昨天黑雨……十分不滿學校的安排!!!

sodamommy

昨天黑雨，11:40收到學校電話叫我搵人接走小朋友。黑雨教育署都叫人留在安全既地方啦!!! 我同老公返緊工，黑雨截唔到的士，又塞車，打返學校叫我要1:30前好來到接走阿仔。唯有叫姐姐帶埋個細既飛的去學校，黑雨我都擔心姐姐呀>.<。點知去到學校姐姐話見到幾架校車喺學校門口拉隊走人，我打比校車叔叔問，佢話因為11:45前掛黑雨所以就冇校車接送，好離譜呀!!!!

上年黑雨我已經同學校反映了意見，今次又係咁?!我唔明白點解學校唔可以彈性d處理件事? 第一，黑雨小朋友應該留在學校，食吓茶點播吓EVI，叫我去接我喺條街都有危險。第二，既然校車已經到了，不如叫校車等一陣，好似尋日咁12:30已經轉黃雨，點解可以咁求奇架?!

學校今次既安排真係好差，唔該檢討一吓，與時並進啦!!

pekklekiki

尋日確令大家都好狼狽, 時間好尷尬, 好接近放學時間.  攪到家長好頭痛要短時間安排自行接送.

冇校車, 相信係校車公司的政策, 因黑雨中服務, touch wood 有乜意外的話, 保險唔保的, 所以校巴都不敢冒險

明白呢一點後, 只能覺得無奈 ...

sodamommy

姨! 好奇怪家長會答得咁官方喎!尋日我全班家長係到鬧,真係好難想像有人咁幫學校喎!

牛仔小怡

尋日的確很狼狽

陰公朝早我已經塞車, 早餐冇時間食，去到點幾鐘先有時間去接小朋友..去到學校都兩點。學校係打過黎了解下我去到邊, 冇催我.. 催我都冇用, 邊個想漏低自己小朋友O係學校呢..

不過要公道點, 開學手冊已寫左11:45 前黑雨冇校車, 又唔係突然取消， 只能怪黑雨唔係11:50 掛吧...

cmschan

作為家長，當然以小朋友安全為最緊要，我同事的小朋友於其他幼稚園就讀都是黑雨後由校車接放學，如果去年黑雨已有此問題，為什麼今年仍然這？其他幼稚園可以安排為什麼樂基做不到？

細姨姨

sodamommy 發表於 17-5-25 14:58
姨! 好奇怪家長會答得咁官方喎!尋日我全班家長係到鬧,真係好難想像有人咁幫學校喎! ...

其實我都理解黑雨無車，因為黑雨保險係唔包，到時真係出左意外，又可以怪誰呢。 況且，學校手冊真係有寫明的。
另外，你說學校要幾點前接，果刻我都覺得係唔應該，但其實家長可以跟學校反映果個時刻接唔到，留係學校一陣。 學校是唔會唔理既，我返到家小朋友都講，有老師陪佢地，又比tv佢地睇， 所以佢好開心。所以我覺得有問題既係天文台囉

cmschan

黑雨保險唔包只是官方口吻，傾盤大雨叫家長自己接出事就學校不用負責，不是要黑雨都開車，可否黑雨落後才乘校車？其他幼稚園都有安排為什麼樂基做不到？當天早15分鐘校車已到學校，黑雨就司機叔叔及校車姨姨去吃飯了, 他們原本不是要該段時候工作的嗎？

babebb

落咗黑雨安排校車建議唔錯但問題會幾時落我諗連天文台台長都答唔到你。
又試問其他學校校車於今次黑雨出車而發生意外又會唔會比全城插爆呢？到時又會唔會怨為何在惡劣天氣情況下出車？

最緊要阿仔安全而我又確保安全情況底下去接仔

世事沒有完美，只希望下次學校做得更妥當

sodamommy

回覆 babebb 的帖子

校車唔開絶對理解,問題係教育署有指引黑雨小朋友應該留係安全地方,家長亦不需要趕去接小朋友,學校唔應該限家長時間去接囉,嗰時出面咁危險，大人因為咁有意外點呀?! 如果稍為有用下腦,都會先通知家長小朋友安全,學校會提供食物同照顧小朋友,請家長係安全情況時先嚟接囉! 其他學校安排咁好,對樂基好失望姐!

細姨姨

sodamommy 發表於 17-5-26 09:35
回覆 babebb 的帖子

校車唔開絶對理解,問題係教育署有指引黑雨小朋友應該留係安全地方,家長亦不需要趕去接 ...

其實 若當時接唔到. mama有無反映比學校知. 因為深信學校如知mama 若未按時接到小朋友, 學校一定會好好照顧好小朋友的. 所以有問題先要去溝通一下...