，早啲適應好好多

www

Mansoor 發表於 17-6-3 17:18
係名校讀，壓力大競爭大，小朋友如果唔太標青，會好打擊自信心。
係寶校讀，自己教導有方，小朋友突圍機會大，入到好中學亦非不可能。

世事唔好太二分，香港的學校，大部分唔算「寶校」、又未算「名校」。

睇留言，家長唔想子女入讀「寶校」，唔代表要讀「名校」。好多四出叩門的家長有「一般學校」已經接受啦。

派得唔好，要四出叩門的家長其實好徬徨，請體諒。

Mansoor

www 發表於 17-6-5 09:26
世事唔好太二分，香港的學校，大部分唔算寶校、又未算名校。
睇留言，家長唔想子女入讀寶校，唔代表要讀名 ...

就係因為世事唔係二分，但偏偏好多家長唔明呢個道理，先有「寶校」呢個名詞出左。
寶校只可以話唔係熱門主流之選，未至於去到尤如洪水猛獸咁可怕。但偏偏有人派到就會有另外一D人說三道四云云。

睇數據係合理，但都要睇實際情況。冇人寫包單自己小朋友一定係學業上成材，小朋友可能有其他專長，選一間就腳、適合就可以，我唸大部分小學都係校風純樸，應該唔會係學校有毒販或三合會成員掛？

但偏偏就係太多家長會想自己仔女入名校熱門學校，先出現咁多令人失望的場面或者造就所謂「寶校」的名詞。

mayyylai

Saboc 發表於 17-6-3 19:24
呢位家長講野咁有教養唔知佢小朋友有幾巴閉！

佢段留言已經 block 咗，但睇返你哋比佢嘅 comment, 就睇到佢段文，我都覺得好過份，南亞小朋友唔得人驚，做父母唔教就真係得人驚，咁快教小朋友標籤人哋就有問題囉

poison2

回覆 sissysze 的帖子

學校概覽 > 計畫與報告書 > 學校報告 2015 - 2016 年度 > 5.3. 升中派位情況:
http://www.tkfsc-school.edu.hk/it-school/php/webcms/files/upload/tinymce///20161115_1516schreport_1479207314.pdf

Correct me if I am wrong.

sissysze

poison2 發表於 17-6-5 12:17
回覆 sissysze 的帖子

學校概覽 > 計畫與報告書 > 學校報告 2015 - 2016 年度 > 5.3. 升中派位情況:

謝謝你，係咪呢份？我懷疑我有事，我睇哂37頁都見到到有升中資料，亦揾唔到5.3

17-6-5 12:53 上傳

下載附件 (73.53 KB)

poison2

你的是方樹福堂基金方樹泉小學 - 新界粉嶺。
本帖是東莞同鄉會方樹泉小學 - 九龍油麻地。

sissysze

poison2 發表於 17-6-5 14:18
你的是方樹福堂基金方樹泉小學 - 新界粉嶺。
本帖是東莞同鄉會方樹泉小學 - 九龍油麻地。 ...

我果然係發雞盲。謝謝

sissysze

終於找到了

17-6-5 14:36 上傳

下載附件 (83.65 KB)

se6b03

sissysze 發表於 17-6-5 14:32
我果然係發雞盲。謝謝

係呀！眼大好容易睇錯。好似呂明才，循道果d，全港有幾間。