剛交左留位費9月讀Year 9,心情複雜

dizidizi

twsf 發表於 17-5-16 12:31
一去就8-9年，希望這個是啱的決定希望佢生生性性

唔好咁擔心，希望在明天，比佢獨立吓，係一件好事。(emoji)(emoji)

brother4

可能不用8一9年，用非聯招報本地大學，5年左右。。。

noel2010

如果是英國寄宿私校，有很多假期回港，不覺得很耐才見面。而且現今的通訉，差不多天天可通話。只是初初家長不適應。

DoReMi媽媽

可以話俾你聽，不後悔，仲覺得好值得

mlf

絕對認同DoReMi, 仔仔去了接近一年，學到的不是用金錢能衡量的。我很滿意彼此的決定。

亮燈

mlf 發表於 17-5-17 13:03
絕對認同DoReMi, 仔仔去了接近一年，學到的不是用金錢能衡量的。我很滿意彼此的決定。
...

同意，所以兩仔都過去讀，兩老惟有辛苦啲！

Mighty

不是溌冷水、只是事実陳術。　有人適合、有人不適合、男生、女生的反応也有不同、不可一概而論。　一般在這ＦＯＲＵＭ的家長、都好正面。　這刻覚得決定正確、就是正確、之後有変、是之後的事了。　只要明白、出国留学、不是万能薬、就是了。　同子女之間的関係、還是要辛苦経営、才有成果。　To put in my two penny worth.

noel2010

其實子女關係初時有生疏，因之前日日見住，之後要放假才見。但子女去了外地，見到新奇事會同你分亨，的確多了溝通。如果繼續留港，未必日日有Whatsapp 或電話。

DoReMi媽媽

mlf 發表於 17-5-17 13:03
絕對認同DoReMi, 仔仔去了接近一年，學到的不是用金錢能衡量的。我很滿意彼此的決定。
...

剩係佢哋嘅獨立，自理，習慣凡事自己想辦法解決，我深信好過送層樓俾佢哋。

1998Ruby1998

初初一定係唔捨得，忐忑不安，因為屋企突然冇左個人，尤其果個係自己仔女。煮飯份量少左、洗衫少左、仲可能早訓左，變得夜晚流長。不過寄宿學校 2、3 個月就返屋企（除非你去 Guardian 到住），好快又見面。（可能你好快就鍾意屋企靜，唔需要考慮仔女考試補習時間，鍾意乜時候去街同旅行都得 ）

當然，去左之後好與壞，睇人嘅造化。不過見到呢度好多都係家長報喜，希望你都可以盡快成為一份子。

不過我同父母的確係溝通多左，少左嘈交。好多人關係突然變差係因為相處時間太多空間太密（呢度家長應該都有經歷過呢個問題
），依家生理上嘅隔離大左，其實心理隔離係會少 d。

brother4

長多一句，父母會夜瞓咗，因時差，英學校放學時香港時間零晨左右。。。

noel2010

父母可安心工作，因一直以來經常OT 工作，做到悶時就Whatsapp 佢，唔使擔心話我冇時間理佢。暑假回來，會買餸煮飯比我們，自已會開洗衣機洗衫。

當然壞處都有嘅。

亮燈

1998Ruby1998 發表於 17-5-18 19:37
初初一定係唔捨得，忐忑不安，因為屋企突然冇左個人，尤其果個係自己仔女。煮飯份量少左、洗衫少左、仲可能 ...

講中晒我既情況，完全同意。

doris25

DoReMi媽媽 發表於 17-5-18 18:07
剩係佢哋嘅獨立，自理，習慣凡事自己想辦法解決，我深信好過送層樓俾佢哋。
...

講得好，非常認同

DKmum

DoReMi媽媽 發表於 17-5-17 12:34
可以話俾你聽，不後悔，仲覺得好值得

絶對同意啊！看到我女不斷進步成長，申苦d都值！

過客

但我真係好唔拾得佢咁細個就要獨自去面對.

katrinafu

過客 發表於 17-6-25 23:54
但我真係好唔拾得佢咁細個就要獨自去面對.

似乎是你不能面對阿仔不在你身邊多一點！

你還可以陪阿仔幾多年去面對問題 ？  他是去學習讀書，不是衝鋒陷陣， 你比多點信心他啦！

提醒他， 想快適應，多與當地同學說話溝通， 想唔比人欺負，記得努力讀書， 多看書 ， 成績好就唔會比人少看你 。

有冇聯絡學校 ，校內有沒有香港人？ 如果有，問下學校可否聯繫就讀中的家長， 只要你多一點了解，你便少了一份擔心 。

caerion

樓主真心分享。你今日唔嘗試放手，難道你可以陪孩子一世嗎？你今年唔捨得孩子出國，難道你明年就會捨得嗎！佢跟住你，就可以面對所有問題？既然決定了就放手吧！每個父母都疼愛自己的孩子，但讓他們出去體驗一下，讓他們年紀還小時早點適應，自己面對同解決問題，人生道路是他們憑自己的經驗和勇氣行出來的，擴寬眼界，將來他可能會感謝你，給他這個機會。分享一個朋友經驗，朋友兒子，DSE 成績成績唔理想，被送到英國讀foundation9個月唔夠被送返港，朋友話兒子融入唔到當地生活，無朋友，玩自閉，成績追唔上，總之就樣樣都唔掂。其他有經驗的朋友話，比小朋友早點適應，自己學習解決問題，就算到時在外國真的適應唔到，真的要回留都容易d攪，因為政府規定16歲以下一定要返學。返來搵學校都易d唔會兩頭唔到岸。另一個朋友，兒子現在是律師，佢話最多謝的是爸爸在F4時送他到英國寄宿，從此睇嘅嘢唔同晒，係一段好寶貴的經驗。