踐踏小朋友的自信心既小提琴老師

悠揚

我女八歲, 5,6歲開始在奧X城一間有規模的琴行學小提琴, 一向都是當興趣玩下, 今年才讓她報考試.

教佢既係一個長頭髮有鬚既阿Sir, 考之前一個月, 見佢都懶懶閒, 要考的範圍, 我女同我講, 竟然未教晒, 於是我催促阿Sir 要在考試前教好, 亦反映如果阿女未得, 可以加堂, 但阿Sir 沒有跟進. 我們唯有在考試前督促她日日練琴.

但我個女好怕琴試, 考試前一晚直頭瞓唔到, 我好奇怪, 因為佢從未試過, 唯有安慰佢鼓勵佢勇敢面對.  

當日考完出來, 阿女話其中一part scale, 佢有唔識, 因為阿Sir 無教到, 我知道後嬲到震, 同琴行反映及即時轉老師. 琴行後來回覆話因為阿Sir 覺得佢掌握得唔好, 所以唔教佢咁多, 怕佢亂喎.

同一間琴行,  有衰人亦有天使, 琴行幫阿女搵左個鋼琴伴奏老師, 呢個Miss 好到震, 不斷鼓勵佢, 稱讚佢拉得好好聽, 又教佢拍子之類, 俾信心佢. 考個日仲早到半小時, 要阿女考前拉多幾次, 幫佢練習. 我女話好驚, 就鼓勵佢.

前天, 終於收到考試成績, scale 個part  果然 fail 左, 但整體是 pass , 我女才同我說, 原來個阿Sir 一直都同佢講, 佢考試肯定唔合格, 佢拉錯音都鬧佢無用. 可能我女懦弱, 又覺得自己真係唔叻, 所以唔同我地講, 直至收到成績, 証明佢都不是咁差才敢說.

踐踏小朋友的自信心, 這個阿Sir 真是老師中的敗類. 依家女繼續學, 我地都問多左學成點, Miss 教成點, 興趣班都是想增強朋友能力及自信, 遇著呢D 敗類, 真正唔好彩.  

Jane1983

回覆 悠揚 的帖子

係青x定通x? 教琴老師係良莠不齊，遇個咁離譜的，亦難怪你嬲。

1998Ruby1998

咪話小提琴，教琴都良莠不齊。試過一個阿 Sir 好嚴格同埋鍾意話學生「冇用」，如果上堂表現唔夠好就話「浪費佢時間」就會提早落堂叫你返屋企再練過，所以堂堂都上得唔開心。然後佢話「你咁樣考試，合格執到啦」，呢 d 說話就算係大人聽完都唔舒服，報左一兩個月就停。

轉左另一個 Miss，好有心機，樂譜一段一段教仲會一齊彈，只不過佢好容易拉傷手同埋病，但係佢一定補堂唔會白收錢，仲會上堂講下人生道理。所以之後成績派返黎落 Distinction。

964000

教幼童我prefer搵女老師，男人就算佢爹D都冇耐性啦，女性始終溫柔DD。（當然有例外）

悠揚

回覆 Jane1983 的帖子

青X.
不過不是琴行問題, 是老師問題. 伴奏老師都是琴行安排, 但非常有耐性, 而且不斷鼓勵我女, 考當日還早到幫我女再練一練.

悠揚

回覆 964000 的帖子

係, 以後都唔會搵阿SIR, 沒想過有人咁衰.

悠揚

回覆 barbiBB 的帖子

好好多, 轉左老師, 繼續學緊, 都學得開心.